¹ Apaan im beles i ngêlêd tow kamitahula i tumirima i nimasali. Iboho kawalian ahii sa i hahunang i nate i hamitahula. ² I kamitahula tumulid i kawahio-hio tapia. A nimawasokia ahii kamitahulla i tumulid toowo osa i malui i suang kaol. I kawalengai kamitahula mawasairi i kaulitan osa kamitahula sumarakan i mbatangan osa petimbangen i pahasa tow a saaangen i Ngêlêd tow. ³ Sa kukua i Ninjil ahii betorewak (kinoloban) sisiaha hahi kumolob silatahula osa mawohoa. ⁴ Bo waaho manga tow ahii moeman, osa kauteh kinokoman i mbelen i silatahula ahii imêilah i tenang i nonjil a kaenowan i Yesus a mekele bo gambar i Ngeled tow. ⁵ Apaan ahii sa kamitahula mioo ê tumorewak be hamitahula ta si Yesus Kristus a Ngeled tow, osa kamitahula mainjo ata a papandungen i Yesus. ⁶ Apaan kukuana a kaol a suang i demdem sumullo terang a kawauteh kaenowana a kinawillahan a tokia i Yesus. ⁷ Ia kasihaan i hamitahula bê pa a kurek i toba. Saniboho mainjo sairi nde keten musah-usahange si iralod ê nimahe ahii kamitahula. ⁸ A pahasa patuliden i homotahula, kamitahula pinauan, ta ahii kamitahula beharasael, kinahawuan kamitahula dalan ta ahii be haureng. ⁹ Kamitahula dina i ta ahii mahasa bê paio kamitahula bêsambêt ta ahii i mate. ¹⁰ Pineang i hamitahula ê pawate i Yesus am batangan i hamitahula, sani boho pinenonowan i Yesus mainjo sairi ambatangan i hamitahula. ¹¹ Kawalian behita i menonowe lumawus im be taro a pawate nde si Yesus, sani boho mainjo sani ambatangan i. ¹² Nde i keleaboho pawate i hita bo penonowan leteh mamoali behamotahulla. ¹³ Ta mande kamitahula mekek kawaheman keleim be watih emanaiku, nde ahu mohodai, kamitaula maheman, apaan kamitahula hahi mohodait. ¹⁴ Kalahn i hamitahula sisia ni mawatow si Tuhan Yesus bo mawatow hahi i hamitahua i wakatua i Yesus. Iwesaanga kamitahula a sasaange Na. ¹⁵ Apaan pahasa waaho i mamoali nde kamotahula, saniboho beles kohomba a lêbê wako metalian nde lebem tadoo tow mainjo moeman, osa lêbê ne mio tadoo darayow tanu konungaan i Ngêlêd tow. ¹⁶ Êkawalian oho hamitahula ahii metewang inate, sumata mandewe batangan ihamitahula makurangem, sumata batangan ikanalu hamitahula tineleta atenei inendo. ¹⁷ Sumata kasusaan iai talewe, mawatawoi tanu hamutahula konungaan eto lumebe awasia mange, lebe bako a kasusaan i hamitahula. ¹⁸ Sumata hamitahula ahii tumakira asia pakawilahan, sumata, ahii kawilahan, nde enioho kawilahan bati samentara, sumata ahii kawilahan kaeto-eto.