¹ Oh aku lumohome yesa binatang kimaluari wana gorem ih lour,naaka sunge mapuluh oh maka rookos pitu,wia natas ih sungena waya tinutulan ih mange puluh mahkota oh mbia rookos sena tinulisan ih ngaran waya ne mahujat. ² Binatang i linohoku ni itu masuat oh eh Macan tutul,oh naena masuat oh nae ni Beruang oh semurrena tanu semur ne Singa.Oh Naga ti,i nimeku wia nisia keterrena,Oh tahta na oh kakuasaan na eh wangko. ³ Kalohoan ku mangge esa wia rookos nea masuat oh tinena ih pela ,makainde ih wia ni doppena,kapala nitu makaindeen ih nidoppena ni maleos.Pakasa ih koatan maerang oh kumiit ih binatang tiin. ⁴ Oh sea maoja oh sumembah ih Naga tiin, ka sia nimehe kawasa wia ih binatang tiin oh sea maajo sumembah ih binatang tiin, oh lumilah"sei si masuat tanu ih binatang yai?" oh sei si toro merang lumawang ni sea?" ⁵ oh wia i binatang tiin winehan semur,mawuta-wuta i kasombongan oh maojat,wia ni sia wewehan kangkali kawasa masisiwo nepat ngapuluh oh rua serap kalda kawurean na. ⁶ oh sia muka i summerena ma huhujat ih iOPo Empung,mahujat i nggarana oh terung pahanaanNa oh ni sea waya eh mahana wana sorga. ⁷ oh sia lino"asan ma peperang ma lalawang eh tou waya lenas ma kakalah ni sea ; oh wia ni sia winehan kawasa,wia eh suku, umat oh bahasa oh e bangsa. ⁸ O waya e tou makana wia natas i koatan maajo sumembah wia ni sia waya e tou ngaran na ndai mai tulis wia koatan siniwo wia gorem i mbuk penou-nouan,oh eh oki ni domba kinetor. ⁹ Sa sei wewehan lunteng lumingga! Sa sei mai ih tantu pa kukurungngen,ni sia i kurunggen, ¹⁰ sa sei mai tantu papaden ni keles sia ih paten oh keles pemandungangna wia nyai kasabaran, oh paemanan ne tou waya lenas. ¹¹ oh aku lumoho i yesa binatang laeng kimaluari wia gorem i koatan oh wewehan ih sunge rua masuat oh eh oki ni domba oh ni sia masirita tanu yesa Naga. ¹² O mbaya i kawasa ne binatang ih katare-tare ni itu siniwo wia sinaruh i berennena ni sia semebab ih pakasa ih koatan o waya eh mahana nitu masembah e binatang katare-tare eh pela parah na maleosso. ¹³ o sia sumiwo i tanda-tanda dahsyat,oh sia tumumpami i mbaha wana langit wia koatan wia sinaruh i beren ne tou waya. ¹⁴ Ni sia simesat ni sea e mahana wia koatan o tanda-tanda i mawehe nisia pasisiwon simaruh i beren ni binatang ti-i .oh sia remeho ni sea, e mahana wia koatan , o sia tu moor i patong, ma oremat i binatang e pinela ih parang,taan e me nou-nouhan ti-i ¹⁵ Oh wia ni sia wewehan kawasana wewehan katouan wia i patong ni binatang ti-i o sia sumirita kangkahi o tumindak tanu ni itu , oh e tou waya rai sumembah i patong binatang tii , paten. ¹⁶ O si ni mehe sebab, wia waya eh tou , oki ka apa eh sela , sia kaapa e susah , merdeka ka apa pareho-reho ,winehan tanda wia lawas leleossena ka apa wia tutungugena. ¹⁷ O ndai eh sa -anne tou ,i toro tumeles ka apa mangker lumaengngi ni sea ,ih ni make ih tanda-tanda ni itu , ngaran nibinatang ti-i ka apa bilangan ih ngarannea ¹⁸ Pemandungen wia nyai hikmat , sa sei ih pinter rumeken ih rerekenan ni binatang ti-i , ka rerekenan ni itu , rerekenan ni yesa tou oh rerekenan yai nenem ngaatus o nenem.