¹ Ne niawe,alinana ole penatuagu mangu apande matage nemalarata karettu mangu alina domona ata adeke sangadi patekida ,Yauwa kupatuka domodi, ghida padita awaini nebaramu. ² Daghayi ana bebe Allah ani'ina baramu emana orona bapakoguwe ,wali atege, alinana pabeina Allah, emana rawige kakole waina pa' utu adiraka, taka rawige oro manudumu. ³ Emadomona rawige apagaina ata rato barada ghida ata pawaida aroneboto baramu, niakidowe pagaina tuda bara oleda. ⁴ Niaka nebalinawe , ba nemmi.... Amini yeukana mudebawe. ⁵ Alina kaina yeu abeuna pa' akadi ata akaweda kia, mono yemmi ngara kua pabotowe ne dia ate baramu lapata olemangedamu ; Allah dena beikidi ata akeketa wekina niakidowe nayani kanurru ata apa radaka wekina. ⁶ Ne niawe, paradaka wekimu bara limmana Allah aterena sangadi gaikana keketaghu bana duki kowe rapanawe. ⁷ pa arrekua ne patamu ate bara Allah,lapania akaraghu. ⁸ pa' ate mono mada ghumi gebamu kabalika nanoneka napagaina singa, aghewa nga'a pa nga'ana. ⁹ Gebana kabalika padede panghu pakattoge papa ngedamu. mupandege ngara ne penu tana, lapata ngarakua oledadimu adeitowe ne malarata palawimu. ¹⁰ mono, tillunawe bughenna maghilla, Allah walinawe kanurru napamaighu deke padeu aro sangadina amoripa pakita bara Kerettu,apadiawe mono apakeddeghu. ¹¹ barranawe ne sangadi dukiwe muri wali-muri wali. amin! ¹² yauwa kutulisa domo surata aro baramu kupalawinawe Silwanusa papandegu. yauwa domo kubeige yagu manuna baramu, neniawe kanurru wali bara Allah. pakattoge padede aro baranawe kanurru, ¹³ ata aniina ne Babilonia, mono ata paandena Allah, apadukige salam baramu. ¹⁴ yadomo manawara bara ia ata lapata bara ata eka. maringina ngarakuada ani'ina barra Karettu. Amin.