¹ giasa ba banna mate saul,na bali daud ba banna pakalayi ata amalek.bage,daud na madaka nee ziklag selama duada loddo. ² dukki loddo ke touda, ammini tentara olena saul kalbbena ma irrayi monno tana waige togo katuawana.ba banna dukki arona daud,na kawodo monno sembah. ³ bage,na tuaya daud,''giawali ngiamu bou mai?''na ata na waleya,''kiadu guge wali pasukan da ata israel.'' ⁴ daud na tua kiaya,''appa nage a dadi?nungnga patekki pogage.''na tekkinage rakba ba bali attidi a kiadu wali patauna.mangiadayi ata a mate.saul monno yontan,anan'na,mate dommo. ⁵ daud na tuaya na bua ata a tekkinage,''pei waina bou paddege saul monno yonatan,ana'na,ba bali mate'da?'' ⁶ na bua ata a ngiddi patekki na wale,''nee ga letena gilboa,ku iayata saul banna bajju ka wekkina nobbu bage pasukan kereta monno muarina monno ata a pennena dara a ruatiya. ⁷ ba banna patiatina lira,na iatawa ba napa ouga.monno,lugguni,ya,muarigu.' ⁸ na tuawa,'garragu you?'ku waleya,'yauwa ata amalekwa.' ⁹ bage,na panewe,'mai nemmi monno pamatewa.oronage,na lattakawe tougu tapi diawagu na bonnupona.' ¹⁰ bage,ku kako barrana monno pamateya,oronage ku paddege danna sillu muarikamma ba banna guggila.bage ku dekeya lado a waina togo katuawana monno lele a waina togo lakona,nee pa ngiddigugu muari.'' ¹¹ bage,daud ne terrege kalabbena monno na irrawe,lidda dommo ngaradukkada ata a marengngani. ¹² da milla,ngio,monno dadda ngaa dadda ianu ma dukki banna tama mata loddo,togo saul,togo yonatan,ana'na,togo umat Muori,monno togo ata israel,oronage bali mateda oro kiato.daud na pawede pamateyi ata amalek ¹³ bage,daud na tuaya na bua ata a ngiddi patekki,''gia wali ngiamau you?''na wale,''yauwa iaka atawa,ata amalek.'' ¹⁴ daud linnani,''dou madautama soroni limmamu bou pamateya ata pa pidi na Muori?'' ¹⁵ bage,daud na pa ouni iyya atana monno linna,''pa barra,monno pamateya.''bage na ata na pamateya. ¹⁶ daud linnani,''raa ne togo katuawamu oro ngadamuge pa tekkimu,'yauwa bali pamategunni ata pa pidina Muori.'' geilana daud tuba saul monno yonatan ¹⁷ daud na geile tauyi togo ngio saul duguda yonatan,ana'na. ¹⁸ na pawedeyi bowodanni na geile barra a paburru yehuda.karurunage,tulisawe ne togo bukuda ata a jujura. '' ¹⁹ dessamu,hai israel,bali dada nage togo letemu.oh,pahlawan-pahlawan da mate! ²⁰ illa tekkiwe lai gat,illa tekkiwe ne lara dana askelon.gaimu illa da pakallaka ana mawinneda filistin,gaimu illada malika maria ana mawinneda ata idda burru maredda. ²¹ hai letena gilboa,dai kanna weepenni,monno daima urra a burru barramu,atau maredda a ngiddi pamate dengnga.oronage,nee dona bali pa dou riwwo dadi raa da pahlawan-pahlawan,perisai saul pa dappa urapi wai minyak. ²² wali raa'da ata papa mate,monno wali morruda pahlawan,panah yonatan danna sibitamage lira,monno pedangna saul danna bali kaluamawe. ²³ saul monno yonatan,beidi monno da manadana.muarika atau mate dadda pasiawama.da louka pangettana wali wikkita,louka pakullisa wali singa. ²⁴ hai lakawa mawinne israel,ngio ni saul!ngiana a pasadia waigimi kaba kirmizi,waina kalabbe dessa;tauge masi togo kalabbemu. ²⁵ pahlawan-pahlawan bali mateda ne tillu patauna.oh yonatan,mu mate togo lete-letemu. ²⁶ ku menderita oromu,anguwuagu yonatan,mu manadana tubagu,mawawwaramu na iakawe,wali manawwara mawinne. ²⁷ pahlawan bali mateda,monno mollasayi senjata patau'da.