¹ atahori Yahudi'ra fai huhule-oo'e nara basa boe, ma Maria Mgdalena no Yakobus mama'na, ma Salome, reu hahasa' mina-ma'ameni', fo basa naa rae reu mbo'a neu Yesus ao sisi'Na tungga sira had'at nara. ² fai'na hari senin, fe'e fefetu ana', ma ara lao Yesus rate'Na reu. ³ ara lao' rala dala'a talada'na, ma esa ola' mbali esa rae, "hita teu'na, se'ka yang fali' fatu monae' mana sia rate'sa bafa'na?" ⁴ hu, ara losa naa, te rita fatu monae'a ara fali' hendi'e ena. ⁵ de, ara rakando risi' rates rala reu, te Yesus ao sisi'Na nese ena, hu ara rita mone tena' esa endo' sia rates'a boboa ona'na, bua-lo'ana muti makahahadok', ma ara nggengger. ⁶ boema, ana nafade mbali'se nae, "afi' mimitau, au bubulu' hei ima sangga Yesus mana mia Nazaret yang ara mbaku risa'E mia hau nggangge'a. te hu Ana fela bali', de Ana nda sia ia'sa, ima fo mete mita mamana'Na sie. ⁷ lami, bali' ume'mi fo mifade Petrus no torano' nara, mae Yesus na'ahulu' de Ana nahani'se sia Galilea. defo hei minda mo'E sia naa, te fai mana lao' naa, Ana fuli hela hei ena." ⁸ ara mete rita mamana'a rou, ma nggngger losa ara dere', boema ara dea reu, ma rela hela rates'a. te ara ramatau de nda rafade atahori esa'sa boe mia dala'a. [boema, ina' nara rendi hara' neu Petrus no torano' nara, ara rafade rae, 'Yesus mori bali' de Ana nese rates rala ena, de hai minda mo mone tena' esa ma ana nafade hai oi, 'Yesus mori bali' de Ana lao na'ahulu' fo nahani hita sia Galilea. basa naa, ma Yesus ao'n denu sira lao' mia rulu' nema fo nakando muri neu, fo na'alolosa' Ama Lamatualain hara-lii'Na yang nda nene'mopo'sa losa-lolosa na neu. Amin] Lamatua Yesus Natudu Ao'Na Neu Ana Nanori Nara ⁹ Lamatua Yesus fela bali' lao' mia mamates'a, ma Ana natudu' ao'Na na'ahulu' neu Maria Magdalena fo ma'ahulu na Yesus oi hendi' nitu hitu mia ao'na, Yesus natudu ao'Na hari senin fe'e fefetu ana'na. ¹⁰ basama, Maria bali' neu nafade basa atahori mana tungga Yesus ara, fai'na te basa'se fe'e ra'abubue no rala sususa', ma luu nara tuda, ara rasaneda Yesus mamate'Na. ¹¹ Maria nafade nae eni nita Yesus mori bali', te hu esa nda namahere' sa boe. ¹² basa hendi naa, ma Yesus tao ao'Na neu atahori fea, de Ana natudu neu sira atahori rua mia dala' taladana rae lao' risi' kambo' esa reu. ¹³ basama, rua'se bali' de ara dui torano' nara, te hu ona' o basa'se nda nau ramahere'sa boe. Lamatua Yesus Natudu Ao'Na Neu Basa Ana Nanori Nara ¹⁴ basa boe, ma Yesus nanda no basa ana nanori ka sanahulu esa nara, lele' naa ara ngua-ngua de raa-rinu, ma Yesus nema natea'se, ma ara nggengger te fai mana lao' nara, sira nda nau ramahere' atahori nafade nara rae Lamatua Yesus mori bali' sa ena. ¹⁵ basama, Ana parenda'se nae, "lami' rereo' basa raefafo' ia, fo ama dui-bengga neu basa atahori, Au dudui meulau' Ngga ia. ¹⁶ mete ma, se'ka yang namahere' Au na sarani'e, te ana hambu masoda' losa lolosa'na neu, te hu se'ka nda nau namahere' Au sa, mete te ana hambu huku-doki losa lolosa'na neu. ¹⁷ atahori mana nemehere' Au'ra tatanda nara ona' ia'ka: mete te ara oi dula-dale de'ulaka'ra rendi Au nara Ngga; Lamatualain fee'se dedea-o'ola' feu'; ¹⁸ boema mae ara to'u mengge marasot' ara; do mae ara rinu raso'o ara nda mate'sa, ara nda hambu de'ulaka' sa; mete ma ara nggama lima nara risi' atahori mamahedi'ra langga nara, na atahori mamahedi'ra hai." Lamatua Yesus Hene Lalai Ata Neu ¹⁹ Lamatua Yesus ola-ola' basa no ana nanori nara, boema Ama Lamatualain so'u'E lalai ata' neu fo Ana dadi Lamatualain lima ona'Na. ²⁰ basama, Yesus ana nanori nara tungga parenda'a, de ara risi' nusak bee, naa ara dui-bengga Lamatualain hara-lii'Na, boema ara o hambu tatanda' ona'a Yesus nafade'Na.