¹ Maimo yesa tou wia eh pitu malaikat, ih nimalimi pitu bokor nitu oh sia lumilah wianyaku: ''Mai wiyai, nyaku maturu mako wianikamu putusan wia wewene wanti rendai, ih laker rendai rano. ² Lantaran nisia eh Raja-Raja wia koatan eh simiwo waya cabul, naan eh pakasa ne wia koatan eh tinelewo naan anggor percabulannya''. ³ Wia Gerem ih mukureku nialina witu padang gurun. Oh nyaku lumoho yesa wewene i rimuhmun wia natas ni binatang ih mehah rusip, i wutamo naan tulisan ne ngaran-ngaran hujat. Binatang tiin wewehan pitu ro'kos naan mapuluh sunge. ⁴ O i wewene tiin nimake Ro'ko rusip naan Ro'ko kermisi ih pinerong naan emas, permata naan mutiara, naan wia lawasena wewehan nesa bokor emas wutamo naan waya i kekejian naan kenajisan percabulan. ⁵ Naan wia tuntungena tinulisan nesa ngaran, ohnesa nai pepek: ''Babel wangko, mama ne wewene-wewene wanti naan wila kekejian i koatan''. ⁶ Oh nyaku lumoho eh wewene ni sea eh tinelewo naan daha ne tou-tou lenas naan daha ne sairi-sairi ni Yesus. Ka lohoku ih nitu nyaku maerang rendai. ⁷ Oh sia lumilah malaikat tiin wianyaku: ''ka kou ma erang? ni bintang ih nimuleng nisia, bintang tiin pitu rokosena naan mapuluh sugena. ⁸ Wewehan eh binatang linohomu, eh wlamo, taan eh raikanwia, nisia kumaltari, wia jurang maut. Oh sia mako witu kabinasaan. Eh wana pe koatan oh niseamo eh rai nitulis wia gorem ih kaol penounouwan kasiwo ih koatan, naan ma'erang nisea ma'erang limoho, ka ih binatang tiin wia mo, taan ih raikan wia, oh sia mai tumuruhme sumoup. ⁹ Ih nulit wia nyai nutek nibewehan ih uhaiyena :Ka"pitu ih rokos nitu tanu ka"pitu ih toka,wia natasena rinuhmunan ni wewene. ¹⁰ Kapituna nitu kapitu ni raja;lima wianisea eh nikanawuhmo, yesa wiamo taan eh laeng raipe wia,taan asia malkan,nisia maana witu taan ndai laat. ¹¹ Binatang pernah wiakan taan tekan ih raikan wia,nisiamo ih raja kanualu taan yesa wia eh pitu yain ni mako witu kabinasaan ¹² Oh mapuluh sunge ih linohomu nitu niseamo eh mapuluh raja,eh raipe timuur ka nesa jam oh sea tumerimah ih kuasa mamuali raja,mawali-wali naan binatang tiin. ¹³ Nisea e masongol-songolan,wia kaketeran naankakuasaan nea oh nitu wehe nea wia ih binatang tiin. ¹⁴ Nisea maako ma perang ma saru ihAnak Domba,taan ni sea eh kinalate ni Anak Domba,kanisiamo ih Tuang wia natas ni tuang naan raja wia natas ni raja. Ni sea eh nimuntung ka mawali-wali naan nisia, ka niseamo eh tinowa,naan sinisir"oh niseamo eh setia" ¹⁵ Oh sia lumilah wia niaku:"waya-waya ih ndano lino ho mu,wia rinuhmunan ni wewene wanti, niseamo eh bangsa-bangsa naan e masarakat,oh kaum naan bahasa ¹⁶ Naan mapuluh sunge ih linohomu nitu naan ih binatang nitu maseso wia ih wewene wanti oh sia siwonea makaipunek naan umengat,oh nitu kaan enne dagingena oh nitu tununea. ¹⁷ Ka nate nea tinerangomi ni empung oh nitu siwo nea tanu kapaaranna, oh masongol-songolan, Naan mawehe mako perenta wia ih binatang tiin,makar ih Firman ni Empung kina akarano. ¹⁸ Naan ih wewene linohomu tiin, nisia ih kota wangko,eh maperenta wia natas raja-raja wia koatan".