Afi anggap mae ao ma lena no odi a'a mara ¹ Simbo mala ata hori mana masaloe nemehehere'na, te hu afi untu nda simbo'o dudu'a a'afin sa. ² Hambu ata hori namahere bahwa eni bisa na ninu basa nana'tara, te hu atahori mana masaloe nemehehere na ana hanya na aka uta hau ro. ³ Atahori mana na ninu, afi ole ra rai nda mana na ninu'a sa, boe ma atahori nda mana na ninu'a sa nda bole ola-ola atahori mana na ninu'a sa, karna Ama Lamatua simbo nala se na. ⁴ Hei seka'ra de hei hukudoki atahori laen? Bae atahori mana ri-ri do atahori ma'a loli, na urusan esa'a ena na. De ana akan fela ri-ri karna Lamatua akan tao fene fela nambari'i. ⁵ Hambu atahori'esa nae fai'i esa na lena mia fai laen'na, sedangkan hambu atahori laen rae basa fai ra sama. Setiap atahori na'ena keyakinan sia rala na. ⁶ Atahori mana pentingkan fai esa, ana pentingkan untu Lamatua. Boe ma atahori mana na ninu'ra na ara ra rinu soa neu Lamatua karna ara hule o'e neu Ama Lamatua. Boe ma soa neu nda mana na ninu ra sa, ara bo nda ra rinu'sa soa neu Lamatua boe, karna ara bo ro'e ra'ta neu Lamatua. ⁷ Hu na nda hambu esa mia hita nema ana mori mia ao na mesa'a na, boe ma nda hambu esa bo mate untu ao na mesa'a na. ⁸ Hu na, kalu hita mori, hita mori soa neu Lamatua, ato hita mate, hita mate soa neu Lamatua. De bae hita mori do hita mate bo hita adalah Lamatua ena'na. ⁹ Hu na maka Kristus mate no ana fela bali'i, fo Ana dadi neu Lamatua, soa neu atahori-atahori mana mate boe ma soa neu atahori-atahori mana mori'ra. ¹⁰ Te hu, sa' de hei hukudoki hei odi a'a ma'ra? boe ma sa de hei anggap odi a'a ma'ra nda papake sa boe ma hei mi'i mumuti se? Basa hita akan tambari tisi Ama Lamatua mamana adili'a. ¹¹ Karna hambu nene sura'a, "Hu karna Au mori, Lamatua susura meu maren'na, basa lulangga ra akan be'ute soa neu-Au, no basa ma'ra akan ra'ta soa neu Ama Lamatua."Yesaya 45:23 ¹² Basa hita akan fe laporan tatao nono'i tentang hita tataon soa neu Ama Lamatua. Afi tao atahori laen nggodi sala'a ¹³ Hu na, afi hita esa kasih salah esa, lebe bae hita afi dadi teu fatu mana ba dala soa neu hita toro no na'ra. ¹⁴ Au bubulu de au yakin sia Lamatua Yesus bahwa nda hambu sa-sa boe yang ma'a fo mia dala na'ka, te hu soa neu atahori yang anggap bahwa basa-basa na'ra adalah mana ma'a fo maka dala na'ka ana dadi neu ma'a fo soa neu e. ¹⁵ Kalu hambu torono ma rala na nambeta karna sa'ka yang hei mia, hei nda mori sesuai no susue'a sa. Afi hei esa mimopo hendi esa hanya aka na-na nininu ra, karna Kristus Ana mate soa neu na. ¹⁶ Hu na, afi nggari hendi sa'ka yang hei anggap meulau fo nene ne'e mumuti dadi neu de'ulaka. ¹⁷ Karna Ama Lamatua mamana meumare'na nda nafade tentang na'na ni-ninu, te hu tentang meu mare'a, momole dadame, boe ma nemeho'o netedale sia Duladale le'u tei'a rala. ¹⁸ Seka mesa'na kalu ana dadi neu Kristus ate na nendi dala ia maka Ama Lamatua simbo nala de ana nene nita boe ma hambu hada hormata mia atahori nema. ¹⁹ Ima fo ata usaha, fo ata hambu dala-dala meu lau'u fo nendi fe hita momole dadame yang taofe hita esa nafefela esa nemehehere'na. ²⁰ Afi mimbilutu hendi Ama Lamatua tatao nono'i na hanya aka nana nininu'a! Basa sa'ka mana madadi sia rae mbenafafon'na na adalah meulau, tehu de'ulakana adalah kalu hambu esa ana na ninu tehu ana tao atahori laen nggodi sala'a. ²¹ Lebe bae afi ta sisi, boe ma afi tinu anggor, do ata tao dala laen yang ana tao fe hita torono'nara ra'atunu rasale'u ²² To'u mihere nemehehere yang hei mi'ena sia Ama Lamatua matan. Maua manale soa neu atahori yang ana nda huku doki ao aru'na soa neu sa'ka yang dianggap meu lau sa. ²³ Tehu atahori mana bimbang ana akan nene huku doki kalu ana na ninu, karna ana nda na ninu sesuai nemehehere'na sa; de sa'ka yang nda nema mia nemehehere'a sa na adalah tao sala'a.