Sue lai Basa Atahori 1 Torononggeru, afi mitudu hei nemehere'ma sia hita Lamatua'na, Yesus Kristus, no bingga ba'e atahori esa no esa. 2 Kalu hambu atahori reti risi'i sinagoge'ma fo ana pake ndeli mas no bualo'a mafelit, sia fai yang sama, hambu atahori hata'ta esa nema boe te ana pake bualo'a manggenggeo, 3 de boema hei lebih mete soa neu atahori mana pake bualo'a meulau'a no mafeli'a de hei mifade neu mae, "Uma fo endo misi'i mamana meulau'a sie," tehu soa neu atahori hata'ta'a hei mifade mae, "Mumburi mu na sini!" do hoko na "Endo mu au ei ngga sie!" 4 Bukankah hei bibingga baba'e sia hei talada'ma, de hei dadi mi mana to'u ne'etu neladi'a mendi hei dudu'a de'ulakama'ra? 5 Torono susenggeru, ama rena dei! Bukankah Ama Lamatua here basa atahori hata'ta'a sia raefafo'a mata'na, fene dadi neu mamasu'i sia nemehehere'a rala de ana dadi neu mana to'u basa Ama Lamatua'a hata heto Na'ra sesuai no fufuli hehelu-Na soa neu se'ka fo mana sue Eni? 6 Tehu, hei ole rarai atahori hata'ta'a. Bukankah atahori mamasu'i a yang tuni ndeni boema ana yang nendi nggo misi'i mamana ne'etu neladi'a? 7 Bukankah sira yang ole rarai Nara meulau'a, fo mia'e hei nene no'e? 8 Kalu hei milalao hukum ma'ahulu'a tungga no Susura Meumare'a*, yaitu "Sue lai basa atahori sama ona ho sue lai ho ao ma," hei tao meulau'en. 9 Tehu, kalu hei bingga ba'e atahori, na hei tao sala'en de hei dadi'mi ona atahori mana tao sala de ana langgar toto lalane'a. 10 Se'ka mesan yang tao tunggga basa toto lalane'a, tehu ana nda tao tungga bagian esa'sa, na ana tao sala soa neu basa toto lalane'a isi na. 11 Sebab, Ana yang nafade, "Afi hohongge bubuni*," boema nafade, "Afi tati mbau atahori." De, kalu hei nda hohongge bubuni'sa, tehu hei tati mbau atahori, na hei dadi mi atahori mana tao salah basa toto lalane na'ka ra. 12 Ola-ola no tao sa na, sama ona atahori-atahori yang nene huku doki nendi toto lalane yang sefi mbo'i se. 13 Sebab, huhuku dododki nema na ana nda na'ena susue lalai soa neu atahori yang nda mana natudu susue na'ka; susue lalai'a akan menang soa neu huhuku dodoki'a. Nemehere Nda Pake Tatao Nono'i sa, na adalah Mate 14 Torononggeru, nggu-ngguna nese soa neu atahori esa kalu ana nae eni na'ena namahehere, tehu eni nda na'ena tatao nono'i sesuai no nemehehere'a? Hambu nemehehere yang fe masoi masoda? 15 Kalu odi tou no odi ina esa nda na'ena bua lo'a'sa na ana butuh nana ninu tungga-tungga fai, 16 boema hambu atahori'esa nafade neu'e nae, "Mi leo sia soda mole'a rala, kalu hambu na hei ao aru ma hambu natobi boema na'abeta," tehu hei nda fe neu'e sa'ka yang ana butuh, na guna'na sa? 17 Boema nemehehere'a boe, kalu nemehere na'ka nda tungga no tatao nono'i sa, maka na pada dasarna nemehere'a mate. 18 Tehu, mungkin hambu atahori nafade, "Hei mi'ena nemehere'e, no au u'ena tatao nono'i'i." Au harus u'ta, "Mutudu nemeheherema nda pake natudu tatao nono'i'i, boema au akan utudu au nemehehere ngga no utudu au tatao nono'i ngga." 19 Hei mimihere mae Ama Lamatua na esa. na nda. Duladale-duladale de'ulaka bo ara ramahere de ara ramatau. 20 Hai atahori nggoa! Hei nau sadar mae nemehere'a nda pake natudu tatao nono'i sa na adalah parsuma do hoko? 21 Bukankah Abraham*, hita papa'na, nene nda karna tatao nono'i na'ra pada waktu ana fe korban ana mone na Ishak*, mia mamana persembahan ata*? 22 Mete bahwa tebe, nemehehere'a ana tao tungga no tatao nono'i'a, de tatao nono'i na'ka, nemehehere'a dadi neu teme ao. 23 Nene nata'a sa'ka yang nene dui bengga mia Susura Meu mare'a nema*, "Abraham namahere soa neu Ama Lamatua, de na nene ito reke soa neu'e sebagai tatao ndo tetu'sa," boema ana nene dui rae "Ama Lamatua torono'na". 24 De, hei mita bahwa ternyata lao mia tatao nono'i bo atahori nda, fo bukan hanya mia nemehehere'a nema. 26 25 Basana boema, Rahab, manahohongge'a, Lamatua fene nda boe karna tatao nono'i na ketika ana simbo nala mata-mata mana mia Israel nema, boema ana tulu fali se untuk rela tungga dala laen'e? De, sama ona hita ao sisi'na nda ma'ena dula dale'sa adalah mamates, boema namahere'a nda bisa mori tanpa tatao nono'i sa karna na bo adalah mamates.