¹ Atahori nae' ra'ena dudu'at fo rae raduduru susura yang nene sura'ra soa no sa'ka yang mana dadi mia masa ma'ahulu'ra rema yang didi mia hita taladanara, ² ona'a sa'ka nenesura' yang ara dui neu hita lao' mia atahori-atahori yang mia ma'ahulu nara rema boema ara dadi sa'kasi no sira mata nara de ara ra'aolosa neu basa hita. ³ hu nana au unori matalolole basa ai'ra lao' mia ma'ahuluna nema, de malolena au ae sura' esa-esa neti nggo, ama Teofilus yang mandela masa'a, ⁴ naa fo hoo boe muhine ndotetu'na soa neu basa-basa'e sa'ka yang ara ranori neti nggi. Dudui't Soa No Yohanes Mana Sarani' ⁵ lao' mia masa parenda Herodes, Mane' Yudea, atahori esa malangga nggarei narana Zakharia yang lao' mia Abia ma'abue nara. sao'na titinonosi'na lao' mia Harun, boema nara'na Elisabet. ⁶ Zakharia no Elisabet nara atahori-atahori ndo'tetu sia Ama Lamatua mata'Na. sira masoda'nara nda hambu manggegeo'sa soa neu basa hadat no Lamatua parenda'Na. ⁷ te hu, sira nda ma'ena anak'sa te Elisabet nda mana bonggi'sa boema ru'ase boeo a'ka lasi'rena ⁸ De losa faina hambu tugas, Zakharia hambu tugas dadi neu malangga nggarei sia Ama Lamatua'a mata'Na. ⁹ menurut hadat dala nemehere'a, nore lot ma, ara here rala Zakharia fo ana nisi' Ama Lamatua ume'Na rala fo ana neu dede Ukupan ¹⁰ pas ukupan ara dede, na basa rauinggu'ra huleo'e sia dea'e. ¹¹ nggengger neu'a ma, malaikat Lamatua natudu aona neu Zakharia boema nambari nisi boboa ona panggung hotu'lalangge ma'ameni'ra. ¹² de nita malaikat na'ka, Zakharia dere no namatau naseli'. ¹³ te hu, malaikat na'ka nafade neu'e, "afi nemetau, Zakhari, te hoo huhuleoo'e ma Ana rena ena. hoo saoma, Elisabet, akan bonggi ana mone' esa fenu hoo boema hoo munara'e neu Yohanes. ¹⁴ hoo mumuho'o naseli, boema atahori nae boe tungga nemeho'o soa neu ana'ka fai bobonggi'na. ¹⁵ ana akan na'amoko sia Lamatua mata'Na boema ana nda ninu anggur'sa hoko'na ninu nininu' yang ma'alkohol lain'na. te, lao' mia mama'na ambun'na rala te ana sofe no'a Roh Kudus ena. ¹⁶ ana akan tao atahori Israel nae' bali' risi Lamatua, Ama lao' mia sira'e. ¹⁷ defo ana lao' na'ahulu sia Lamatua mata'Na boema no Roh boema kuasa Elia, fo ana tao ama-ama'ra rala'na bali'i risi sira ana nara'. boema ana boe'o basana ana tao atahori-atahori yang nda mana rena'a rasa fo dudu'a nara bali'i risi'i dudu'aafi atahori-atahori ndotetu'ra. hu nana, ana linu afi nala rauinggu yang ara hela soa neu Lamatua." ¹⁸ Zakharia nafade mbali malaikat na'ka nae, "ta'obe fo au hambu bubulu'u soa no tataos ia'ka? hu nana, au ia umulasi ena boema au sao ngga boe ana nama lasi ena boe." ¹⁹ de Malaikat naa na'ta mbali'e nae, "Au ia malaikat Gabriel, malaikat yang mana namberi sia Ama Lamatua Ise mata'Na. Ana denu au uma ufade neti nggo boema endi hara meulau ia'ka neti nggo. ²⁰ te hu, sia li ia rena mala'e! hoo akan dadi neu nggoa' boema nda bisa ola-olah mala'sa losa fai beka hoo sao'ma bonggi nala karna hoo nda nau mumuhere sa'ka yang au ola-olah ngga iara, losa fai'na nema" ²¹ sementara na, rauinggu'a nahani Zakharia. sira ratatane sa'ka de Zakharia ana sia Ama Lamatua Ise'a umen Na rala dona' seli. ²² waktu ana dea'neu, Zakharia nda bisa ola-ola nala no sira'sa. de sira boe rahine kalo Zakharia hambu nita sa'ka yang sia Ama Lamatua Ise'a umen'Na rala hu na ana dudu'lalaes neu sira, te hu nda ola-ola nala'sa. ²³ de waktu ana nabasa hendi eni tatao nemehere'na, ma