¹ Tempo oki ni Domba ni muka segel kapitu, niitu nima puneko wana sorga, tuminting sanga paharua kaurena wona. ² O niaku lumoho pitu malaekat, i timoor wia sinaru empung, naan ne sea winehan pitu sangkakala. ³ sia mai esa malaekat laeng, o sia mange tumoor witu ntawi mezbah naan nesa pedupaan mas. O wia ni sia winehan laker kemenyan naan ni persembahkan namako mawali-wali naan sombayang ne pakasan tou lenas wia natas mezbah mas simeka tahkta ni itu. ⁴ itu kumaluar terembun kemenyan mawali-wali naan sombayang e tou-tou lenas ni itu wia lawas malaekat ni itu mange sumeka wi empung. ⁵ malaekat ni itu mindo pedupan niitu, nimumpun nako imbaha wia mezbah naan nimingkilange wanakoatan. o itu lumengku nengker, mawali-wali kerap naan pemongke. ⁶ Naan pitu malaekat simimboi impitu sangkakala ni itu simadiamo masengo sangkakala. ⁷ Oh malaekat katare sumenge sangkakala o itu mamuali nuran eis, naan mbaha, sinembori ndaha; naan niitu waya nipingkil wana koatan; o itu marengis sangapatelu i koatan naan sangapatelu im pohong-pohong o marengis waya ndukut-ndukut mata. ⁸ O malaekat kumarua sumengo sangkakala na naan wewehan tanu toka wangko, melayalayas ka mbaha o itu pingkilange wana nggorem ni lour. Naan sanga patelu wia lour niitu ni mamuali ndaha. ⁹ O sea mate sanga patelu wia e mahkluk wewehan nasengan wia nggorem lour o mate waya sanga patelu pakasan kapal. ¹⁰ O malaekat kumatelu sumengo sangkakala na naan esa lintang wangko rimambas wia langit, melaya-layas tanu sido, naan nisia timena sanga patelu wia mbaya sosoan naan giggaran waya indano. ¹¹ Ngaran ni binatang nitu Apsintus. Naan sanga patelu wia ndamo waya mamuali Apsintus, naan laker tou nimate ka ndano niitu, ka nimamuali mo pait. ¹² O malaekat ku maepat sumengo sangkakala na naan kinawiwelan sanga patelu wia yendo naan sanga patelu wia serap naan sanga patelu bintang-bintang, o mako sanga patelu wia niitu mamuali rimbun naan sanga patelu wia nendo terang ndai terang o tentu kangkahin nendo wengi. ¹³ O nyaku lumoho: niaku luminga esa ipus burung nasar limempar wia puser langit o lumila naan suara rekei, masilaka, mailaka, masilakamo sea i nimunek wia natas koatan ka lengku i sangkakala katelu malaekat laeng, i masengo pe sangkakalana."