¹ Saheleaho, asiare kalêbêan totumu Yahudi bo asiare bereguna na sunat? ² Tadoo mio, bo asuang pahasa ioho iwamuna-muna : dea awahem komotahula pinerjaya kukua Ningumêlêd. ³ Jadi kelembisa saatutu hamotahula bana atahii moêman, awa nyaaho akaweraan iaaho mawasondo koemanan Ningumêlêd? ⁴ Sama skali hii pêbalêngên : Ningumêlêd awahem totuu bo pahasa totumu tatwon, kêlê bana bewatih sabohow ihaturu totuu suang pahasa kukuana, bo muautung sahow bêukum”. ⁵ Sumata sahii katotuuan ihita mawaturu katotuan Ningumêlêd, da asia anah kita kumua? Hii adil Ningumêlêd siahu kumua kêlê totumu sa sia mawaturu imboroNa? ⁶ Ihua-hua moho hii kêlê kodait kêlê aho, kêlêmbisa na Ningumêlêd mawatepu baoitoba? ⁷ umata sa katatuan Ningumêlêd towahu lêbê lumêbês a kaloona, de aho ahu malêng tinêpu kêlê itu totumu imêsêa? ⁸ Awahêm ahii wutul be tudu totumu i papakua, awahêm kita kumua : mahinêm kita tumawoi a tapia, saiboho amaulêng lumebo be Sia”. Totumu kêlê waaho apaan donamangê mahaêrê nukuman. ⁹ Yana kêlêmbisa? Banare hita mahasawa akalêbêan de a totumu laêng ? Makêlê ata ihii apaan ambao i hita tinuduh baêtotumu Yahudi baê Yunani, awahêm komotahula pahasa bana andalêm kawasa isalah’h. ¹⁰ Kêlê wana bêwatih : ahêm moho êm butul, totumu iyaho ahi, ¹¹ ahêm moho mangatotumu iyaaho utêh maulêng, ahêm moho mangatotumu iyaaho osa’h mangilah Ningumêlêd. ¹² Pahasa totumu ioho ilumola’h komotahula pahasa ahem bêrêguna, ahem moho tumawoi maulêng totumu iyaaho ahii. ¹³ Alogoyong homotahula kêlê kubur a ngu manga nga-nga dila’a hamotahula mêlêpêi-lêpêi semu i hamotahula mawali-wali imbisah. ¹⁴ Ba’ba homotahula tadoomio saputar balê. ¹⁵ A êê homotahula motiro io mahiyu indaha. ¹⁶ Kalolohan bo imaturasi homotahula bepaam mio andalan homotahula, ¹⁷ bo dalan damê hii hamotahula mahailala; ¹⁸ kumêlam matalo apaan Ningumêlêd hii ia manga totumu iaho; ¹⁹ sumata kita mahailala, awahêm pahasa iaaho ipapa asuang kitab Torat, saiboho hahêtêw ambaba bo pahasa baoitoba hatia andalêm nukuman Ningumêlêd. ²⁰ Kawalian ahii manga totumu io amahaêrê akatotuan asaangên Ningumêlêd yanasa i tumulidêm nukum Torat totumu mahailala isea. Totumu akatotuan apaan ²¹ Sumata yaitalêwê, ahem nukum Torat katotuan Ningumêlêd be wawaturu, kêlê mbewawasairi asuang kitab Torat bo kitab-kitab manga nabi. ²² Waaho katotuan Ningumêlêd kamotahula maheman suang Yesus Kristus apahasa totumu a mapêrsaya apaan ahem moho pahisalaan. ²³ Kawalian pahasa totumu i matawaoisea bo de katalaan kalooran Ningumêlêd. ²⁴ Ka karua bêlês bêhomba de katotuuan iyehena mio kêlê ana kawalian tinêbusan suang Kristus Yesus. ²⁵ Kristus Yesus tinatunam Ningumêlêd mamoali dalan kadameian apaan kawahêman, suang dahaNa. Awa i tinaweina tanu mawaturuum kaadil-laNa kawalian sia i lumingo nemoho pinesea-sean de dona mamoali atepo ioho akasabaranNa. ²⁶ PanutuunNa waaho tanu wawaturuun kaadilanNa atepo iaii sainiboho haturu awahêm sia totuu bo ka imawatotuum totumu imaheman be si Yesus. ²⁷ Sahelewaaho asia nde saleinga tanu mapekahi? Alahêm pêdalêhan ioho? Irumalêhêm kawatawoi? Ta sumata irumalêhêm kaêmanan! ²⁸ Kawalian kamitahula totuu awahêm totumu atotuu apaan kawahêman, bo ahii apaan sia itumulid nukum Torat. ²⁹ De banare Ningumêlêd batie Ningumêlêd totumu Yahudi mio? Ahii’re sia toton awahêm Ningumêlêd bangsa-bangsa balina? Ia totuu. Sia dê awahêm Ningumêlêd bangsa-bangsa balina! ³⁰ Kele, waaho bana nesa Ningumêlêd, dê kawahêman, kahabogan manga totumu hii sinunat dê kawahêman. ³¹ Sa hêlêaho bana rê kamitahula mawasondo nukum Torat de kawahêman? Mekêlê a tahii sinombaiNa, kamitahula imwaeto-io.