Tada mala Ama Lamatua Bibi lombo na'ra ¹ Hu na, soa neu penatua no mana nita mata Kristus sususa ma sosonan, boema dadi neu atahori fo ana akan tungga ha'i bagian sia mandela masa'a a rala fo akan nene netudu, au hule soa neu penatua mana sia hei talada'mara. ² Tada mala Ama Lamatua bibi lombo nara mana sia hei taladamara! Afi karna nene paksa, tehu no rala temeao, sama ona Ama Lamatua hi ma nau; afi tao hanya karna mae hambu untung te'hu mamaet, te'hu karna mae dadi mi manatada tetebes. ³ Afi tatao ma nono'ima dadi ona mana koasa soa neu basa sira yang mana nene nemehere sia ho lemba doi mala ra, tehu dai mi contoh soa neu lalaet na'ka. ⁴ No na boema, kalu Mane Mana Tada nema, hei simbo mala sololangga mandela masa'a foa ana nda hambu male sa. ⁵ De hei boe fo ma'adere ra, harus ta'alok soa neu lasi-lasi'ra; no boema basa hei mi'ena rala matafanggi meulau, esa no esa karna: Ama Lamatua nda hi atahori mana koao'sa, tehu Ana fe maua'manale soa neu atahori mana na'ena rala matafanggi meulau.Amsal 3:34 ⁶ Hu na, muloe'mudae ao'ma sia Ama Lamatua liman rae' fo mana sofe no koasa. Fo losa fai'na, Ana akan fe hei hene. ⁷ Fe basa hei masa loe bangga na'u mara soa neu Ama Lamatua karna Eni yang na'a boi nasa mao hei. ⁸ Ati-ati boe ma ama minea mihere! Musu'ma, si Nitu, ana lao serinu-serinu sama ona meo'aku'a ana nggasi'ki sangga nanat untuk ana odo. ⁹ Lawan Nitu'a! Mimbiri mihere sia hei nemehere mara, karna hei bubulu sia basa raefafo ia, torono susue sarani nggeru boe'o ara lemba doi sususa sosona yang hei alami. ¹⁰ Boema, kalu hei susa ma sona untuk fai e'eku, Ama Lamatua sumber basa maua'manale yang mana no'e hei untuk ha'i bagian sia mandela masa'a-Na fo nda mana basa'sa sia Kristus rala, Ana akan na'a hahai, fe maua manale, manggate rala, no ana na'a fefela hei. ¹¹ Soa Neu'e koasa losa do na neu. Amin! Fufuli hehelu Mate'en ¹² Au sura susura e'eku ia'ka soa neu nggi tungga Silwanus, fo au uhine dadi ona'a au torono sarani ngga fo mana setia. Au hi'a fe soa neu nggo nonoet boema duduit, oi ia adalah bebei bara'ai fo nda mana basa'sa lao mia Ama Lamatua. Mimbiri mihere sia bebei bara'ai na'ka. ¹³ Ate ana mana sia Babilonia, yang mana dadi neu Ate ana nene dudu mia Ama Lamatua nema, na'alolosa hehelu fufuli soa neu nggi. ¹⁴ Fe'se to'u lima esa no esa rendi i'idu susue. Maua manale soa neu basa hei sia Kristus rala. Amin