¹ Niitumo tia mako pakasa kalewoan, penipuan, kamunafikan, kadangkian dan fitnah. ² Taan mamuali mo tanu e oki teikaun katoumi, i mapaar ni dano susu asli oh rohani oh wia nisia nikamu tumou makailek kalawiran. ³ Sa nikamu ulit-ulit niweano kaleosan ni Tuhan. ⁴ Oh maimo wia nisia, batu tumou , nei tia ne tou, taan pinili oh niormat wia hadirat ni Allah. ⁵ Maan no nikamu pinake tanu tumou mbatu pa sisiwon wale rohani wia imamat kudus, mawewehe persembahan rohani ka Yesus Kristus kapaar ni Allah. ⁶ Ka naitulus wia kitab suci : memang, niaku rimeta witu Sion watu sinisir, esa watu penjuru ka mahal rendai, oh sei percaya wia nisia, jai papa inang. ⁷ Niitumo nikamu, e maeman, sia mahal, taan sa nisea rai maeman. Waatu neimo i tia ne bas ma bangun nimamuali watu penjuru, oh nimamuali watu sumu’lan oh watu sandungan. ⁸ Nesea nai kasandung, wia nisea ka malinga-linga wia firman Allah, oh niitu nisea neimo sadia. ⁹ Taan nikamu mo tou pinili, imamat yang rajani, bangsa yang kudus, tou kepunyaan Allah sendiri, oh nikamu lumila berita pa siwo-siwon sela wia nisia, itinowa nikamu, kumaluar wia rimbun wia katerang na yang ajaib. ¹⁰ Tempo nikamu ndai umat Allah, taan taekan nimamualimo umat-Na, e tempa ndai kaupus taan taekan makailek kaupusan. ¹¹ Patuariku waya leos, niaku timuru nikamu, orior tanu pendatang o perantau rumou nawak wia kapapaaran leona mainakut malalawang jiwa. ¹² Timboyennako kumura nidop leos wia puser ne bangsa-bangsa rai Yahudi, oh sa sea sumero nikamu tou lewo perasaan, toro lumoho wia pa siwo-siiwo nu leos oh wangun e mamuliakan Allah, ni sia wia entempo nisia malawat nisia. ¹³ Kumiitako ka Allah, wia pakasa lambaga ne tou, leos wia raja timimboi kakawasaan selak rendai. ¹⁴ Maan e wakil nai reho ma hukum e tou meniwo-niwo lewo, ma hormat tou masiwo leos. ¹⁵ Nyaimo kapaar ni Allah, nikita sumiwo leos onikamu nimawowo, kaseselan,ne tou bodok. ¹⁶ Tumou tanu e tou bebas, tia tanu nisea sumelok e tou bebas kineleu i kalewoan nea, taan tumou tanu babu Allah. ¹⁷ Pa ormaten pakasa netou, kaupusmako e patuari mumainde mako wia Allah, hormaten i Raja. ¹⁸ Enikamu babu-babu, kumiit wuta i kaindean wia tuan mu, ndaite, wia kaleosan oh mangindo, taan kaampit e tou lewo. ¹⁹ Ka kasih karunia, sa i tou sadar kapaar ni Allah timanggong kapeendisan ndai toro tangongena. ²⁰ Ka tora te lila nitu pujian, sa nikamu mapeendis wiriwee ka nikamu siniwo dosa? Taan sa nikamu simiwo leos, oh nikamu mapeendis niitumo kasih karunia Allah. ²¹ Ka niitu nikamu tinowa, ka i Kristus mapeendis ka nikamu taan tinelaumo contoh wia niikamu, o nikamu e kumiit lalanNa. ²² Nisia rai simiwo dosa, oh wiles ndai wana semur Na. ²³ Waktu nisia niawit, nisia rai ni waer oh maawiten; tempo sia mapeendis, Nisia rainimancam taan nisia sumerahkan wia nisia nimurus oh kejujuran. ²⁴ Nisia sandiri ni muleng dosa kita wia ngolem nawak Na wia kayu salib, oh nikita, nimatemo wia ndosa, tumou wia kaulitan. Oh ndahak Na kamu niwa leos. ²⁵ Tempo nikamu kaliong tanu i domba, taan taekan kamu nimarengo wia e gembala nimiara jiwamu.