(Duduana leo Kristus) ¹ Makaneme nai Lamatuak dalek hapu tutuluk balakaik,susue namahoko, nakabua duladalek ma susuelaik ² tao neulalau au namahokonga no daleduduak ma susuek esa nanakabubuak nai duladalek dale ma nanu duduak esa. ³ boso tao no'i hata esa tunga kakda hihima no koao ndaeaok ma sosoandatak tetaono dale nakaloloeaok, sosoana hataholi fe'ekka lena hehi o ao inama. ⁴ boso emi basabasama mete kakda emi hihima te mete hataholi fe'ekka hihina boe. ⁵ elalobena duduak ia hapu nai emi basa basama samakaleo Lamatuak nun na ⁶ matetunna Lamatuak ka sama leo Amak Manetulain tehu me leondiak boe, ana ta namekda nae heheohan tataonoin leo Amak Manetulain ndia ana hou nahele fan ⁷ boema ana tao aoinana tananu hata esa boek ma ana dakdi ata ma ana dakdi hataholi daebafak samaka leo ita ⁸ nai fai so'da na sama ka leo hata holi ma nakaloloe ao boema ana tunga paleta losa ana mate nai ai ngangek lain ⁹ no sosoak ia Amak Mantolain so'u namademan ma ana fe nadek lena heni basa basa nadek kala ¹⁰ fo ela soaka no Lamatuak ka nadek na basa hata nai lalai, ma nai daebafak ka ma nai daebafak ka buina boe o ala senek neun ¹¹ boe ma basa makala ala tui le Lamatuak ka nde besona amak Manetulain nde ndia de no enok ndia Amak Mantolain nankoa kiok ¹² hundia tolano susuenga lemi sama ka leo emi tunga mahele au nai lelek fo au be o emi lelenak basa ia ma ita komodok tao no'i o maso'dak ma no bibik ma nggenggengek ¹³ te Amak Manetulain nde tao no'i nai o dalek soa neu emi nau tao no'i hata fo nana nahik Amak Manetulain ¹⁴ boso tao basa silala no naleak na pilik ¹⁵ ela soak ka o ndos ma malalaok da'di neu Amak Manetulain anan na nai hata holi mangalauk do ma sala singok a talada ela sueka emi mandela masa'a nai sila talada fo nangaledo nai daebafak ¹⁶ ho'u mahele hehelu holo maso'dak losa Lamatuak ka fain na au hapu hohouk ma namahokok te au sosota mamangun talouk te hapu buna boak . ¹⁷ neu me au fe basan lao lao fo au danga da'di sama leo tutulu hotuk fo nana poak neu hata fo emi fen neu Amak Manetulain fo ana da'di neu emi namahelema makama leondiak sona au amahoko hata dale no emi basama ¹⁸ londiak sona ela lo be'na no dedeak ndia emi mamahoko matadale no au ¹⁹ au amahele no Lamatuak ka na'dek na au a denun Timutius neu emi fo ana fe au halak lae neu emi so'dak ma sona besaka au amahoko ²⁰ au tahapu hataholi fe'ek londiak so'ok fo ana bisa metema ana dudua do'do neu lauk soa no emi so'dak mole ma ²¹ te basa hataholi fe'ek sila la sona kakda ala tao no'i sila hihina te ala tatao no'i Lamatuak nadenu nafakdana fa. ²² emi mita matan Timutius tatao nono'i neulaun na ana nahele neu au fo ami tui benga Amak Manetulain hala malolena sama leo ni'i ana esa ana tulu falui aman na ²³ hu ndia de au adenun lai- lai mete maku emi te tabubuluk balaha binisak au so'dang ia lo bek ²⁴ au ama hele Amak Mannetulai tutulufalin de neu ka see au atongo aneta o emi ²⁵ tehu au dudua seluk fo au adenun Epafroditus neu leo emi neu ndia de be'na soona da'kdi tolanok ami teik esa dalek esa ma neni tutui bebenga neulauk no o no dedeak sosoi tefak neu emi no tao no'i emi au paletanga. ²⁶ tehu ana sue ami basa basa ma tehu dalena tetutemak ta, te he'di na o mamanenen so ²⁷ memak namahe'di te'ete' e losa sanga maten tehu Amak Manetulain natudu susuena neu ndia tehu ta neu ndia so te neu au boe ela soak ka taka'da neu ndia tehu natu'du neu au boe ma neu sila la. ²⁸ hundia au hi adenu falik neu emi ela soak ka emi mamahoko lelek ka emi matongo ma neta ela soa ka au dalenga ana tesa tama ²⁹ hundia de ami sipokan no delak katema tuak epafroditus no no Amak menetulain na'den na no namahokok ma fe ha'dak holomatak neu ndia ³⁰ boema sanga maten neu tataono'i Lamatuak ka ana seo so'dak na nggati huhule heheluk manabasatak.