¹ yidda ngiadoyi ata a aroni daud nee ziklag ba nee ni a pasili wali lai saul monno ana na kish.yidda ata ngiayi a tulu ni ne patau dana na. ² mangu senjata bususrada monno da kullisa possa watu atau ana pana na wali limma yello monno limma kawana da.yidda ngiayi anguwua kabisu na saul wali kabisu benyamin. ³ Abiezer ngiana kapala;yoas,ana na seman wali gibea;yeziel monno plet,ana na asmawet;berakha monno yehu,ata anatot. ⁴ yismaya,ata gibeon,ngiana pahlawan wali touda kabullu ata a kapaladi yidda touda kabullu ata;yeremia,yehaziel,yohanan monno yozabad,ata gedera; ⁵ Eluzai,yerimot,bealya,semarya,monno sefaca,ata harufi; ⁶ elkana,yisia,azareel,yozer monno yasobam,ata korah; ⁷ yola monno zebaya,ana na yeroham wali gedor.ata gad ⁸ wali gad wai dommo ni a pa pisa wekkina monno kako lai daud nee kubu padou pariama ne maredda dana.yidda ngiayi pahlawan a manadana,ata ata a kullisa patauna monno a padde pawaina tuada monno nobbu.mata da a linna na mata singa,da ngetta na a linnana kijang ne togo letena. ⁹ ezer ngiana kapala,obaja ngiana ata ke duada,eliab ngiana ata ke touda. ¹⁰ mismana ke pata,yeremia ata ke limma, ¹¹ atai ata ke enne,eliel ata ke pittu. ¹² yohanan ata ke paddo.elzabad ata ke siwwa; ¹³ yeremia ata ke kabullu,monno makhbanai ata ke kabullu iyya. ¹⁴ yidda ngiadoyi ata ata gad a dadi akapala.a kii pongnguna monno a gobba di ngasu ata. ¹⁵ yidda ngiadoyi a palani loko yordan nee wulla a ullu na loko lakka na bunnu kona dukki uppuna.da seipuyi ngaradukka da ata lembah tuba timur monno tuba barat.tentara waddeka da pakassa ole ni daud ¹⁶ ammi di waddeka wali paburru na benyamin monno yehuda nee kubu-kubu padou pariama na daud. ¹⁷ daud na lousona banna reggaya monno banna panewe dengnagdi.linna,''ba ammi dogu ngiddi muoli bou pa tulu makka ate gu na marengnga gu.ba,bou mai ba paserra komuga lai gobba bou waina winni dakku rawimana a bukala togo limma gu,makka na Marobba Allah ubbu waika da a itawe monno a uku gu.'' ¹⁸ bage,roh na kuasa ya amisai.a kapaldi yidda touda kabullu ata.''salam sejahtra! sejahta tubamu,daud,ana na isai!sejhata a tulugu wali lai Marobba Alla.''kamurri nage daud na eiba yi monno na keketay badda dadi kapala pasukan. ¹⁹ wali kabisu manasye wai di a pala badda ole ni daud,dukki banna kako ole di ata filistin tuba badda gobba ni saul.bage,dadd pa tulumani oro tokko-tokko ata filistin kamurri nage da piatawe badda pawedeya kako.lidda ni,''katuawa da niawe siapanage banna palako lai muarina, saul.'' ²⁰ ne lara dana ba sagana ziklag,da pala wadde ka wali kabisu manasya barrana,nai adnah,yozabad,yediael,mikhael,yozabad,elihu monno ziletai,ngiayi kapala-kapala pasukan rata wali kabisu manasya. ²¹ yidda ngia a tuluni daud badda gobba di a mangiada,oro nage yidda ngaradukka da pahlawan a kullisa a manadana monno da dadi kapala pasukan. ²² wali loddo monno loddo ata ammi di lai daud badda tuluni ba makka da dadi tentara kalada,a linna na bala tentara Marobba Allah.ata a pakassa dengnganu daud nee hebron ²³ yidda ngiayi luada a waina nobbu katopo a mai lai daud nee hebron badda ngiddi we pa paterre tokko wali lai saul,a linnana patekki na Muori: ²⁴ wali kabisu yehuda,a keketa tuada monno nobbu enne rata paddo pata ngasu da ata a sadia ba patauna. ²⁵ wali kabisu simeon,ata a manada da pittu rata ngasu ata luada. ²⁶ wali kabisu lewi pata rata enne ngasu da ata. ²⁷ marengngana yoyada,a kalokko di wali kabisu harun,touda rata pittu ngasu da ata. ²⁸ bage zadok,bua ata a manada na a kalokko di duada kabullu duada ata wali paburru du'na. ²⁹ wali kabisu benyamin,du ole kabisuna saul,touda rata da ata.dukki ge rasi, mangiada wali yidda a patoo yi du na saul. ³⁰ wali kabisu efraim,duada kabullu rata paddo pata ngasu da ata a manadana,ata a pangaranadi wali paburru du'da. ³¹ waddeka wali kabisu manasye,kabullu paddo pata rata da ata patekki ngarana badda kako keketaya daud banna dadi tokko. ³² wali kabisu isakhar a padde ge rasi a dessa ba makka da padde ge appa na parawida ata israel,duada ngasu da ata waidi du ole dadi ole kabisuda a neena kabu paparaesada. ³³ wali kabisu zebulon,a kako patauna monno a padde papatauna a waina nobbu katopo papatauwai,limma kabullu rata da ata a patulu idda kasangnga atena. ³⁴ wali kabisu naftali,rata da ata waina tuada monno nobbu touda kabullu pittu rata ata pamarengngada. ³⁵ wali kabisu dan,a padde papatauna duada kabullu paddo rata enne ngasuda ata. ³⁶ wali kabisu asyer,a bisa kako patauna monno a padde patauna patakabullu rata da ata. ³⁷ wali bali loko yordan,nee kabisu ruben,kabisu gad,monno waddeka wali manasye monno ngaradukka da papatau waidangasu duada kabullu rata da ata. ³⁸ ngaradukka da yidda ata,prajurit-prajurit ne barisan patau danana,waina maringngi ate badda mai nee hebron badda keketaya daud banna dadi tokko ne ngaradukka nage israel.monno dommo,waddeka ngaradukka da ata israel da pakaiyya di ateda badda keketaya daud banna dadi tokko. ³⁹ da madaka badda oleni daud touda loddo madoinage badda ngaa monno ianu papayilli da du ole dadina. ⁴⁰ monno du ole dadi da ,wali kabisu izakhar,zebulon,monno naftali da mai ngiidi pa ngaa badda waina keledai,unta,bagal,monno lembu a luana,yiddi pangaa wali terigu,kababa ara,kababa kismis,anggur,minyak morru sapi ,monno kamiaka bebe,oro ba waige sukacita nee israel.