1 Haworus soho nioho mahebebe si Yesus makeked ingGalilea, nde Sia hii mabog sumondo io a Yudea, nde biboho manga tou i Yahudi mahawe-awe io mate si Yesus. 2 Tapoi boho maha susutem nendo walooren i Yahudi, waaho nendo walooren pondok daun. 3 Osa kuan i manganpog i Yesus be Sia : matangem biai moho a Yudea. Saniboho manga muri’dNa milah kelembisa tinulidNu. 4 Nde alahem totumu tumawoi atampa iruru ru, sa mabog a sasaangen i pahasa. Sa how mabog tumulid kelewai ituru mbatangaNu ambaoitoba. 5 Nde manga pog Nga hii menan i Sia. 6 Sa sowaten i Yesus besilatahula : “tepo hu behoamat, sumata kamotahula bana tepo. 7 Baoitoba hii mareei hamotahula, sumata sia mareei i Ahu, nde nisairihu sia nde pahasa tatawoina tapia. 8 Mohonem kamotahula biboho apesta. Awe Ahu mohoi boho nde tepohu awe i malekew. 9 Keleaho kua Na besilatahula, osa Sia sumbondo io angGalilea. 10 Sumata maho moho manga pog i Yesus boho a pesta, makapui moho mange si Yesus biboho hii mawaturu sumata metetew. 11 Manga tou Yahudi mangilah i Sia biboho a pesta sa kumua : “Bisana Sia? 12 Tadoo kataanan mobuyu-buyung manga totumu iboho i Sia. Bana kumua : “totumu mauleg sia”. Bana hahi kumua : “Hii, mawasesat Sia i tow”. 13 Sedang i tow esa ahem mbaranei momoha asasaangenNa nde matalo i manga tow i Yahudi. 14 Awe behalawus pesta iboho, Yesus sumuam ambale wasesenan osa masusui biboho. 15 Haerangio ioho mange tou Yahudi sa humua : “Kelembisa totumu iange mahalah osa sia hii marikola”. 16 Sowaten i Yesus besilatahula “besusui be Ahu hii sa be Ahu mio besi Ngeledtou, sumata siSia nimasiu i Ahu. 17 Sa sisei mabog tumulid kahabogNa, kalahana enioho besusui Hu a Ngeledtou samahi, keleaho hahi iwenunu be Ahu mio. 18 Sa sisei menunu imbatangana mio kele mange sia mangilah ngalan tanu batanga na mio, sumata sanangilah ngalan tanu si Sia i nimasiu, totumu sia ahem ekatotuuan besia. 19 Awa ahii si Musa imehe i hukum Torat behow ? Sumata ahem moho tow esa itumulid iboho hukum Torat. Ndeaho hamotahula dumameji mate i Ahu ? 20 Manga totumu iboho sumowat : “sinuang kow isetang ; sisei endumameji mate i How ? 21 Sowaten i Yesus silatahula : bati esa e tulideiKu sumata i haerang i hamotahula. 22 Iboho kawalian bewahataum i Musa saniboho kamotahula sunaten awahem sunat iboho hii besi Musa sa mabi, sumata a nawo-nawo ihita osa kamotahula sumunat itow a nari sabat !. 23 Sawana sunaten anari sabat, naam lumawah hukum Musa, ndeaho hamotahula maree i Ahu, nde Ahu imawawemauleng esa tow anari sabat. 24 Naam urusen kele ambelahem, sumata urusen a kaulitan. 25 Manga tow i Yerusalem mekua-hua : “Ahii sisia nioho paten ilatahula”? 26 Sa pilahen menunu Sia ahem moho kumua was-wasia be Sia. Awa pahinjon matuai hita totuu mahalahem, awahem si Sia nioho Kristus ? 27 Sumata totumu iboho hii halahan ihita sa sia tou inawa, sumata sa si Kristus mahi ahem nesa tow mahalah sasia tow inawa”. 