¹ daud na panewe dengngadi a kalokko di ata rata monno ngasu,duguda ata a aro. ² bage,daud linna di ngaradukka da ata israel,''banna dessa kowe bei pangedda ge,pa beina Muori,marobba Allah,mai katta padessak katta pawede ata lai du ole dadi da a madaka nee ngaradukka nage israel lai rato monno ata lewi a madaka nee kota duguda tanah douda kadda pakassa dengngada. ³ katta padikki ge tabut marobba Allah niiya,oronage ba datta padessamawe rasina saul.'' ⁴ makka,yidda garadukka ata da rawige a linnana,oronage ne patekki na dessa we badda iatawe yidda ngaradukka da ne bangsa. ⁵ bage,daud na pakasadi ngaradukka da ata israel,wali loko sikhor nee mesir dukki ni lara a sagana hamat,badda regga we tabut marobba Allah wali kiryat-yearim. ⁶ na kako daud monno ngaradukka da ata israel sagana baala nee kiryat-yearim a tama nee wilayah yehuda ba keketawe tabut marobba Allah wali bali,patekki Muori a madii ne togo kerubim. ⁷ da papenne ge ne tabut marobba Allah ne togo karetada a bouna wali umma na abinadab,yiddi uza monno ahyo da lippa tauya na kareta. ⁸ daud monno ngaradukka ata israel da nego waina kaluata ne aro-Na marobba Allah,waina geile,kecapi,gambus,rebana,ceracap,monno nafiri. ⁹ ba badda dukki nee padou pengirikan kidon,uza na soroni limma nabanna terredi yidda tabut oro nage yidda lembu na jorrata. ¹⁰ na kedde we banina Muori lai uza ba makka na pamateya.na mate nee bali,ne aro-Na marobba Allah. ¹¹ daud na bani oronage Muori banna tauya uza.ne padou da pangarage peres-uza dukki nii loddo. ¹² Daud na madautani Muori monno linna''peiwaina bakku ngiddi we ne tabut dukki padougu?'' ¹³ bade daud danna nauma papa dikki ge ne tabut dukki padouna nee kota daud.bage makka na sibitana nee umma na obed-edom,nai ata gad. ¹⁴ na iangage ne tabutmarobba Allah nee lai du na obed-edom touda wulla madoi nage moon Muori na pamaringngiyi du na obed-edom ngaradukka kuada padouna.