¹ Kawalian nioho ei mangatotumu sisêi angê how, amatepu totumu balina, sihow nêsa hii bebas kaseadan apaan asuang natepu totumu balina, sihow matepu batanga nu sihow nêsa, kawalian kow na matepu totumu balina, tumulid i manga uah imanga wa’aho amêkêlê. ² Ta kita mahaila, awahêm ukuman Ningumêlêd wawalawus akajujuran be hamotahula de itumawoi kêlêaho. ³ Be sihow ei totumu sihow mapatêpu homotahula itumawoi kêlêaho, sêda kau sia nêsa itumulid iaho awahow masangka-sangka awahêm kowdona halepot anukuman Ningumêlêd? ⁴ Mabog kow mahahelam ahem awa-awa kaayaan kawolahanNa? KasabaranNa bo kakoan inatêNa? Ahii how mahailah awahem panutuun kawalahan Ningumêlêd awaho sumopiwi i how a katobatan? ⁵ Sumata akahe natênu ahii mabog matobat, sihow sume-sen imboro ambao imbatangannu sihow nêsa anêndo atêpo wai imboro bo ukuman Ningumêlêd atotuu ka bêwawaturu. ⁶ Sisia malas apaan makiit patawoiênna, ⁷ waaho menonow ahad bê hamotahula de amêdêngan kumêtêrio tumawoi maulêng, mangilah kalooran, kaormatan bo ahii amoturasi. ⁸ Sumata mboro bo dee homotahula de pinangilahhio sia nesa apaan hii kumiit. Akatotuan tabati kumiit katapian. ⁹ A tanggongan bo akasusaan behapaio atanu nesa totumu amenonow de matawoi tapia lêbê-lêbê totumu Yahudi bo hahi totumu Yunani. ¹⁰ Ta kalooran, kaormatan bo damesononoi dana kinaêrêan pahasa totumu de matawoi maulêng lebe-lebe totumu Yahudi bo hahi totumu Yunani. ¹¹ Kawalian Ningumêlêd ahii monarah inutah. ¹² Kawalian pahasa totumu imêsêa atahii nukuman i Torat sisia telas atahii Taurat; bo pahasa totumu sêaandalêm ukuman Taurat matêpu de nukuman Taurat. ¹³ Kawalian ahii totumu tumanga lalaut Taurat akatotumu a sasaêngên Ningumêlêd, sumata totumu i tumulid lalaut Taurat iyai dona akatotuuan. ¹⁴ Apaan manga bangsa balinas ahii wana lalau i Torat dê bêhabog gange i batangan nu i nêsa tumulid asia niaho tinuntut laalaut i Torat ta mandêonah homotahula ahii wana lala’ut i Torat hamotahula mamoali lalaut i Torat abatangan homotahula i nêsa. ¹⁵ Kawalian niaboho homotahula i mawaturuum awahêm suang lalaut Torat bana bêwatih asuang inatê hamotahula bo ênu inatê homotahula lumas sumairi bo utêh ihomotahula naam tumudu suma naam tumagas. ¹⁶ Kawalian nyaaho mawaturu a nêndo têpoawa Ningumêlêd kele mêdêngan kukua ambêabaran, amatêpu apahasa iboho am bêruru suang nate itotumu apaan Kristus Yesus. ¹⁷ Sumata mandê komotahula kumua mbatangannu totumu Yahudi bo mapig a lalaut Torat, mêkahi suang Ningumêlêd, ¹⁸ bo kalahan nyaaho papandungeNa, bo a kawalian nioho beajar suang lalaut Torat, saimboho mahala asia nyaaho maulêng bo asia atehii, ¹⁹ bo totuu awahêm kow masopiwig totumu ahii mila, bo katêrangan be homotahula asuang karendeman, ²⁰ masusui totumu kawodohan bo mapahajar totumu a tawê mêtua, totumu apaan suang lalaut Torat sihow kumêkêkêm kinalêkêwan pahasa kawandeian bo katotuuan. ²¹ Jadi, kêlêmbisa how a mahajar totumu balina, hii how mahajar batanganu nêsa ? ²² Sihow mapêngajar naam manahow, deahow sihow nesa manahow? Sihow ihumua : “naam mapedêtuh : “deahow sihow nêsa mapêdêtuh? Sihow mahataha apahasa patong deaho sihow nêsa kumandet imbalê i patong? ²³ Sihow mekahi a nukum Torat, dêaho how sihow nêsa sumêro Ningumêlêd karengan lumawa hukum Torat iaho? ²⁴ Kêlê bana bewatih akawalian noho kamotahula ngalan Ningumêlêd be ojat atutud manga bangsa balina. ²⁵ Unat memang bana bêrêgunana, sa how kumiit nukum Torat; sumata sahow lumeat nukum Torat, iboho suratnu ahem moho mbaera. ²⁶ Jadi sa totumu ata hii sinunat tumutul papangêlêiên nukum Torat, ahii sia anggapên mekêlê karengan totumu apaan sinurat? ²⁷ Sa hêlê aho, apaan totumu atahii sinunat, sumata itumulid nukum Torat, apaan itumêlas ihomotahula apaan bana nukum imbêwatih bo sunat, sumata apaan ilumeot nukum Torat. ²⁸ De apaan iwapakua Yahudi ahiirê sunat apaan be têrus apael inate. ²⁹ Sumata totumu Yahudi moeman waaho sia apaah ahii haturu akaYahudia na bo sunat waahom asuang inatê, pael sarani, ahiirê pael nurujo apaan pinuji be sia mahi ahii atotumu awahêm aNingumêlêd.