Momori feu mia Duladale nema ¹ dadi, karna Lamatua Kristus Ana namahedi secara ao sisi, mulai fai ia hei minea ao aru ma mendi dudu'at esa, karna ata hori mana hambu sususa sosona ao sisi, ana nda nafi tao sala 'san ² hu na, momori mana sisa sia raefafo ia rala, ana nda tungga hihi ma nanau mia atahori, tehu mia Ama Lamatua hihi ma nanaun. ³ Hu na dai leo sia fai mana lao ma, soa neu tatao ma nono'i atahori-atahori nda mana nahine Ama Lamatua; mori sia hihi nanau ao sisi, mamafu, fefeta dodotes, nininu-nininu, no sosonggo tatanggu sofe no de'ulaka. ⁴ Fai ia, ara nggengger watu ara hambu hei nda nafi nau tao tungga tatao nono'i fui fo sira tao ra sa. Hu na, ara ramumuti hei. ⁵ Te hu, ara fe tanggung jawab soa neu Lamatua yang mana na'etu atahori mana mori no atahori mana mate. ⁶ Soa neu dala ia'ka, Susura meumare'a nene dui bengga soa neu atahori-atahori mana mate sia fai ia, fo meskipun sira nene hukum basa'en mia raefafo ia sama ona standar atahori, tehu ara mori sia duladale'a tungga u'uku uli mia Ama Lamatua.Tao mahinema dadi neu mana to'u ai mbele. ⁷ Basa sa'ka mesan, fai na deka basa'en. Hu na, ati-ati boema minea ao fo bisa hambu hule o'oe. ⁸ Sia basa nara ata, tao mikindo susue lalai'a no tetebes, karna susue ma lalai'a bisa soi tefa nala sala ma kilu nae'a. ⁹ Mitudu meulau esa no esa, afi no keluhan. ¹⁰ Karna basa atahori simbo nemeho'o netedale, fo tao na untuk ama layani esa no esa dadi mi mana to'u ai mbele; ¹¹ seka fo mana ola, na biar ana ola dadi neu atahori mana ma'a lolosa'a Ama Lamatua haralin; no seka fo mana layani, na biar ana layani no manggate mana Ama Lamatua fe, sehingga sia basa sa'ka mesan, Ama Lamatua nene koa ma kio'o lao mia Yesus Kristus. Soa Neu'e basa mandela masa'a no koasa mia fai ia losa do na neu. Amin. Sususa ma sosona dadi teu mana tungga Kristus ^{14 12} Torono susue nggeru, afi nggengger mo ai sosoba dodou mana nema soba hei, sama ona'a sa'ka yang dadi ona'a ane soa neu nggi. ¹³ Tehu, mimiho'o ma mitidale karna hei tungga ha'i bagian sia Kristus sususa sosona'na rala, fo boe'ma hei bo hambu mimiho'o ma mitidale sia fai sabe'na Lamatua mandela masa'a na nene netudu. /v 14 Maua manale kalu hei nene ne'emumuti karna Kristus nara'na, fo Duladale mandela masa'a no Duladale Ama Lamatua ana leo sia hei rala. ¹⁵ Te hu, afi sia hei talada'mara hambu hei susa ma sona dadi mi mana hala mbau, mama na'o loloi, mana tao de'ulaka, do dadi mi atahori mana sambor atahori laen tataon. ¹⁶ Te hu, seka mesan mana susa ma sona dadi neu atahori Kristen, afi fe ana mae, sebaliknya ana koa kio Ama Lamatua karna lemba doi nara na'ka. ¹⁷ Losa faina ne'etu neladi'a mulai lao mia Ama Lamatua ume lo hada na. No, kalu ne'etu neladi Ama Lamatua ana mulai mia hita nema, maka sa'ka dadi neu ua manale lao mia atahori-atahori fo nda mana tao tungga Ama Lamatua susura Meumarena? ¹⁸ Kalu atahori mamahere boe'o ana helambembein fo ana nda nasoda sa, bagimana no ata hori de'ulaka no atahori mana masala'a?Amsal 11:13 ¹⁹ Hu na, helan fo sira mana susa sona karna hihima nanau mia Ama Lamatua, namahere ao samanan soa neu mana Ma'adadadi eni no meulau, foa ana tao nakando sa'ka yang meulau.