¹ Tumondong niitu niaku limoho esa tou malaikat laeng tinumumpami wana sorga. Nisia makapunya kekuasaan sela (wangko) oh kaoatan nimamuali terang ka kahebatan na. ² Oh sia rumekey kaampit suara keter, lilana: " Rimombe mo, Rimombemo bakel, wamea sela niitu, nisia mamuali tampa pahanaan roh-roh lewo, oh tampa pasindekan pakasa roh o najiz oh tempat pasindekan pakasa kurung najis oh kali lis, ³ Ka pakasa e tou wia kaoatan nimonoto anggur kapaaran cabul na oh raja-raja wia kaoatan simiwamo cabul kaampitena, oh belante-belante wia kaoatan mina kaya mo kaampit kapaaran wa." ⁴ Tumondong niitu niaku liminga mengemo rumon wana nisia oh nikamu tia maindo wewetengan wia nggorem dosa-dosa wia, oh nikamu tia kumiit tenaan bahaya-bahaya na. ⁵ Kaampit in dosa-dosa na linokon wo makar i langit, oh i Allah nggi meuang pakasa kalewoan na. ⁶ Waeran kaleo wia nisia, masuat simiwona nimaer nikamu. oh loek mako wia nisia makarua lumembe wia paayangen na, semboren kako wia nisia makiwehe lumepet wia nggorem cawan pasemboren na; ⁷ Wehe mako wia nisia siksaan oh papatean, kalaker kawangunan oh kasenangan, pakasa pineanan na mo. ka nisia limila wia natena: Niaku makar ruruhmunan tanu i ratu, niaku ndai balu, oh niaku ndai wana pateam. ⁸ Niitu mo pakasa kutukan wia nisia mai wia nesa endo, niitu mo sumakit oh papatean oh kaharemen; oh nisia tumuru wia mbaha, kai Tuhan Allah, i niukum nisia, wia kaketeran." ⁹ Oh e kompania-kompania wia kaoatan, e simiwo mo i cabul oh timou wia kakayaan kaampit nisia, menang mahame kaampit susa, sasea lumoho terembun i mbaha tumunuh nisea. ¹⁰ Nisea musti tumoor roh roh ka mainde siksaan nisea oh nisea lumila: "Cilaka, cilaka kou, e wauna sela,Babel wauna keter, ka wia nesa te tanu simiwo mo penghakiman niau!". ¹¹ Oh belante-belante wia kaoatan makame oh merur ka nisia, ka ndai wana i tou e tumeles wangkeran nea. ¹² Niitu barang-barang pawangker luas oh perak, permata oh mutiara oh leinan leos oh kaeng abu-abu, sutra oh siwon, oh meha kaliiur, rupa-rupa barang kayu oh siwon mawou sedap, rupa-rupa e barangkeran gading oh siwon, rupa-rupa kayu taan mahal, wewehan tembaga, kesi oh pualan, ¹³ Kulie kemis oh ramparampa. bobour, mur oh kemenyan, anggur, lana topong niulek gandum oh siwon, sapi, domba, kuda oh kereta, budak oh mukur ni tou ¹⁴ Oh nisea lumila: "Minaapumo buah-buah i kapaar nate mu, oh pakasa mbangunan oh mahal, mina ilanga wia peloho-lohohn mu, oh ndai mo tutulen mu." ¹⁵ Nisea ni me mangker pahasa ni itu w mina kaya mo sebab nisea, e tumoor roh-roh ka e mainde e pendisen kaampit mahame oh mangingal, ¹⁶ Nisea lumila: "Cilaka, cilaka,mbauna sela, e nimake lambeng leinan wangun, oh ambang abu-abu oh lambung meka oh pinorong i luas, permata oh mutiara, ka tempo satu jam i te kakayaan kalaker niitu nimaapumo." ¹⁷ Oh pakasa e nakoda oh masengkot oh tou-tou kapal oh pakasa ne nalayan, tumoor roh-roh. ¹⁸ Sea lumila, tempo sea lumoho terembuu i mbaha rumuku nisea, lila na: "mbanua wisa i masuat kasela ni yai?" ¹⁹ Oh nisea marut i naweu wia natas i rokos nea oh rumekei, kaampit mahamue oh mangingal, limila: "cilaka, cilaka, wanna sela, ka nisia pakasa ne tou, e makapunya kapal wia lour, e nima kayamo ka mbarang ka mahal, ka tempo satu jam i nima lekepo. ²⁰ Sumenango wia natase na, hai sorga, oh nikamu, e tou-tou kudus, rasul-rasul oh nabi-nabi, ka i Allah nimehe mo hukuman wia natase na ka nikamu." ²¹ Oh i esa tou malaikat i keter, nimangkat batu esa sela mbatu kilangan, oh pingkilena wia lour, lila na: "Teintumo Bakel, wanua sela niitu, menang i pingkil maulit witu mbawa, oh nisia ndai mo tutulan. ²² Oh suara-suara maleong kecapi oh e pakasa makautar oh e menengo-nengo i peloit oh torompet ndai mo palingan wia nggorem mu, oh i esa tou mailek i kakantaren, ndai mo tutulen wia nggorem ma, oh suara kilang ndai mo kalingaan wia nggorem ku. ²³ Oh terang i solo ndaimo tumerang wia nggorem nea, oh suara ni bredegom oh i keroit ndaimo kalingaan, wia nggorem nea. Ka pakase e mawangker e wangkowangko wia kaoatan oh sihir niajarenemo pakasa ne tou nai kaliong." ²⁴ Wia nggorem nea tinuetul ndaha ne nabi-nabi oh e tou kudus, oh ndaha pakasa ne tou, e pinate wia kaoatan.