¹ ne linnadowe,ba bawe neege,daud na tuaya Muori linna,''ku kako pongngupowa nee iyya kota nee yehuda?''Muori na waleya,''kako.''daud na tua kiaya,''gia dou ngiako dou kakogu?''na wale-Ya,''nee hebron.'' ² daud na kako nee bali duguda duada ole ummana,ahinoam mawinne yizreel monno abigail,ole umma ulluna nabal,nati ata karmel. ³ ata ole na na marengnga dommo di daud,iyya monno iyya duguda du'da.bage,da madaka nee kota hebron. ⁴ bage,ammidi ata yehuda badda urapiya daud nee bali,tuba banna dadi tokko'da ata yahuda.dukki badda tekkinage papa nau na daud ata yabesh gilead ba bali tanedani daud, ⁵ makka daud na pawede ata lai ata yabesh gilead.lai yidda lidda'di,''na pamaringngimi Muori oronage bei patingngoge manawwaramu lai muarimu,lai saul bei taneni. ⁶ oronage nee,Muori na patingngoge manawwara-Na barramu.yauwa dommo kau rawige a dessa a miarana barrami,oronage ba bali rawi mige dessa barragu. ⁷ neeya,pakullisage atemu monno dadi ata a manadana a berani,lakka bali mate konna muarimu saul.yauwa bali urapidaga ata yehuda tuba bakku dadi tokko'da.' 'Isyboset na dadi tokko ⁸ Abner ana'na ner,ngiana panglima pasukanna saul,na dekeya asyboset,ana na saul,monno ngiddiya nee mahanaim, ⁹ na keketaya banna dadi tokko nee gilead,lai ata asyuri,lai ata yizreel,lai ata efraim,lai benyamin, monno lai ngaradukkana israel. ¹⁰ isyboset, ana'na saul,pata kabullu douna banna dadi tokko'da israel.duada douna banna paresa.ata yehuda kaddona a iangana a diakuni daud. ¹¹ dou a dadi banna dadi tokko daud nee hebron ata yehuda pittu dou enne wulla. patau pamate dengnga ¹² na ka guddika abner ana'na ner duguda ata'na isyboset,ana'na saul,wali mahanaim pakitana gibeom. ¹³ bage,yoab,ana'na zeruya marengngadi ata na daud da kako dommo,da patabbokanna nee telaga gibeom.pihak iyya iangadi nee uppu telaga,monno pihak waddeka iangadi nee uppu telaga waddeka. ¹⁴ abner linnani yoab,''gaidi bua ata kadda kako monno rawige pertandingan ne aro'da.''yoab na wale,''dessawe.'' ¹⁵ bage,da kako aro duguda yiapadi:kabullu duada ata wali kabisu benyamin,wali isybesot,ana'na saul,monno kabullu duada ata wali ana buana daud. ¹⁶ iyya monno iyya yoppayi katuawa gobba'da monno dussukannage pedang ne bulle danana gobbana,ba makka da mate paredda.ne padou pangarage helkat-hazurim,nee barra gibeom. ¹⁷ makka,ne patauna nee loddo na sengngitawe,monno abner duguda ata israel pakalayi wali ana bua na daud. abner na pamateya asael ¹⁸ touda ana kabanina zeruya,nai yoab,abisai, monno asael waini nee bali.asael na ngettadi waina a linnana kijang matobba. ¹⁹ asael na ruati wali lirana abner danna sibitammana kawana monno yello.na padiaku wali lirana. ²⁰ abner na patiatina lira,bage na tuaya,''you ngia asael?''na wale,''oo,yauwa donna.'' ²¹ bage,abner linna,''sibitanna kawana atau yello,yoppa iyya ata wali bua ata monno deke naddi senjatana.''tapi,asael danna nauma pa ngau diakuni abner. ²² pakitanagege,abner na panewe sadekka kia,''ngau pa diakuga.ku taupo dukki bou guggila? pei waina bakku keketa mata ne arona yoab,kaa mu?'' ²³ tapi danna nauma pa ngau.bage,abner na dussukawe tia lirana asael waige nobbu,ba ne nobbu makka na tembusawe lirana.na kaboula monno mate nee bali.yoab monno abisai da ruatiya abner,ngaradukkada a mai ne padou matena asael,da madaka nee bali. ²⁴ tapi,yoab monno abisai da ruatiya abner.na tama mata loddo ba badda dukki nee barra letena ama,a nee tuba timur giah,tuba maredda gibeob. ²⁵ da pakassanan pa burruna benyamin ne lirana abner da pakaiyyana,monno da dede ne ponnuletena. ²⁶ bage,abner na kawulani yoab.linna,''ne pedang na ngaa pakitapowe ata?dou paddekige ba ammige karodduka a mai dukki kadukkanage?pirra gai kia madoinage appa makka dou tekkiwada ge atamu gaimu kadda ngau pa ruatiya anguwuamu?'' ²⁷ na wale yoab,''demi Marobba Allah a muarika,karurunage bou tekkikowe,makka rakyat wali nenena kabu geddena da pakadenna wekkina badda ruatiya anguwuada.'' ²⁸ bage,yoab na puawi terompet monno ngau kuayi rakyat.dadda sillu paruati kiama wali lira'da ata israel monno dadda sillu pakitamage patauna. ²⁹ abner monno olena da kako nee araba-yordan ne gedde malou.da palage loko yordan,da kako pakita loddo malou bage makka da dukki nee mahanaim. ³⁰ dukki yoab banna ngau pa ruatiya abner monno pakassa kuadi rakyatna,kabullu siwwa ana buana daud a dada,termasuk asael. ³¹ bage,ana buana daud da paluyi touda ngasu enne kabullu ata a walina kabisu benyamin dukki badda mate,wali atana abner. ³² da keketaya mayatuna asael ba makka da taneni barra padou tane dani amana,nee betlehem.da kako yoab monno ngardukka da olena ne gedde,da dukki nee hebron bali miawana.