Fe ao aru'ma ne Ama Lamatua 1 Netofa nehu no nabua nanggere'a ma be nema fo ana dadi sia hei taladama'ra? Ma be nema fo hei dudu'a deulaka'ma yang ana natofa nahu'u sia antara hei ao aruma nema? 2 Hei hi sesuatu, tehu nda hambu'e sa, boema hei hala mbau atahori. Hei nda hi mita atahori lena hei sa tehu hei bo nda hambu sa'ka yang sangga'sa, boema hei mitofa mihu no mibua minggere. Hei nda akan hambu sa'ka yang mo'e sa. 3 Do, hei mo'e, tehu nda hambu'sa karna hei mo'e te na'ena alasan yang salah, karna hanya untuk jawab hei hihi ma nanau'ma. 4 Hei atahori mana hohongge, hei nda bubulu bahwa odi a'a mo raefafo'a berarti hei dadi mi Ama Lamatua musu'na? Hu'na, se'ka mesan yang nae odi a'a no raefafo'a, ana dadi neu Ama Lamatua musu'na. 5 Apakah hei du'a mae Susura Meumare'a* alasan nese ana nae, "Duladale'a* yang Ama Lamatua mbeda'e sia hita ao na fo Ana hi no horo mbala."? 6 Tehu, Ama Lamatua fe mandela masa'a-Na naen seli. Hu'na, Susura Meumare'a nafade nae, "Ama Lamatua nda hi atahori mana koa'o, tehu Ana fe mandela masa'a-Na neu atahori mana naloe nedae ao." 7 Hu'na, fe hendi ao'aru ma neu Ama Lamatua koasa'e. Lawan nitu'a, maka ana akan nela hela nggo. 8 Deka-deka mo Ama Lamatua, fo Ana boa akan deka-deka no nggo boe. Safe hendi lima'ma, atahori-atahori mana sia salah kilu'a rala, mi'etu rala ana'ma, hei atahori-atahori mana mirala rua'a. 9 Kasian, susa sona, de nggae leo; fo hela be na mamali'ma dadi neu pinu idu boe ma nemeho'o netedale'a ana dadi neu sususa'a ma sosona'a. 10 Muloe mudae ao ma sia Lamatua matan, maka Ana akan tao nggo mumunaru. Afi Ole rarai boe ma afi dadi mu mana ma'etu toronoma'ra salah kilu'na'ra 11 Torononggeru, afi esa o'ole rarai esa no esa. Atahori yang na'amumuti torono'na, do hoko na ana huku doki torono'na, na ana lawan hukum'a. Kalu hei huku doki toto lalane'a, hei nda dadi mi atahori mana ma'a lalao toto lalane'a sa, tehu dadi mi Hakim'na. 12 aka esa mana Fe Totot Lalane'a no Hakim na, yaitu Eni yang mana fe momori no mamates; tehu hei ia'ra se'ka, fo hei mae huku doki hei toronoma'ra? Ama Lamatua Koasa-Na sia Basa Atahori Hihi nanau'na 13 Fai ia, basa hei mana o'ola ra, ama rena, "Fai ia ato fetu'na hai akan lao misi'i kota ia ma kota na'ka, hai leo sia na selama to esa, hai mi'i seso'o fo hai hambu ontong," 14 pada hal hei nda bubulu sa'ka yang dadi sia fai fefetu na nema. Sa'ka yang dadi neu arti soa neu ho momori'ma? Momori ia'ka sama ona lume'e yang nema losa'a fo basa na mopo'e. 15 De, harusnya hei mifade mae, "Kalau Lamatua hi do nau, hai akan mori de hai bisa tao ia ma tao na." 16 Tehu fai ia, hei ma'a he mendi hei koao'ma; ma'a he ona'na adalah de'ulaka. 17 De, kalu hambu atahori esa bubulu tao ta'o be fo meulau'u, tehu ana nda tao'sa, maka na ana tao salah'a.