28 Tepo si Yesus masusui ambale Ngeledtou, ihuaNa : awahem Ahu kahilaan ihamotahula bo kalahan ihamotahula bisana Ahu sa mahi ; sumata Ahu mahi hii sa panduKu, ta Ahu bewasiu na ta totuu hii kahilalaan ihamotahula. 29 KahilaaKu Sia. Nde Ahu mahi be Sia. Bo siSia nimasiu i Ahu. 30 ilatahula tihoon Sia, sumata ahem mbaranei sumait i Sia, nde awe tepona. 31 Ta akatadooan itotumu tadoo mange meman i Sia. Sa humua : “Sa Kristus mahi, kebe tadoo mujizat tulide Na bo lebe a tukide Na wai ? 32 Tadoo e manga tou Farisi itumanga bo tadoo mobuyu-buyung asia nioho si Sia, keleaho hahi manga imam pahinjon matua bo manga tou Farisi masiu i manga mahiaha ambale Ngeledtou tumiho i Sia. 33 Kuan i Yesus : “Alam kapui tepona Ahu iwakaruai hamotahula haworus soho moho Ahu be Sia niwasiu i Ahu. 34 Pengilahen ihamotahula Ahu, ta hii Ahu iwetauw. Nde tahii hamotahula hii matau mahi a pahutunai Ku”. 35 Kuan iboho manga tou Yahudi anesa hele anesa : Bisana nohoan Na nde hita iwetau’Nga ? Awa panduNga moho be silatahula a mahutun a doong itou atou Yunani masusui atou a tou Yunani ? 36 Asia nioho kodaid behuaNa : Kamotahula mangilah i Ahu sumata kamotahula hii metaw i Ahu. Sa hamotahula matau mahi a pahutunaiKu. 37 Bo anendo mahahad, waaho patahadan palooren, tumod si Yesus sa humua : “sa sisei how kawelaan mahisia be Ahu sa luku !. 38 Sisei sia maheman i Ahu, kele mbehuai Kaol, asuang inatena dumoyong doyong i nahei katowan. 39 Pandung Nga waaho monggongguot e kaerean ilatahula i maheman be Sia nde monggongguot awe i mahi, nde si Yesus awe dinayow. 40 Tahula aho tow akatadooan itotumu tumanga i manga kodait : “si Sia niai totu-totuu abi totuu mahi. 41 kumua : “wai Sia Mesias”. Sumata balina kumua : “Ahii, Mesias hii angGalilea sa mahi. 42 Nde Kaol ihumua, awahem si Mesias suru i Daud andoong mBetlehem, atalewe pinahutuan i Daud”. 43 Akatadooan i totumu silatahula imekahanjoan tatawoiNa. 44 Manga wana totumu biboho esaan besilatahula maboh tumiho si Yesus ; esaan besilatahula ahem mbaranei sumait i Sia. 45 Waaho manga mahiaha moho besi imam-imam kapalai tow Farisi, sa kuan ilatahula : ndeaho tahii pineangai ihamotahula Sia ? 46 Sowaten iboho manga mahiaha : “Awe bana maha tow menunu kele totumu iboho !. 47 Sowaten iboho manga tou Farisi be silatahula : “Awa kamotahula mbehaureng ? 48 Bana nesaan behamotahula manga mapiwid meman i Sia, suma bana nesaan behamotahula manga tou Farisi ? 49 Sumata manga totumu iboho hii mahalah iboho hukum Torat, tenan i katula silatahula ! 50 Nikodemus, esaan besilatahula, atalewe i mahim be Sia, kumua besilatahula : 51 hukum Torat ihita mahu’kum itow, awe kinataanan awe kalahan asia tinulidNa ? 52 Sowaten ilatahula : “Awa how tow ingGalilea ? Silihen e Kaol osa kalahanu ahem e nabin mahi angGalilea. 53 Osa silatahula maleng, ambalei latahula,