Hita adalah ana-ana mia Ama Lamatua nema ¹ Mete mita Lamatua susue lalaina talalu manaena seli soa neu hita, sehingga hita nene dui bengga rae hita ana-ana mia Ama Lamatua nema. hu na, raefafo'a nda nahine hita sa karna raefafo'a nda nahine Ama Lamatua sa. ² Torono susuenggeru, fai'ia hita adalah ana-ana mia Ama Lamatua, te hu hita tatao nono'i na nda fe'e nene netudu sa, de hita bubulu bahwa faina losa Lamatua nema, hita dadi ona Lamatua boe, karna hita akan tita Lamatua no basa mandela masa'a tetebes na. ³ Hambu atahori mana na'ena huhule o'o'e ia ka sia Lamatua Kristus, ana safe sa ao na, sama ona Lamatua yang adalah meumare. ⁴ Basa ata hori mana tao sala na mana nggani sala hohoro lalane karna sala kilu adalah tao sala soa neu hohoro lalane. ⁵ Hei bubulu bahwa Lamatua Kristus nene netudu fo Ana soi tefa hita sala kilu na, boe ma sia Lamatua rala, nda hambu sala kilu sa. ⁶ Soa neu ata hori mana leo sia Lamatua rala, nda tao de'u laka sa; nda hambu atahori mana tao sala kilu ana bisa nita no nahine Lamatua sa. ⁷ Ananggeru, afi fe esa tao na'a sususa ho boe. Ata hori mana tao meumare adalah atahori ndo tetu, sama ona Kristus adalah ndo tetu. ⁸ Ata hori mana tao sala adalah lao mia nitu, karna nitu a yang mana tao sala kilu eni mia sososana. Ama Lamatua Anana nema nendi nda-nda ia : nambalutu hendi tatao nono'i lao mia nitu a. ⁹ Nda hambu esa bonggi lao mia Ama Lamatua, ana tao sala kilu sa, karna fini ngges lao mia Ama Lamatua leo sia ao na rala; de ana nda hambu tao sala kilu sa, karna ana bonggi mia Ama Lamatua nema. ¹⁰ No na boema, seka mesa na' ana mia Ama Lamatua, boe ma seka mesa na' ana mia nitu a nema, dadi neu manggarelo. Ata hori nda mana tao meu mare sa, na nda lao mia Ama Lamatua sa, boe ma ata hori yang nda mana sue torono nara, dadi ru esa sue lai esa. ¹¹ Hu na, ia hara li yang hei rena eni sososa'na, fo hita esa sue lai esa. ¹² Afi dadi ona Kain, yang lao' mia de'u laka rala de ana hala hendi odina.De sa de Kain hala hendi odina? Sebab tatao nono'i mia Kain de'u laka, te hu tatao nono'i odina' nda. ¹³ Torononggeru, afi nggengger kalu rae fafo ia nda hi nggo sa. ¹⁴ Hita bubulu bahwa hita kalua mia mamates'a rala tisi momori'a rala karna hita sue torono'ra. Atahori nda mana sue torono na, ana leo sia mamates'a rala. ¹⁵ Soa neu atahori nda mana hi torono na adalah mana hala mbau atahori, boe ma hei bubulu bahwa nda hambu mana hala mbau ata hori, ana na'ena momori meu lau sia aona. ¹⁶ Ona ia hita tahine susue: Lamatua Yesus Kristus ana fe momori-Na soa neu hita. de hita harus fe hita momorina soa neu hita torono'nara. ¹⁷ Te hu, kalu hambu atahori mana na'ena hata heto raefafo, no ana nita toronara fe'e ra'ena huhule, te hu ana nggoe nisa dudu'ana soa neu toronona ia, ona be susue Ama Lamatua bisa sia ralana rala? ¹⁸ Ananggeru, ima hita sue lai, afi no dedea o'ola do hita bafa ma na, te hu tendi tatao nono'i meu mare. ¹⁹ No ia, hita bubulu bahwa hita lao mia meu mare a no hita dudu'a manggate na sia Ama Lamatua matana. ²⁰ Hambu hita dudu'ana fe sala bali hita, Ama Lamatua lebi manae mia hita dudu'ana de ana bubulu basa'e. ²¹ Torono susuenggeru, nda hambu hita dudu'ana fe sala neu hita sa, na hita ta'ena rala manggate sia Ama Lamatua matana. ²² Sa ka mesan yang hita to'e, hita simbo lao mia Ama Lamatua, karna hita tao tungga Ama Lamatua hohoro lalane na, boe ma hita tao sa yang dadi neu Ama Lamatua hihi nana'un na. ²³ Ia parenda' mia Ama Lamatua fo hita tamahere sia Ana-Na Yesus Kristus nara'na, de hita esa sue lai esa sama ona yang Lamatua parenda soa neu hita. ²⁴ Atahori yang mana tao tungga Ama Lamatua Hohoro lalane'na leo sia Ama Lamatua rala, boe ma Ama Lamatua leo sia e rala. Hita bubulu fai ia bahwa Ama Lamatua leo sia hita rala, no Dula dale lao mia Ama Lamatua ana pala banggi soa neu hita.