Suelai mala torono ma fo ana tambah manggate si nemeheherena ¹ Hita ma'adere harus tanggon nala atahori mana masaloloe'a, boema ana nda ha'i hahambu untu eni aon'sa. ² Ima fo se'ka mesan na ana tao meulau soa neu basa'e fo untuk nafefela nemehehera na'ra. ³ Kristus nda hambu Ana kasih senang ao aru-Na, sama ona nene sura hela nae, "Dedea o'ola nemumuti lao mia'se, fo mana namumuti Lamatua, Au lemba doi ala'en." ⁴ Karna sa'ka yang nene sura ma'ahuluna dadi neu susura, fo ana nanori nafade nae lao mia hita manggate'na no bebei bara'ai yang Lamatua fe lao mia Susura Meumare'a, hita hambu maua manale. ⁵ Hela ona be na Ama Lamatua, mana to'u basa malulu'u nasa bori, mana fe rala manggate'e, boe mana Ana fe maua manale fo hita hambu mori sia rala' esa no esa to Lamatua Yesus Kristus, ⁶ Boe ma no rala esa, hara esa, hei koa kio neu Ama Lamatua no Lamatua Yesus Kristus. ⁷ Hu na, fo simbo mala esa no esa, sama ona'a Kristus simbo nala hita mia Eni mandela masa'a-Na. ⁸ Au ufade neu nggo, ae Kristus dadi neu ate soa neu atahori-atahori yang mana edi eo basa'en demi Ama Lamatua meumare'na, fo na untu na'etu fufuli hehelu yang bei ba'i ra fe hela, ⁹ boe ma soa neu bangsa-bangsa nda Yahudi ra'sa supaya ara koa kio Ama Lamatua mia susue lalai'a. Ona'a mana sura hela, "Hu na au akan koa kio-Nggo mia bangsa-bangsa nda Yahudi'ra ; au akan koa kio soa neu Lamatua nara-Na. "Mazmur 18:15