¹ iaka Yesus Kristus harali ma'ahulu'Na, Ama Lamatua Anak'Na ² ona'a yang nene sura' sia kitab Nabi Yesaya rala oi: "mete mita! Au denu Au a'te dedenu Ngga neu na'ahulu'u Hoo yang ana o'oti hela dala'a fee neu Nggo. Meleakhi 3:1 V 3 hambu atahori nggasi- ki sia moo loa'a nae: 'o'oti hela dala'a fee Lamatua, tao dala'Na tadi neu tetu'u."' Yesaya 40:3 ⁴ de Yohanes sarani atahori'ra mi'a mo loa'a boema ana na'alolosa hara meulau soa no Ama Lamatua susuelalai'Na. ⁵ boema, basa rauinggu mana leo sia Yedea no basa atahori mana sia Yerusalem'ra rema randa ro Yohanes mia mamana na. ara rema de ra'ta basa sira sala-singgo nara de Yohanes sarani'se mia loe Yordan'a. ⁶ Yohanes bua ba'u na tao lao mia onta fulu'na boema bobori'na tao mia banda rou'a. ana na'a lamat no oni oe'. ⁷ Yohanes dui bengga nae, "basa hendi au na atahori esa ma'ena kuasa lena mia au'e nae nema. mae dadi aka'a Eni dedenu'Na o, au nda unda'sa. ⁸ au sarani hei endi aka'a oe, te dei fo Ana nema na Ana sarani hei nendi'a Lamatua dula-dale meumare'Na.'' Yohanes Sarani Lamatua Yesus ⁹ de lele' na, ma Yesus nema lao mia kambo esa narana Nazaret nisi'i Galilea neu, de Yohanes sarani'E mia loe Yordan. ¹⁰ basama Yesus dea neu mia oe'a, nggengger ma lalai'a si. de basama Lamatua dula dale'Na sama ona' mbui lunda te neu Yesus. ¹¹ boema, hara esa mia lalai ata nema nae, "Hoo ia Au Ana susue Ngga. Hoo tao fee Au umuho'o ukundo'a." Nitu'a Soba Lamatua Yesus ¹² basa naa, ma Lamatua Dula-dale na nendi Yesus nisi'i mo lao'a. ¹³ Ana leo mia mo loa' naa fai haa nulu, Ana na'abue no banda fui'ra de nitu'a nema coba Yesus fo tungga'e. basama Lamatua a'te nara rema tao mata' neu'E. Yesus Na'alolosa' Ama Lamatua Hara Li Na Mia Galilea ¹⁴ 14 basama ara tao Yohanes mana sarani'a bui rala neu, ma Yesus lao nisi'i mamana esa sia Galilea de Ana na'alolosa' Ama Lamatua hara li Na. ¹⁵ Ana nafade nae, "pas fai na, Ama Lamatua nusak Na losa ena de ama miloe' hei tatao nono'i mara fo mimihere neu Lamatua hara li Na!" Yesus Here Nala Eni Ana Nanori Nara ¹⁶ pas Yesus fe'e lao' tungga dano Galilea bife'na, ma Ana mete nita Simon no odi'na Andereas, ru'ase fe'e pu'a u'u mia dano'a rala. naa sira ue osa nara tungga-tungga fai esa. ¹⁷ de, Yesus no'ese nae, "ima tungga Au, te Au ae tao hei dadi mi mana pu'a atahori." ¹⁸ basama Simon no Andereas lao' hela sira pu'a nara de ara tungga ro Yesus. ¹⁹ pas Yesus lao' na'adodo' mbei fai, ma Ana mete nita Zebedeus ana nara Yakobus no odi'na Yohanes, ru'ase fe'e ralole pu'ata mia ofa'a rala. ²⁰ basama, Yesus no'e ru'ase de ara lao hela sira ama'na Zebedeus mia ofa' ata no basa sira atahori mana tungga ofa'a ra, de ara tungga ro Yesus. Yesus Nanori'Na Sosofe' No'a Kuasa ²¹ basama, ara lao' losa kambo esa nara na Kapernaum boema faina losa huhule o'oe, de Yesus nisi'i ume huhule o'oe a de Ana nanori mia naa. ²² basa mana sia nara rena Eni nanori nara, ma ara nggengger te Ana nanori ona'a atahori yang sosofe' no'a kuasa, nda ona' Yahudi'ra meser nara sa. ²³ lele' naa, mia mamana naa hambu atahori esa sofe' no'a nitu'a dula-dale'na de ana nggasi, ²⁴ nae, "Yesus atahori mana lao' mia Nazaret, Hoo mae uma tao saa sia