1 Pahasa iyai i hua-Hu besi hamotahula, nioho kamoakan kamotahula naam matape osa tumulu Ia-Hu. 2 Kamotahula iebu, bana mahi tempona kamotahula anesai tou mahi mate i hou sangkana sia mabakti a Ningumeled. 3 aho kamoalian Silatahula tumuli kelei i oho, kamoalian silatahula ahii mahailala bae sia-Hu bo si Amang-Hu. 4 Pahasa iai kua-Ku besihamotahula ahokomomoalian imun i hamotahula sa mahi tempona apaan beimun-Hu besi hamotahula. Pahamunan iai ahii kua-Hu besihamotahula aho kamoalian atepo iai Sia-Hu banawe medoro-rowe bo sihamotahula, 5 aho kamoalian wai talewe Sia-Hu moho be Sia de Sia i mutus Ia-Hu, bo ahem esa tou atu-tu i hamotahula tumaan bisana ahoa-Nu? 6 Aho kamoalian kua-Ku niai behamotahula, ahokamoalian natenu tinenai tape. 7 E totuu kua-ku besihamotahula: “Awahem matoro be hamotahula, sa a-Hu moho, mawaibor i oho ahii mahi besi hamotahula akamoalian sa a-Hu moho, sia-Hu masiu Sia be hamotahula, 8 bo sa sia mahi, mawawulit kaseaan imbaoutoba, ulit bo mawatepu. 9 A kaseaan ekawalian silatahula maulit bea-Hu, 10 a kaulitan de a-Hu moho besi Amang, bo kamotahula ahii milah a-Hu hahi; 11 a sumata mawatutus, sumata mahaimbahut baotoba ia i bewotutusem, 12 tadoo er mio i hua-Hu be hamotahula. Sumata wai talewe kamotahula awe mahatangong. 13 Sumata sa-Sia mahi, bo tutuh maulit, sia mato i kamotahula a suang a kaulitan; awahem sia menunu ambatanga-Na mio, sumata pahasa kinatangaa-Na enioho i Hua-Na bo Sia sumahai be kamotahula asia-sia mange atepo samahi. 14 Sia momonunga ia-Hu, awahem Sia sumahai be kamotahula asia tinirima-Na bea-Hu. 15 Asia mange sawa Nama-Hu, nioho sawa-Hu; awahem kua-Hu: isahai-Na be hamotahula asia tirima-Na bea-Hu. 16 Kopongem mio tempona bo kamotahula ahii milah ia-Hu hahi bo alakapui tempona kamotahula milah ia-Hu.” 17 Tumanga ioho peteben manga murid-Na kumua esa boesa asia sondaitna Sia kumua be hita: “Alakapui tempona kamotahula ahii milah iya-Hu? Bo Alakapui tempona kamotahula milah iya-Hu? Bo A-Hu mobo besi Amang?” 18 sumata ihua ilatahula: “Asia sondaitna sia kumua alakapui tempona, 19 kalahan si Yesus sa silatahu tumaan be-Sia, osa Sia kumua besilatahula: “Bana a kamotahula menunu asia tu behua-Hu tadi, e alakapui tempona bo kamotahula ahii milah ia-Hu hahi?” 20 kua-ku be kamotahula: tumotuu kamotahula kumae bo symawang, osa baoitoba sumenang; sumata kamotahula sumape, sumata tapenu mamoali kasenangan, 21 esa bene tumape atepo sia mahawata, sumata saalam i mahawataan Sia kinoligoanam pakelamena, ekawalian isumenangem de esatou i tumouwem ambaoitoba lai’ 22 Kelewaaho hahi kamotahula ange telewe mahahelam i tape, sumata ahu milah ihamotahula hahi bo atenu kumahi bo ahem esa tou diana kahinu ioho beho. 23 Bo anendo ioho ahem kamotahula tumaan asia-sia mange bea-Hu. Kua-Hu be hamotahula: tumotuu asia mange pangeleiyenu besi Amang, asuang i ngala-Ku iehe-Na be hamotahula. 24 Aha niai kamotahula awe imangelei asia mange asuang i ngala-Hu. Mangeleyem de kamotahula mahaesa osa mawuling niana kahinu. 25 Pahasa iai kua-Ku be kamotahula bo pangandean mahi tempona a-Hu kumu-Hua besi kamotahula ahii bo pangandean, sumata sumendot sumahai i Amang be kamotahula bo pangeandean, sumata sumendot sumahai i Amang be kamotahula. 26 A nendo ioho kamotahula sumombayan asuang i ngalai-Ku. Bo ahii a-Hu kumua behamotahula awahem pangeleiye-Ku kamotahula besi Amang. 27 Awahem amang mahales be kamotahula de kamotahula mahales ia-Hu bo maheman, awahem a Ningumeled a-Hu sa mahi. 28 A Amang a-Hu sa moai bo a-Hu moai asuang ambaoi toba; Lepa-Hu mia niange baoutoba bo moho besi Amang. 29 Kumua murid-murid-Na: “Pilahen, nia i talewe io bewohanum ahii make pangandean, 30 wai kalahan hamitahula, awahem pahasa kinalahai-Nu bo ahii parelu tow tumaan be-Hou. Osa ioho hamitahula moeman be-How awahem Aningumeled-Hou samahi, 31 sowati i Yesus besilatahula: “Talewe moeman hamotahula? 32 Lahem imahim tepona, awahem imahi, awahem moroesa i kamotahula bewetare-taredan atapana mio. Bo bepaam mio ikamotahula Sia-Hu nesa. Sumata ahii sia-Hu nesa, awahem amang i wekales bo-Sia-Hu. 33 Pahasa ioho kua-Ku bekamotahula, aha diaho kamotahula mahaerah sononoi enow asuang ia-Hu. Asuang imbaoitoba kamotahula medai pauahem. Sumata ugatan natenu, bewotutus-Kum baoitoba.