¹ ahu kamitahula malengem kahi dumayow imbatan I kamitahula mio? Suma-sama kamitahula kele tow kalina tumusu surat mongaha-oigahai hamutahula sama iwapongahai kamutahula? ² Awahem kamutahula niaho surat darayow I hamitahula kehawatihêm a suang I nate hamitahula, kailalaan bo sarona kauracaan I pahasa tou. ³ Apaan kehataram awahêm kamutahula niaho surat I Kristus, bewatih a pasalian I hamutahula, bewatih ahi’i make tinta sumata a loh-loh keted, awaaho andalêm nateintotumu. ⁴ Yanasa kakoan ika waheman I hamitahula besi ningumêlêd tanu Kristus. ⁵ Tanu batangan i hamutahula, kamitahula ahi'i mahaelei tumaia awahêm kamitahula tumawoi i tawoiên iai, sumata Ningumêlêd e mehe ugat iaho be hamitahula. ⁶ Beawo dana hamitahula mainjo masali a panandian taleya, panandian ahi’i a nikum be watih sumata a Roh, nde ukum wapatih mawawate sumata san Roh meang kaenowan. ⁷ Pasalian mahatod a patem be hagambar irurup a loh-loh batu. Paladikelewaaho eraw I Ningumêlêd sumulo sulo mange atohia I musa motahad ambêlêm tou Israel milah I sia nde sula a tokianaiho mapekawelem. ⁸ Meem kahi kakoan I konungoan e uiurakamai pasaliani Roh. ⁹ Apaan sa pasalian I mahatod a pahu kuman I aho ndambom kahi konungaani pasalian mahatod a kamaulengan. ¹⁰ Dona ihua awahem asia kodarawan behabotêm, alam modarau apaan kodarawan iai talewe. ¹¹ Mande mêkawelêm saiwakaruai manunga, monunga mambom sa hii hawel iwakaruai kodarawan tantu monunga mio ¹² Apaan kelewaaho paharaweni hamitahula, yanasa kamitahula matawoi imbawanei ¹³ Ahii kele si musa mumulobi tokiana sa beho bangsa israel ahii memilah i suloi ningumeled mêkawelêm esa ihatambulalan a tokiana ¹⁴ Kawareken ilatahula kehatakeusêm osa motahadai inia kelewe mio i aho liunkukungên mekele bo tempo silatahula mawaca i parandian koyongan kukungiaho bati Kristus endona muha. ¹⁵ Yai talewe kahi sa silatahula macai kitab musa kukungiaho awebehauha ¹⁶ Sumata sawana esa tou mahi sumaang si Tuhan. Kukungiaho aho iatang a tokiana ¹⁷ Yanasa, Tuhan êpakaodaitan biai si sia maho Roh. Osa bisana mbana Roh i Tuhan biboho hahi bana kawêrean. ¹⁸ Yai talewe tokia ihitai pahasa ahii takê-takêwape, oasa hita mawasuloi kodarawan i Tuhan Yesus. Osa apaaniaho hita mêlawu-lawus iwawalui manoali kelei sia maha êto kita mamoali maha mêdaraw pêdarawan i ahi a Roh sa mahi bo Roh iaho sia ê Ningumêlêd.