ia?, Hoo mae uma tao misa hai do? hai mihene Hoo ia seka. Hoo ia sosofe' no'a manggarelo lao mia Ama Lamatua nema!" ²⁵ te hu, Yesus boa'e nae, ''nene'! dea mu lao'mia atahori ia!" ²⁶ basama dul-dale de'ulakata rupa-mbembesi'e no ana nggasi ki, de ana nela dea neu lao mia ana'ka rala na. ²⁷ basa atahori mana mia naa ra nggengger de esa natatane mbali esa rae, "ia saa? nanori feu' no'a kuasa! Ana boe parenda dula-dale de'ulaka'a de ana rena Eni parenda'Na boe." ²⁸ Basama, basa atahori dui bengga'E losa basa nusak-nusak ra boema duduit na'ka boe'o losa basa nusak mana sia Galilea. Simon Ina Ari'na No Atahori Nae'e Hai Lao' Mia Sira Hedi Nara ²⁹ basama Yesus no ana nanori nara lao helah ume huhule oo'e a, ma ara lao risi'i Simon no Andereas ume'na, boema siri'i Yakobus no Yohanes ume nara. ³⁰ hu, Simon ina ari'na mana mamahedi'i de ana sunggu' sia koi ata, de ara reu rafade neu Yesus. ³¹ Yesus rena nala ma Ana neu mete nita de Ana to'u nala lima'na fo nafefela'e. boema hedi'na mopo hendi'e neu ena, de basama ina'a tungga Lamatua Yesus. ³² pas relo'a tena de ma'ahatu, ma ara rendi basa atahori mamahedi'ra boema atahori mana sofe' no'a dula-dale de'ulaka'ra rema risi'i Yesus, ³³ basama, basa rauinggu mana sia mamana na rema ra'abue reu ume'a lelesu'na mata'. ³⁴ de Yesus na'ahahai atahori nae'e hedi nara no'a basa hedis-hedis beka mesan'e boema Ana oi hendi nitu'ra. te hu, Ana nda nau nitu'ra rahara sa, karna ara rahine'e Eni. Yesus Hule O'e Boema Ana Na'alolosa Ama Lamatua Hara Li Na ³⁵ fe'e fefetu ana', boema fe'e ma'ahahatu, te Yesus fela de Ana lao nisi'i mamana ma'afuni, de Ana hule o'e mia naa. ³⁶ basama, Simon no atahori'ra rema sangga Lamatua Yesus. ³⁷ pas ara rita Yesus, ma ara rafade rae, "basa atahori'ra sangga Hoo!" ³⁸ de, Yesus nafade mbali se nae, "ima, ata lao tisi'i nusak mana sia deka iara, naa fo Au ae u'ulolosa' Ama Lamatua hara li'Na neu atahori-atahori mana sia nara. hu nana, alasan Au u'uma Ngga ia." ³⁹ de, Yesus lao nisi'i basa mamana mana sia basa Galilea lala'ena fo Ana na'alolosa Ama Lamatua hara li Na sia sira ume huhule oo'e na rala boema Ana oi basa nitu mana sia nara. Atahori Mana Buni Ra'a Hai ⁴⁰ boema, atahori esa mana mamahedi bunira nema nisi'i Yesus de ana sende' lu langga'na neu Yesus mata'Na de ana ola' nae, "kalu Hoo nau, naa fee au hai lao' mia au hedi ngga sie." ⁴¹ basama Yesus mete mbali ma Ana sue lai'e, de Ana lo lima'na neu'e de Ana ola' nae, "Au nau. dadi ona' saka yang hoo nau!" ⁴² Ana ola' basa boe, ma buni ra'a mopo mia atahori naa ao'na. ⁴³ Yesus denu atahori naa lao boema Ana fee nasenedat mahere' neu'e. ⁴⁴ Ana nafade mbali'e nae, "afi'i dui-dui saa neu esa boe soa no saka yang hoo hambu'a ia. hu, ana lao, ma ana neu natudu eni ao'na neu malangga nggarei'ra, boema ana neu fee derma soa no eni hahai'na ona'a saka yang Musa parenda'na neu sira." ⁴⁵ te hu, atahori naa neu de ana dui bengga neu basa atahori de duduit naa losa basa nusak-nusak ra. hu nana, Yesus nda sudi bebas nisi'i nusak-nusak ra sa, te hu Ana si'a kambo-kambo mana sia dodo'ra, boema mamana ma'afuni'ra, hu, atahori nae rena de ara rema lao' mia basa-basa nusak'ra.