¹ O Malaikat ka lima sumengo sangkakala na, oh niaku, lumoho i sumesena esa rumambas wana langit mai wia natas kaoatan, oh wia nisia winehan i kukusi riping patean. ² Tumondong wukaan na pepenet i papat patean witu, oh itu natas terembun wia e popat niitu, tanu terembun wia pasengoran i ndano makalaka sela, o i endo oh langit rimimbun ka terembun papat niitu. ³ Oh kumiit terembun niitu ndai sa rengkaan pakasa ne komo, wia natas kaoatan oh wia nisea winehan kuasa masuat oh e kalajengking wia kaoatan. ⁴ Wia nisea linilaan, kaambo nesea ndai toro tumeri i ndukut wia kaoatan kaapa tinanem kaapa pohon-pohon, taan wayate e tou ndai sinegel ni Allah wia tuntung. ⁵ O nesea tinantuan ndai toro mate tou, taan torote mendis nesea lima ngaserab, kawal, oh pendis yai masuat kapendisan kalajengking, sasia kumiki i tou. ⁶ Tempo niitu pakasa ne tou sumero i patean, taan nisea ndai masungkul niitu, oh nisea paar mate, taan patean tumingkas wia nisea. ⁷ Oh kasuat e pakasa ne kowo niitu masuat e kuda e sinadia mapeperang, oh wia natas i rokos nea wewehan nesa masuat mahkota emas, oh namo nea masuat namo netou. ⁸ Oh mbuwuk nea masuat oh mbuwuk ne wewene oh nipeng nea masuat nipeng ni singa, ⁹ Oh mbiwer nea masuat oh lambung ziraku, oh lengkuan lelempar nea masuat lengkuan kereta-kereta pengorem ne kuda laker, e matingkas witu toro peperangan! ¹⁰ Oh nipus nea masuat oh e kalajengking oh mbewehan bisana, oh wia nggorem i nupus nea tii wewehan kuasa nea ma wewehan e tou, lima ngaserab ka ure. ¹¹ Oh i raja maperenta nisea masiwo i malaikat riping patean; ngaran na wia bahasa Ibrani sa itu mo Abadou oh bahasa Yunani niitu mo Apoliou. ¹² Kacilakaan katare limaweto taekan tumondongi dua pe. ¹³ Tumondong malaekat kaeneu sumange sangkakala na, oh niaku luminga nesa lengkuan suara kumaluar wia kaepat sanga mezbah emas wia sinaru ni Allah, ¹⁴ Oh lumila wia e malaekat i kaewu i timimboy sangkakala niitu: "Retamo e epat malaekat e nai wakes wia tawi sosoan sela Efrat niitu." ¹⁵ Oh sea i reta e epat malaekat e sinadia wia tempo oh nendo, serab oh taun e mapapate sanga patelu wia pakasa ne tou. ¹⁶ Oh pakasa ne tentara niitu kalaker rua ngapulu ngarilou laksa e tantara mahai kuda; niaku liminga kalaker nea. ¹⁷ Taintu mo niaku limoho oh kinalohoanku yai pakasa ne kuda oh e tou e simake; nisea nimake lambung zarah, i meha rengis oh kelao oh kurir walelang keliurna; rokos ne kuda kuda tiin masuat rokos ne singa, oh wia sumurna makaluar waha oh terembun oh walelang. ¹⁸ Kalaker telu hukuman yai pinate sanga patelu ne tou, i mbaha oh terembun oh walelang, i makaluar wia sumur na. ¹⁹ Kahebatan ne kuda-kuda yai kailekan wia nggorem semurna oh wia nggorem nupus nea. memang nupus nea masuat oh i loloi; nisea wewehan rokos oh kaampit i rokos nea niitu sea matiwa katerian. ²⁰ Taan e tou walina, e rai minate i kasilakaan niitu, ndai kangkahi maeman wia pasiwo siwon lawas nea: nisea ndai mena ma sembah roh lewo oh e berhala berhala siniwo wia mas o perak, oh tambaga, mbatu oh kayu e rai lumoho kaapa luminga oh kumelang, ²¹ Oh nisea ndai matobat masiwo patean sihir, cabul oh rongkit.