Zakharia bali' ume na neu. ²⁴ seli hendi dadadi na'ka, Elisabet nairu boema losa fula lima ana na'afuni aona. ana nafade, ²⁵ "ia'ka yang Lamatua tao soa neu au. Ana mete'se'u au boema Ana lap nameu au mamae ngga lao' mia atahori nae' talada'nara." Nefade's Tentang Lamatua Yesus Kristus ²⁶ pas Elisabet nairu de teina fula ne, ma Ama Lamatua Ise'a denu malaikat Gabriel neu nisi'i nusak esa sia Galilea, mama'a naa narana Nazaret. ²⁷ Denu'e neu nanda no ina feto esa yang bertunangan no tou ana esa narana Yusuf, titinonosi'na lao mia Daud nema boe. ana feto' naa narana Maria. ²⁸ de, malaikat na'ka nema se'u Maria boema ana nafade'e nae, "soda mole' neu hoo yang ma ua'nale malole! Lamatua susue'Na soa neu nggo." ²⁹ Maria rena nala dedea o'ola' na'ka, boema ana nggenger. de ana natatane sia rala ana'na nae hara' saa ia soa neu au. ³⁰ Malaikat na'ka nafade neu'e, "afi nemetau, Maria, hu na Ama Lamatua Ise fe susuelai'Na soa neu nggo. ³¹ rena mala, basa na hoo muiru boema bonggi ana tou ana'esa, boema basa na hoo munara neu'E Yesus. ³² Ana akan na'amoko boema ara duibengga'E oi Ama Lamatua Ise Ate anan'Na mana sia Nusa tetun inggu temen. Ama Lamatua Ise basa'na fe singga sana Daud neu'E, tititnonosi'Na. ³³ Ana akan parenda neu Yakub titinonosi'na losa lolosan'na boema nusak Na boe losalolosan'na ³⁴ de, Maria nafade neu malaikat na'ka, "te ta'obe de ia bisa dadi fo au nda fe'e masao'sana?" ³⁵ malaikat na'ka na'ta boema ana nafade neu'e, "Roh Kudus'a faina nema neu nggo boema no Kuasa Lamatua Ise mana sia nusa tetu ingguteme'na Ana nanae'nggo. hu nan'na, ana yang hoo bonggi'a na'ka Kudus boema ana yang ara duibengga'E oi Ama Lamatua Ise Ate anan'Na ³⁶ boema, fo bubulu' hoo torano'ma Elisabet, ana nairu boe sia fai lasi'na. ana yang ma'ahulu'na oi fene manatedi', sia li'ia ana nairu fula nee ena. ³⁷ hu na, sa'ka mesan'oo nda mustahil soa neu Ama Lamatua Ise." ³⁸ boema, Maria ola' nae, "tetebes, au ia Lamatua a'te Na. dadi leon neu au ona' sa'ka yang hoo mufade'ma." basa'ma, malaikat'a lao' hela'e. Maria Neu Se'u Elisabet ³⁹ sia fai-fai na'ka, Maria naole' fo ana lao' neu sia mamana mbuku lete', mamana esa sia nusak Yuhuda. ⁴⁰ ana nisi Zakharia umen'na rala de ana to'u lima no Elisabet. ⁴¹ fai'na Elisabet rena Maria hara'na, boema ana'ka yang mana sia ambu'na rala tetek de Elisabet sofe no'a Roh Kudus. ⁴² basa'ma Elisabet nahara no hara monae', "dula dale malole' soa neu hoo sia basa ina'ra talada'nara, boema dula dale malole' soa neu hoo iru'ma. ⁴³ au ia se'ka de Ama Lamtua'a mama'Na nema se'u au? ⁴⁴ tebe, te au rena hoo hara'ma losa au ndiki'ngga, boema ana'ka mana sia au ambu ngga tetek karna namaho'o. ⁴⁵ nemeho'ot soa neu eni yang namahere bahwa sa'ka yang Lamatua nafade neu'e akan digenapi" Koa Kia Maria Soa Neu Ama Lamatua ise ⁴⁶ boema, Maria ola'nae "ao samana'ngga koa kia soa neu Ama Lamatua Ise, ⁴⁷ no au Roh ngga nemeho'o sia Ama Lamatua Ise, mana soi fefa neu au. ⁴⁸ hu na, Ama Lamatua Ise hitureke a'te Na yang mana hata'ta ia. rena mala, lao' mia li'ia boema nakando'na neu, basa atahori'ra akan dui'bengga au nemeho'o ngga. ⁴⁹ karna ana yang sofe no'a kuasa Ana tao basa hal yang monae' ia neu au, boema kuduslah nara'Na. ⁵⁰ Ua'nale' ao mia Lamatua nema fe nisi' titinonosi'a, fe neu atahori-atahori yang mana namatau Lamatua. ⁵¹ Ana natudu kuasa'Na nendi' lima'Na. Ana fe sarangga atahori-atahori yang