¹ Malla na Karetu ba na eta ma ghilla ne dadi atana, nggai ne yemmi kania kiwe papa ngedami, pali-toudami . Naata aeta ba maghilla ne dadi atana, palousoni wali sala dana. ² Nggai ne ba gha'i poge lolongauda ne pe'nnu tana, kaudeuselu dekukage patekki ata pi'a, ta'ka pembeina Allah. ³ Malla na tutubawe hetti patalira bei dekuge pabeida ata kasala mori, bai dekuge aingu-anga, pa bei ata, wee kindora, pamabokawekkina, enu paluana, monno barra marapu ndalarana. ⁴ Ne alinnana pakarebba atedengawe, beipalolodengadi ba bara aingu-anga, nia ka kodo kaigumi. ⁵ Takka engawaledui na ata aremana pana opi dandi sala da ata a' moripa monno amate. ⁶ Niawe batta kaidawe li'i engge ba opi dandi salada, nawe ata pi'a monno kadekuge pa beina Allah. PATA PALIDA ATA KARETE ⁷ Nebalinnawe na tukke we kadukkana, kai pa ate ghumi, kana mangewalawe papa ngedami kaengage bay sambayango. ⁸ Pola beinawe gai kai pamanawara weikina, malla ne manawarana na todiyi sala mangeda. ⁹ Ga'i kei paka wekina, dai waikage kangaruka. ¹⁰ Kai patulu wekkina ia ata, alinana tanggu patulu- pagatana, aterege a dia payana ga'i kana tekiwe linna Myori . ¹¹ Ba ghai kaikuni appa gata, ka linna gumi ata apa ghesi, kana pa akani Allah, malla ngara dukkanawe muriwali- murriwali Amin. Maghilla Orona Yesu Karetu ¹² Ii ategu, ndai karebba deng'a kage, maghilla aghaina ndana duki kiwe mbarami. ¹³ Takka bai maghillako Orona Karetu, kaindeta ate waige kabuara. ¹⁴ Ba nia ghenakumi kangaruka, oro Ngarana Karetu, Maringina malla nghauna JAllah nee ni mbara mi ¹⁵ Kandaikana iya ata ne yemmi a eta mghilla, ata pamate ate, ate kedu, ata bokala, akubara ole atana. ¹⁶ Takka bana etakowe maghilla ba ata padeku ya, kadana makke dengakage, kana ghaipa deika ghuni ya JAllah ¹⁷ Rapa banawe ba tauge sala ne umma Allah takka bana ullu badiwe ne badiwe ne ghita, kapeikona kadukana tubada ghida ata ndapa toowe li'i enggena JAllah . ¹⁸ Makka naparekkaki ata ndakolena manu manara ka gekoge padouda ata ndawaini Myori, ata dirraka? ¹⁹ linna kaiwe ata aeta maghilla, dekuge babei atena Myori, gha'i na ndewada kana ande mbarana Myori Ama gholo Ama Rawi bata liwe adiya.