¹ Jemaat I Ningumeled a Efesus, a sakum maheman be si Yesus Kristus ² Siahu Paulus Rasul Yesus Kristus A Sakum Kahabogen I Nimungeled maharau sarona ningumeled i hita bo Tuhan Yesus Kristus Mehemai Kamang Bo. Kamaulengan Behamotahula. ³ Pedayowen Ningumeled ihita Yesus Kristus Sia Mapahe Kamang sarani a Suang i sorga , karengan kita maijo esa besi Tialo. ⁴ A talewe baoi kauhaan niai tinuliNa, ningumeled i sumisirem ihita be ebe besi Tialo yanasa kita maijo betenga a tahii tadoo sea a saa saangeNa. Apaan beles i ningumeled awahem. ⁵ Sia i tumantum ihita kumiit si Yesus Kristus. Sia i matang ihita mamoali bata’Na. Yanasa memang waaho habonga tuliden. ⁶ Pedayowen ningumeled a kakoana, yanasa kumiit a mbatana ihalena sia mahales ihita. ⁷ Asakum pinateani Yesus Kristus kita mahaere tunduh yanasa beapunganam pahasa sea ihita. ⁸ TinulidNa niaho apa-apaan belesNa hita, beles i boho behena behita a kaulitan bo kanuangan. ⁹ Asakum kahabogena, ningumeled kumua be hita awasia kahabogena tinantuNa mio litidna tulidena be si Yesus Kristus. ¹⁰ lilitud i aho yanasa mauleng a bale lenas bo ambaoi toba, maijo esa bo si Yesus mapiwid i hita. Pahasa i boho lekewen i Ningumeled sa teponam. ¹¹ I Hua hu tuliolen i Ningumeled a sakum kahabogeNa tinepuNa ne mio . A talewe sia sumisirem ihita haboNga mamoali jamaatNa mainjo esa bo si Yesus. ¹² Ahii awa-awa hita mamuna maberharaw be si Yesus, marayow i Ningumeled apaan kakoaNa. ¹³ Kamotahula i mamoalim tow i Ningumeled asakum kamo tahula matanga asia niaho kukua i Ningumeled, awai kukua mauleng mehe kaenowan kamotahula maheman be si Yesus Kristus. Yanasa Ningumeled mehe ta‘da betenga kelembisa berandina. ¹⁴ Monggongguot iboho mehe be rahes behita itona, wa’i emanen ihita awahen Ningumeled, mehe kaenowan a towNa. ¹⁵ Kawalian i boho, keleaho ahu mahataan kamotahula moheman be si Tuhan Yesus, bo kamotahula maheles i kahele tow. ¹⁶ Ahi sumondo medayo rayow i Ningumeled tanu hamitahula. Yanasa ahu manoto-noto ingalan ihamotahula a sakum ahu sumombayang. ¹⁷ Pangeleyenku sa roona Ningumeled ihita Yesus Kristus, amang e monunga, mehe i monggongguot i aho mawamoali i hamotahula ute-utehan bo sumairi i Ningumeled be hamotahula sa bo ho hamotahula mahahila i sia. ¹⁸ Pengeleyenku a Ningumeled muha i kawareke-reke ihamotahula saniboho mainjo sulo, yanasa bohamutahula mangarti asia niaho panere-neren a Ningumeled i tumiang i hamotahula. Yanasa hamotahula mahailah awahem tado’o mio kamang monunga sinadia i Ningumeled tanu tow Na. ¹⁹ Bo imeen ka anggorongang i Ningumeled tuwawoi i ko imbahutaNa behita i tow maheman. Ko imbahutan i Ningumeled i aho imeem kakoan. ²⁰ Yanasa imbahutaNa pinakena maleng imawatow si Yesus Kristus a pawate bo i mehe daratuhan matatang bo amang a mbale lenas. ²¹ Daratuhan i Tuhan Yesus Kristus i boho lebe matatang nde nadoloratuhan i pahasa ma pereta bo pahasa kupania, bo pahasa pakolanoon awa sia menonow i yai talewe suma endo malengai. ²² Ningumeled i sumesei pahasa a mbawa ikuasa Kristus, bo mehe be si Yesus Kristus mainjo tud i pahasa. ²³ Awahem jamaat mainjo batangan Yesus Kristus, pineloorNa e pahasa bisa wisana mange.