mana koao'ra sia dudu'a a'afi'nara ⁵² Ana na'onda hendi mana parenda'ra lao' mia singga sana'nara, boema Ana so'u atahori-atahori ndo'tetu'ra. ⁵³ Ana fe betas neu atahori yang mana ndoe soa neu meulau'a, te hu Ana use atahori mamasu'i ra lao' ro lima rou' ⁵⁴ Ama Lamatua Ise fe bantuan neu Israel, ate ana'Na, hu na nasaneda Sususe lalai'Na. ⁵⁵ ona' be'ka yang Ana nafade neti hita atahori ma'ahulu nara ena, fe neu Abraham boema titinonosi'na losa lolosana" ⁵⁶ boema, Maria leo sama-sama no Elisabet nda sala'sa na fula telu, boema ana bali' ume'na neu. Yohanes Pembabtis Fai Bobonggi'na ⁵⁷ fai'na losa soa neu Elisabet bonggi boema ana bonggi nala ana mone'ana esa. ⁵⁸ basa ume titia'ra boema bobonggi dadi'sela'ra rena Ama Lamatua natudu susuelalai'Na monae'na seli soa neu Elisabet, boema basa'se tungga ramaho'o ro'e. ⁵⁹ losa fai ka falu'na, sira rema fo edi'fu ana'ka. boema ara babe ana'ka nara'na neu Zakharia sama ona' papa'na nara'na boe. ⁶⁰ te hu, ina'na nafade, "hoko', ana'ka nanara'e neu Yohanes." ⁶¹ basa atahori mana sia na'ra rafade neu Elisabet, "nda hambu esa'sa boe sia hoo bobonggi'ma nara'na ona na'ka." ⁶² basama, ara denu Zakharia rendi'i sen fo ana natane neu Elisabet, fo ana nae nanara ana'na neu sa. ⁶³ de Zakharia no'e nala papa' esa fo ana sura' nendi'e, basama ana sura'a ana'ka nara'na neu papa'a ata oi, "Yohanes." de basa atahori mana sia nara nggengger. ⁶⁴ basa hendi na boema, Zakharia bafa'na no ma'na tabuka oan. ana o'ola nala de ana ola-ola boema ana koa kia neu Ama Lamatua Ise. ⁶⁵ basa ume titia'ra dadi reu ramatau boema dadadi ia'ka ara dui'bengga'e sia basa desa mbuku lete Yudea. ⁶⁶ boema, basa atahori yang rena dadadi ia'ka ratatane sia sira rala'nara rala, "fai mana nema na ana'ka dadi sa?' hu na, Lamatua lima'Na nanea'e. Zakharia Koa Kia Neu Ama Lamatua Ise ⁶⁷ Zakhria, Yohanes ama'na, boe sosofe no'a Roh Kudus boema ramal, ana nae, ⁶⁸ "koa kia Hoo Lamatua, Ama Lamatua Ise Israel hu na Ana nanea boema Ana soi tefa nala rauinggu'a ⁶⁹ Ana nafefela nala soi'masoda'a soa neu hita lao' mia Daud titinonosi'na. ate ana'Na, ⁷⁰ ona'a yang Eni harali'Na lao' mia nabi-nabi'ra bafa'nara yang kudus lao mia ma'ahulu'n nema ⁷¹ fo Ana soi nala hita masodana'ra lao' mia hita musuh-musuh nara,boema lao mia basa atahori yang mana mamanasa hita'ra. ⁷² Ana tao'na fo netudu susuelali'Na neti hita atahori ma'ahulu nara, boema hu na Ana nasaneda neu Eni fufuli'Na yang kudus, ⁷³ yaitu sumba yang Ana ola' neu hita atahori ma'ahuluna, Abraham, ⁷⁴ hu na Ana mbo'i hendi hita ena lao' mia hita musuh-musuh nara fo hita ue soa neu'E no afi tama'tatau, ⁷⁵ sia tetu'ndos no meumare'a rala sia Lamatua mata'Na, selama hita masoda'na. boema hoo, ana'ngga, basa'na ara dui bengga'e rae nabi Ama lamatua Ise sia nusa tetun inggu temen, hu na basa'na hoo lao' mu'uhulu Lamatua, fo o'oti dala soa neu'E. ⁷⁷ fo fe nahinet soa neu momori masoda neti rau'inggu'Na nendi'i soi tefa nala'se lao mia sala'singgo nara. ⁷⁸ hu na, ua'nale no susuelalai lao' mia hita Ama Lamatua Ise'na, relo'a fe manggarelo'na neu hita lao' mia ata'nema ⁷⁹ fo fe manggarelo' neti sira yang leo sia ma'ahatu'a rala boema yang mana si'a mamates'a bife'na, fo fe manggarelo'a neu dala'nara risi soda mole'." ⁸⁰ de, ana'ka na'amoko tamba monae', boema sofe noa bebe'i bara'ai'a sia roh rala. ana leo sia momo monae'a losa fa'na nema fo natudu aona neu bangsa Israel.