¹ Fufuli hehelu mia Yakobus, Ama Lamatua no Lamatua Yesus Kristus ana nanorina, soa neu suku ka sanahulu rua'ra mana sarangga-ngga sia basa raefafo'a. Sosoba dodoa'a Nendi fe Manggate'e ² Torononggeru, anggap dadi neu nemeho'o esa kala hei nggodi misi sosoba dodou'a rala*. ³ Sebab, hei bubulu bahwa sosoba dodou soa neu nemehehere'a nenendi na adalah manggate'e. ⁴ Sudin fo manggate'a nendi hasil sofe fo hei dadi mi mi'i teme, afi kuran sa-sa boe. ⁵ Tehu, kalu sia antara hei hambu se'ka nggoa'a, kalu bisa na ana no'e mahine mbali Ama Lamatua, mana sofe no suse ma lalai Ana akan fe soa neu basa atahori nda mana o'ole rarai atahori sa, no na boe ma Ana fe soa neu se. ⁶ Tehu, ana harus no'e nendi nemehehere no ana nda ragu sa karna atahori mana ombang-ambing adalah atahori mana sama ona ri re mana sia tasi, fo anin'na fu'e seri nu seri. ⁷ Atahori ona'na afi du'a untuk ana hambu sa boe mia Lamatua nema. ⁸ Atahori mana na'ena rala rua ana nda aman sia eni momori'na sa. Hataheto Batu'na ⁹ Hela'nu fo torono mana mori sa'ka yang ana na'ena, ana namaho'o natadale karna nene koa kio'o, ¹⁰ no atahori mamasu'i a kalu ara fene neu mamana paling sia rae'e, ana sama ona uru'a buna'na, fo basa na ana mopo. ¹¹ Sebab, relo'a toda nendi eni naha'na, fo ana tambah nama tetu'na ana fe uru'a male, buna'na mo'u, boema meulau'na bo mopo'e. Ona'na boe, atahori mamasu'i a ana akan mopo sia tutungga sasangga na taladan. Sosoba Dodou'a Nda Mia Ama Lamatua Nema'sa ¹² Maua manale soa neu seka yang tahan sia sosoba dodou'a rala karna kalu ana nene hambu bahwa ana bertahan, maka ana akan simbo maua manale sia momori'na sama ona Ana fuli soa neu seka yang sue lai-E. ¹³ Kalu hambu seka nene soba dou'u, afi ana ola nae, "au nene soba dou mia Ama Lamatua nema." sebab, Ama Lamatua nda hambu nene soba dou mia nitu'a nema sa de boema Ana bo nda bisa soba dou esa'sa boe. ¹⁴ Tehu, hambu atahori bisa nene soba dou tapi mia bali eni hihima nanau'na. ¹⁵ Kalu hihi'a naboa, ana akan bonggi sala kilu'u, de kalu sala kilu'a namalatu, ana akan bonggi mamates. ¹⁶ Odi-a'a torono sue sarani nggeru, afi lao sala dala. ¹⁷ Sa'ka yang hita tao meulau'u boema sa'ka yang hita fe meulau mia ata'a nema, nao'onda e mia hita Aman mana sia basa manggarelo'a nema, sia-E nda hambu nene ubah do hoko na mana nggati nendi salao'sa. ¹⁸ Mia mana Koasa nema, Ana na'a dadi hita nendi'i susura meumare'a* ndo tetu'na supaya hita dadi teu boa'ulu'u mia basa ne'e dadi-Na'ra. Rena boema Tao Tungga Lamatua Harali'na ¹⁹ Odi-a'a torono sue sarani nggeru, mete mala ia dei: kalu hambu'na basa atahori rena lai-lai, tehu afi ola haka lalai dei, boe ma halai miminasa dei. ²⁰ Sebab, atahori namanasa na ana nda tao nala Ama Lamatua hihi nanau ndo tetu'na sa. ²¹ Huna, honda hendi basa de'ulaka'a boe ma simbo mala Ama Lamatua harali-Na fo sofe no neloe nedae ao'o fo mana nene sela tande sia rala ma'ra, de ana fe masoi masoda soa neu ao samana'ma. ²² Dadi mi mana to'u Lamatua haralin fo afi dadi mi atahori yang hanya rena'a; kalu hoko'na, hei peko leleko bali hei ao aru'ma. ²³ Sebab, kalu atahori rena Lamatua haralin, tehu ana nda tao tungga'sa, ana sama ona atahori yang sementara mete mata'na sia doma. ²⁴ Fo ana mete basa ao na, na ana lao, tehu basa na ana nda nafi nahine eni mata na ona be'sa. ²⁵ Tehu, atahori mana mete besa-besa toto lalane'a fo toto lalane mana fe hita hambu meulau'a, ana na'hu sia hita rala, ana afi dadi neu atahori mana rena te basa'na ana lili hendi'e, tehu ana dadi neu mana malalao harali'a. Ana hambu maua manale'e mia sa'ka yang ana tao. Kasasi yang Nda soa Neu Ama Lamatua ²⁶ Kalu hambu atahori se'ka yang ola nae eni adalah atahori yang nda mana fui nggarei kasasi'sa, tehu ana nda jaga nala bafa ma'na sa, na ana leleko nala eni rala ana'na. Tutungga'na dadi neu parsum'a. ²⁷ Nggarei kasasi yang nda sia hita Ama Lamatua'na matan, adalah neu nado ana-ana mat'ara no ina-ina falu'ra sia basa sira hedi nggarau na'ra, boema ana mampu mete nala eni ao aru'na fo eni afi tao ona rae fafo'a hihi ma nanau'na.