¹ Wia Petrus, rasul Yesus Kristus, wia e tou tumou, nikasera witu Pontus, Galatia, Kapadokia, Asia kecil onan Bitinia. ² Etou sinisir pinili masuat kapaar ni Allah, Bapa nikita, kinu’dus ni Roh, oh malinga-linga wia Yesus Kristus oh tumerima resikan ndahaNa. kiranya kasih karunia oh damai sejahtra mahawes malaker wia nikamu. ³ Terpujilah Allah oh Bapa Tuhan kita Yesus Kristus, ka rahmatNa rela itimoumi nikita mareng wia tinowan Yesus Kristus wia puser tou nimate, wia nidop wuta pangarapan, ⁴ Oh materima wewetengan ndai ma wuleng, orai wangun orai maweles, inikasindek wana sorga wehe nikamu. ⁵ Kanitu nikamo, piniara wia ngorem kaketeran Allah ka imanmu sementara nikamu mangenangen kasalamatan sinadiamo paloloho wia nendo ure ⁶ Mapela-pelamo kaniitu, maan taekan yai nikamu makailek masusah-susah, oleh rupa-rupa cobaan. ⁷ Maksudteku wia ampakasa yai mabubukti kamurnian imanmi, wiarouk karantaian waya wia emas, i tana, niujimo kamurnian om mbaha, oh nikamu makailek pujian oleh kemuliaan, kahormatan, wia nendo Yesus Kristus imapailek nawak Na. ⁸ Maan nikamu ndaipe pernah lumoho Nisia, nikamu maupus nisia. Kamu maheman wia nisia, maan nikamu taekan ndai maloho wia Nisia. Nikamu mapela-pela ka sukacita mulia, o ndai kailaan, ⁹ Kanikamu nimambomo cimapai wia iman mu, niitu kasalamatan jiwamu. ¹⁰ Kaselamatan niitu sinelidik oh tineliti e Nabi-Nabi,isimiwomo nubuat ing kasih karuni nai impawewehe wia nikamu. ¹¹ Nisea timeliti tempo kumura o wingkumura ingkapaaran ni Roh Kristus, wia ngorem nea, niitu Roh katare simaksi wia kasusaan tumena i Kristus, pakasa kemuliaan mengiit ni itu. ¹² Nai nyatamo wia nisea , nisea ndai malalayan nawak sandiri, taan malalayan nikamu wia pakasa waya inililanamo tekan wia nikamu wia pinuseran nea oh Roh kudus, imai reho wia sorga, mailakmi berita injil wia nikamu, kaniitumo kapaar niu paileken ne malaikat-malaikan. ¹³ Niitu kaleosan nu, siapeno mako akal budimu, waspadalah oh wehemomako pangarapan niu pakasa wia natas kasih karunia i niwehenami wianikou wia intempo penyataan Yesus Kristus. ¹⁴ Tumou tanu e oki malinga-linga oh tia kumiit hawa nafsu ikimuasa nikamu niantempo kabodokan niu. ¹⁵ Taan nikamu musti mamuali kudus wiampakasa nidop niu masuat Nisia kudus, itimowa mo nikamu. ¹⁶ Ka ni tulis: Nikamu kudus, ka niaKu kudus. ¹⁷ Sa nikamu lumila Nisia Bapa, Nisia ndai lumoho namo niu manghakimi pakasa netou, kumiit pasiwoNa, niitumo nikamu tumou wia ngorem kaindean wia kalatan nikamu tumampa wia kaoatan yai. ¹⁸ Pailekan niu, ka nikamu winaera, wia patou-touan nia sia-sia punya nia nenek moyangemu, niitu ndai barang fana, ndai emas oh perak, ¹⁹ taan ondaha yang mahal, Niitumo ndaha Kristus, masuat ndaha nioki domba ndai beresi o ndai wana cacat. ²⁰ Nisia sinisir o tempo kaoatan ndaipe siniwo, taan ka nikamu ni sia mapaileko nawak Na wia zaman akhir. ²¹ Wia Nisia nikamu parcaya wia i Allah, timou wi sumoup nisia wia empuser nimate, kaam leo simambut nisia, oh limawu oh pangarapan nu katuju wia i Allah. ²² Ka nikausue mineretimo waloade oh makiit wia kabenaran, kaamba kawuu toro maamal kasih mapatuarian yang tulus iklas, niitumo nikamu maulit-ulit maleos leosan wia pakasanate niu. ²³ Ka nikamu nitoumi sumoup ndai wiambibit yana, taan om bibit ndai fana, wia firman Allah, imatou-tou, ongkekal. ²⁴ Ka pakasa e matou-tou masuet indukut oh pakasa kawangunanNa masuat imbuwugang ndukut mapera, embungang marambas. ²⁵ Taan firman Tuhan tetap makar kaure-urena. Nyai mo Firman wai lila sujud wia nikamu.