Nafafa'dak neme Paulus no Timotius ¹ Neme Paulus no Timotius, fo Yesus Kristus ata na, neu basa hataholi malalaok nai Yesus dalek fo manai nggolok Filipi boema hataholi fo manamete salanik ma manalauono salanik: ² Palabaek ma sodamolek tetutemak neme Manetualain, ita Papa na ma Lamatuak Yesus Kristus nok emi. ³ Au amahoko neu Manetualain lelek fo au asane'da neu emi. ⁴ Nai au do'ang dale neu emi basama ,au do'a ahele no namahohokok . ⁵ hu neu emi naka bua naka esa nai tutui dede'a kokola malole neme fai makasosaka losa lelek ia. ⁶ Au amahele te'e-te'e Ndia nde nakahuluk nai tataonoi malole nai emi de'u be ma tala'da, Ndia nde taonan no katemak losa Yesus Kristus fai na. ⁷ Leoiak au na memedanga soa neu emi te nde be na emi basama nai au dalenga. Fo lelek au nai bui dale boema lelek au fe kokolak ma nakatesak neu dede'a kokola malole, emi da'di tolanok neu au nai susuelaik neme Manetualain. ⁸ Manetualain ana bubuluk au, nde be na au dalenga nasane'da neu emi basama nai Yesus Kristus susuen dale. ⁹ Au do'anga nde ia: ela leo be na emi susuelaima ana be nama ba'u no basa malelak ma dudu'a-afik lala'ena; ¹⁰ fo emi hapu hele hata fo malole ; emi aoinama ndos ma tanalutuk losa Lamatuak faina; ¹¹ ma ana tao nahehenun no boa-boa malole neme Kristus Yesus fo ana da'di kokoakiok neu Manetualain. ¹² Au tolanonga lemin, au nau emi bubuluk nde be na hata fo ana da'di soa neu au neni ita lo mata, nai dede'a kokola namahokok, ¹³ nde be na basa mana manea maneka umana ma hataholi feena basa-basan anabubuluk au nanahukuk hu Kristus. ¹⁴ Tolanok kamahelek bauka ala tee-tee lamahele neu Lamatuaka, neme au huhukung ia, ana be napalani tui benga Lamatuaka dede'a kokolan no taname'da bibik. ¹⁵ Teteeka, hapu hataholi-hataholi ana tuibenga Lamatuak no tenetu dale sala boema nau nakasusudik, tehu be hapu luma no dudua malole . ¹⁶ Hataholi sila no dale malole ala taono'i no susuek te ala bubuluk au nai mamanak ia sosoana nde dede'a kokola namahokok. ¹⁷ Te ba'e neu hataholi nanu dale tamalole, ala taono'i no tenetu dale salak, ta no dale katemak ma duduana de be na ala nau lakaba'uk au doidosonga nai bui dale. ¹⁸ De nanala na nde be? No tataono'i bek ndia boeo, no dale katemak, do dale malole Kristus nana tuibengak, ma neu dedeak ndia au amahoko. Teteek, au namahokonga ta basa fan, ¹⁹ te au bubuluk tunga emi hulehaladoima boema tulufalik neme duladalek Yesus Kristus, hata fo ana da'di neu au neu mateena te ana da'di neu natapoik neu au. ²⁰ Au amahena no namahelek tafaboek au hapu mamaek. Feek neme ndia, au apalani seluk fo Kristus, samaka leo lelek ia ma ta namaketu, nana koakiok nai au aoinang dale, malole fo be so'dak do mamates. ²¹ Te ba'e neu au, so'dak neu Kristus ma mamates da'di neu buna boak. ²² Boema tehu, lelek fo au oainanga be hapu so'dak' sosoana au tao no'i hapu boak. De, be nde au helen, au tabubuluk. ²³ Au nana nakasetik nai dedeak dua tala'da. Tunga au hihinga sona au la'o hela so'dak ia fo sama-sama no Kristus ndia malolena seli. ²⁴ Boema tehu, neu emi, sosoana bauna seli kalau be so'dak nai au aoinang ia dalek. ²⁵ No namahenak ia, au leo ahanik o emi nai namahelek no namahokoka dalek. ²⁶ Kalau au fali seluk lo emi, sona emi mamahoko seluk nai Yesus Kristus dalek hu no au. (Dalek esa ma tao no'i makando) ²⁷ Hundia de, maso'da no tataono'i samaka leo Lamatuak dedeakokola namahokona fo losa au mai atongo o emi , do tamai, au nau amanene boeo mapadeik mahele nai duladalek esa, duduak esa, soaneu emi namahelen neme dedeakokola namahokok. ²⁸ Boso ela musunok ala lakabibik emi, te ndia da'di neu sila nakalulutun na, te so'da molek ndia neu emi boema natutu'duk ndia boe neme Lamatuak . ²⁹ Tehu no Kristus emi nana palabaek ta ka'daka mamahele neun, te doidoso soaneun boe. ³⁰ Hundia de emi hapu dedeak-dedeak samaka leo au itan ma au atongo on, ma losa lelek ia au be la'o ladin.