¹ Fe'e do fai hira ma, pas Yesus bali'i mia Kapernaum neu, ma ara dui bengga rae Ana sia ume. ² boema,atahori nae' rema ra'abubue sosofe losa nda sudi hambu mamana rou sa ena, de Ana na'alolosa Ama Lamatua harali'Na neu basa mana sia nara. ³ Ana fe'e ola-olah ma, atahori haa lemba rendi atahori mamalu'u esa nema nisi'i Yesus. ⁴ te hu atahori nae na seli rakasesetik de ara nda hambu rala reu sa, boema ara hene risi'i ume'a mbuni'na ata de ara ofe ume'a sinina ata' fo ara ra'oonda atahori mamalu'ua pas nisi'i Yesus mata'Na. ⁵ pas Yesus mete nita'se ma Ana nahine sira namahere nara tebe-tebe neu Eni, boema Ana nafade mbali atahori mamalu'u a nae, "Ana Ngge! Au fee ambon basa neu hoo sala singgo mara ena!" ⁶ hu, ahli Taurat hira mana nggua-nggua mia naa ra du'a-du'a sia sira rala nara rae, ⁷ "saa de Ana nambarani ola' na'o naa? Ana na'amumuti Ama Lamatualain! aka'a Ama Lamatualain mesa'Ne fo bisa fee ambon neu sala singgo'ra ma?". ⁸ te yesus nahine mema' sa'ka yang sia sira dudu'a nara ena. de Ana nafade mbali'se nae, "saa de hei dudu'a ta'o na sia hei rala mara rala? ⁹ beka yang nggafat lena', nafade mbali atahori mamalu'u naa mae 'sala singgo mara nene ambon ena', do nafade mae, fela leon!, fo lu'a mala boslak ma fo bali' leon'? ¹⁰ te hu, naa fo hei bubulu' te Ama Lamatualain Ana'Na na'ena Koasa fee ambon neu sala singgo'ra sia raefafo ia. boema Yesus nafade mbali atahori mamalu'u a nae, ¹¹ "Au ufade neti nggo: fela leon, lu'a mendi hoo boslak fo bali' uma ma mu." ¹² ma atahori mamalu'a fela nambari, de ana lu'a nendi eni nenei'na de ana lao dea neu tungga basae mata nara. basa mana sia nara nggengger de esa ola' mbali esa rae "hai fe'edo mita ona'a iaka!" boema ara koa kia Lamatua nara'Na. Atahori Esa Nara'na Lewi Tungga Yesus ¹³ basama Yesus lao nisi'i dano a bife na, de atahori nae' rema ra'abubue fo ara rena Yesus nanori'Na. ¹⁴ pas Ana neu ma, Ana nanda no ana' esa narana Lewi, ama na narana Alfeus, ana nggua-nggua sia mamana mana bae bea. de, Yesus nafade neu nae, "lao tungga Au." boema, Lewi fela de tungga Yesus. ¹⁵ basa boe, Yesus endo de Ana naa-ninu mia Lewi a ume na, ma atahori mana eda bea ra ro atahori-atahori mana ue salah de'ulakata, ara boeo rema de raa-rinu sama-sama roo Yesus no Yesus ana nanori nara, te sia mamana naa atahori nae' rema hii rae rena Yesus nanori'Na. ¹⁶ ahli Taurat hira lao mia Farisi ra tahori nara mete rita Yesus naa-ninu na'abubue no atahori-atahori mana ue salah de'ulakata ra boema atahori mana eda bea ra, ma ara ratane mbali Yesus ana nanaori nara rae, "saa de Ana naa-ninu na'abue no mana eda bea ra ro atahori mana ue salah de'ulakat ra?" ¹⁷ Yesus rena, ma Ana nafade mbali se nae, "atahori mamahedi' ra perlu dokter, te hu atahori soda' ra hoko. Au u'uma ngga nda soa neu atahori ndotetu ra sa, hu soa neu atahori-atahori mana mamahedi no mana ue salah de'ulakat ra." Natanes Soa No Puasa ¹⁸ Yohanes mana sarani ana nanori nara no atahori-atahori Farisi ra puasa. de atahori ruma rema ratane neu e rae, "saa de Yohanes mana sarani a ana nanori nara ro atahori-atahori Farisi ra puasa, ta'o be de Hoo ana nanori mara nda puasa'sa?" ¹⁹ boema Yesus na'ta mbali se nae, "naa fo hei bubulu' te nda fe'e hambu mita atahori mana roo pengantin tou a ara puasa sa, hu ara raa-rinu ra'abebeta ro mana kabi'ra defo ara lao bali ume nara reu. ²⁰ hu, faina losa be ma pas pengantin tou a lao hela se, faina deifo ara fe'e do puasa. ²¹ boema nda fe'e hambu atahori soo-seu teme feu' neu tema mbara' mana side ata' sa. te mete ma ta'o naa na, teme feu'a kukundu fo nalutu bali'i side mbara mana side a, fo side na na'amoko selu'u. ²² boema nda fe'e hambu mita atahori mbo'a anggur feu a neu mba'o mana mboko sa. te mete ma ta'o naa na anggor a nasi' hendi mba'o a fo anggur feu'a sai hendi basa'e. de, anggur feu naa mbo'ae neu mba'o feu boe.'' Lamatua Yesus Nalena No Fai Sabat ²³ Lao esa, pas no fai sabat, ma Lamatua Yesus lao' tungga osi gandum a rala, ma Yesus ana nanori nara etu gandum mbule. ²⁴ beoma, atahori-atahori Farisi ra olah mbali Yesus rae, "mete mita, te saa de ara Hoo ana nanori mara langgar hita tolane na sia fai sabat a?" ²⁵ de, Yesus nafade mbali se nae, "hei baca mita do hoko, sa'ka yang Daud tao pas heni no atahori mana tungga nara basa se ndoe? ²⁶ ana lao nisi Ama Lamatua ume Na rala, pas faina te ama Abyatar fe'e malangga nggarei, de ana naa roti mia nggarei a rala boema ana ha'i nendi de babanggi fee neu basa eni atahori mana tungga nara, te hu esa nda fee salah neu sa boe". ²⁷ basama, Lamatua Yesus nafade mbali atahori Farisi ra nae, "fai sabat a tao soa neu atahori raefafo a ia, te Ana nda tao atahori fo fee neu fai sabat sa. ²⁸ te, Ama Lamatua Ana Na, naa boe Lamatua soa neu fai sabat.''