Tetap setia lakka mayilla ko ¹ Ba linna kowe, anagu, mu kullisapo nee anugerah dana a wa'ina ne barrana Yesu Kristus. ² Lakka appana parengemu a walina barragu ne arona mangieda saksi, yawe barrada ata a setia, a bisa alla bada bowona ata waddeka. ³ Pa diekuwu bou mayilla a linnana prajurit Yesu Kristus a dessa. ⁴ Da'ima prajurit a pasibuk wekki douna waige urusan muorika iyya loddo iyya loddo ga'i kana pasenanguni komandan na. ⁵ Linna alladona na iyya olahragawan a patadina, na kolena mahkota kemenangan kecuali ngia bana patadina waige peraturan pa wai. ⁶ Na petani a payilli takka na pantaswe bana dadi ata a ullu a deibayi i uomana. ⁷ Pangeddage appa patekkigu oronage na Muori na yagu padde ne ngara dukkanage. ⁸ Loloya Kristus Yesu, a kedde walina ata mate dana, ubbu aibana Daud, a linnana patekkigu ne Injil danagu, ⁹ oronage yauwa neeya ku mayilla dukki ba tamaga gollu dana a linna ata a buokala, takka li'i-Na Marobba Allah dada patamakige gollu dana! ¹⁰ Ba linna kowe, yauwa ku bertahan ne ngara dukkanage tubada yidda ata pa pedena Allah ga'i yidda kada kole allana manumara a wa'ina barrana Yesu Kristus mono waige kemuliaan-Na a idda kadukkana. ¹¹ Ne patekki na bia we : 'Bata mate denga koni Ngia, itta ta muorika alla denga-Ni. ¹² Bata tarunni ko, itta ta pareta denga allani Ngia. Bata menyangkal koya, Ngia namenyangkal allada. ¹³ Ba data setia ko, Ngia na setia pakita, oronage Ngia dana bisama bana menyangkal wekki douna'. Ata a payilli a pasenanguni Allah. ¹⁴ Palolodage tubanage neya. Panungadi Yidda arona Muori ga'i ka dada berdebat kana tubada patekki, oronage ba da'i gunada mono ngiaka dowe bana pamubbuka ata a rengewe. ¹⁵ Rawige a louka padessa ga'i kou ya wekkinaarona Allah a linnana ata a payilli a idda makke, a bowoge patekki a bia. ¹⁶ Takka, ga'ige kawossoka a sia - sia oronage neya na dutuwu arona a idda saleh a louka parah. ¹⁷ Patekkida na ngettage bana dukkiwe mirrika karodduka gangren we. Ne yidda dona Himeneus mono Filetus, ¹⁸ a sillira walina a bia, bata tekkiwe ne kebangkitan na dadi bawe. Yidda da parusaka at waida ata. ¹⁹ Takka, dasar na Allah a kullisa ienga douge bana dedewe waige ne meterai : ' Muori na paddedi garra a dadi milik-Na', mono 'Na ata a mengakuge ngarana Muori na ga'ipoge a buokala'. ²⁰ Ne umma dana a dessa, da ngiama kiwe ba wa'idi perabot parawida a walina omma mono perak, takka parawida a walina wasu mono tana rara. Yidda waddeka da waidi tubanage pa aro pa paakada, takka waddeka tubana pa aro a idda manoto. ²¹ Ba linna kowe, na ata bana basa wekki doukona walina a idda manoto dana, ngia na dadi perabot tubana tujuan pa paaka, da pa khusus ni, mangu gunana barrana muorina, mono da siapkan tubana na payilli a dessa. ²² Marroge hawa nafsu ata bo'una mono ruotiwe a bia, ate wai, manawara mono muoli dame dugguda yidda a paouni Allah waige ata takkada. ²³ Marroge perdebatan a kabanga mono dappa padde denga oronage mu paddege neya na aroge pa pangangara denga. ²⁴ Pelayan Muori ommana pa pangangarana, takka mawu dengandi ngara dukkada ata, terampil ba bowona, mono pattu wekkina, ²⁵ waige mawuba koreksi yi lawana. Semoga Allah kana yadi jerra a pa arodi padde dana mono a bia ²⁶ ga'i kada sadar mono da pasella wekkina walina sirruda muori tana a lawadi ga'i pa kakowe pabeida.