1
Si Paulus sosiu Kristus Yesus, a tiniang mamoali rasul akalênasa tanu mawataân kukua Aningumêlêd.
2
Kukua i aho a mberandiNa atawê atinutudâ i nabi-nabiNa a kitab-kitab baja.
3
Tanu BatâNa, a lumas aketê apimebatana a lolosan i Daud,
4
bo lumas tutuh kalênasan be wawaturu a tinowaNa atutu totumu imate, awahêm sia Bata Ngêlêdtow e kawasa, Yesus Kristus Ngeledtow ihita.
5
Apaan karuruNa kamotahula tumirima beles kohomba bo bêpa rasul tanu meang pahasa bangsa, saniboho silatahula maheman bo moeman angalaNa.
6
Kamotahula hai waaho sumuang atutûi latahula, kamotahula a tiniang mamoali sinisir Kristus.
7
Behamotahula ipahasa isumondo a Roma, de behales Ingêlêdtow, a tiniang bo tinulid manga totumu lenas : beles kehomba mahales be hamotahula bo sononoi a Ningumêlêd amang ihita, bo be si Tuhan Yesus Kristus.
8
Apahamunan ahu dumayow a Ningumêlêd apaan Yesus Kristus ambao pahasa ihamotahula, apaan i sumêrê nabar apaan kawahêmannu, apahasa baitoba.
9
Kawalian Ngeledtow, isumêlêwir karua asuang inatêhu asuang pinawawataan injil a bataNa apaan sairihu, awahêm asuang sombayangku siyahu lêtêh mapangimun ihamotahula.
10
Siyahu sumombayang, saiboho akahabogan i Ngêlêdtow ahu akalawusan mahaêrê atepona tanu magamat bê hamotahula.
11
Apaan ahu mabôg milâh i homotahula tanu mêhê kohomba i sarani behow apaan mwarewet hamotahula.
12
Waaho saniboho bana atutu i hamotahula be kumiit senang apaan êman ihita ipahasa, baê akoêmannu bo akoêmananku.
13
Mangamerowuku siahu mabog saniboho kamotahula. Mahailah awahêm ahu mapikir mabog mogamat behow sumata aha yai talêwê ahu pahaparan. Atumu-tutuna mahaêrê bua. Kêlê a tutud bangsa ahii Yahudi ambalina.
14
Siahu benang maulêng bêhow totumu Yunani kelê iaho totumu ahii Yunani, baê atotumu pinahajar, kêlê aho totumu ahii be ajar.
15
Kawalian niho ahu mabog tanu mawataan kukua be homo tahula mio de sumondo aRoma.
16
Apaan ahu bana kawêrjayaan bo êtêêsuang injil awahem kerowotan i Ngêlêdtow dê mawaselamat amang totumu mahêman papahamunan tow Yahudi, sumata hahi tow Yunani.
17
Apaan asuanga behaturu katotuuan Ngeled tow, atoton akawahêman bo sinapiwina akawahêman, kêlê bana bêwatih : “totumu maulêng sia mênonow akawahêman”.
18
Kawalian boro Ngêlêd tow bêhaturu a sorga ambao pahasa katapiaan bo kaseaan totumu ambeuah akatotuan de kasêaan.
19
Kawalian asia nyaaho kinaêrêan homotahula kalahanu apaan Ngêlêd tow behaturu be hamotahula, de Ngêlêdtow be wawaturuna apahasa hamotahula.
20
Kawalian asia nyaaho ahii kawilahan be Sia, waaho karowataNa a kaêto bo akaholaanna, kinaerean ambêlah bêhow imikir atatawojênNa molai baoitoba tinulid.
21
Ta mandê onah komotahula mahilala Ngêlêdtow komotahula hii lumoor sia tanu Ngêlêd tow suma dumayow isia. Balêngên pikiran homotahula mamoali ahêm bereguna bo natê homotahula immawawawodo mamoali dêdêm.
22
Kamotahula itumawoi kêlêitu homotahula mawuling kawandêian, sumata komotahula imamoali bodoh.
23
Kamotahula isumalêng kalooran Ningumêlêd a tahii fana apaan gambar atolota kêlê manga totumu fana, manga mêlêpa : biagen-biagen a nae epat suma biagen-biage bo mawalosong.
24
Kawalian nihoo Ningumêlêd itumaro behomotahula apaan kahabogan inate homotahula a katapian awaaho komotahula sumaoi kahatoran batangan homotahula.
25
Apaan homotahula isumalêng katotuan Ningumêlêd karua towo bo memuja bo kumuru tahi’i kawilahan kailuminga atinulid na kawalian musti wongaha kaêto-êto ulit.
26
Kawalian nioho Ningumêlêd itumaro behamotahula apaan aka ewean aho mahasokian, de manga hareang hamotahula. I sumalengem ape detuhan atahii maulêng ka bo hii mauleng.
27
Kêlê hai boho manga tuama imepaam-mio ape detuhan ahii maulêng medengan karoang homotahula be melala-lalaio asuang kahaboggan homotahula esa totumu asasaangên im balina, saniboho homotahula itumulid a kaoroaan, tuama bo tuama, bo kawalian niboho homotahula tumirima suang batangan homotahula balasan akêlê tanu kalikokoan homotahula.
28
De kawalian homotahula hii kumêlam perelu tanu mangaku Ningumêlêd de Ningumêlêd i tumaram behamotahula apaan kawapikir wikir ambesupa, saniboho homotahula tumulid asia nyaaho hii metenaan.
29
Tadoo medengan morowalina ahii wu’tul, katapian, kasorondohan bo akawowowan, mawuling ka indêê, pinamatê papê-patêan, tatowon-nio bo katapian.
30
Homotahula awahêm tapasaliku, masêro taparêê Ningumêlêd, ahem nadat, mawasombong, sombong, pandêi suang katapian hii moêman amatua.
31
Ahêm nutêh, hii moêman, hii mahalês, hii mahailala kowêlêsan.
32
Kawalian mandêonah homotahula mahailah tuntuan-tuntutan i hukum patêaian, hamotahula ahii re tumulid sia-nêsa, sumata kamotahula hahi totuu karua a tinulidna.