HUR ADI MIAMA TITUS GENANG ¹ Hur adi Paulus Laha tala gamalal, Kristus Yesus garasul Gang geng gahing, gohi ingba iugaluali miama Lahatala mimate Gang iga nukung phana aphetal ha molang gomi. ² Angahise ging bisa aphetal gejia geg mega anga harak, emang hula tulangmi a'e miama gi ala palaki, burang palika ka ae badomi gajoang, sebab Geng anga Lahatala gapala ki angaka galeko ubanaga. ³ Gao rasmi Gang firman anga neng parsaja miama mmeneng, nohi phana utu tuk Lahatala Salamat ga' ejel gapa renta anga ugalu ali. ⁴ Miama Titus nafal mamolo ping iman anu gomimi. Berkat nua hama Pimang Lahatala oli Yesus Kristus pi Salamat gamana king gabung adu miama pigoa. TITUS GA KARAJANG, PENATUA UOLU, KRETA MI ⁵ Adi gelangba nang eng miama Kretami amihi ng sengse nang bale. Anga hise, ang bisa karajang tata' ang angba ang parlu uator, sengse ang oli penetua go nong ging songgar miama abang-abang kanap, emang hula nang miama uafomu ng jema anga gajoang. ⁶ Ging aphetal hamola ng, phela ukarajang bana ga, gahial anu, gafal anga gonong nama parsaja, na maka gihula banaga sebab gingka phela gomi aphetal banaga. ⁷ Sebab namaba jemaat jaga ka phela gaha lang gomi aphetal banaga. Sebab gengba jemaat anga uator upiling. Ka giafak phu hi banaga ka gomi kalila ba naga, kanaboga banaga, ka tota banaga, oli ka rakus sengse untu gola miama gadiri giafak phahi lokang gadang banaga. ⁸ Suka nama tarima miama ga'emi gadili. Il nua hama angaba suka, pikiran ehi, molo-molo, hamolang, gang oli gafak phahi uala pi. ⁹ Hur mamolo anga ba gang puni anamang, emang hula ilba nama mia ma gafomung gapahang jema anga gajoang. Anga hise gang bisa fomung pah ang molo molo angaba mia nama genang oli gingba lafang pusi anga gi hapa. ¹⁰ Sebab nama tohing rai lafang, suka leko tutuk, oli nama ga'ali, phenangba gingba sunat gamanusia anga. ¹¹ Ging anga male kang nama giag anga takal i anga hise gafig. Sebab ging lamal e'ejel ajimi ka nap, nama geng gene susa. Gamamolo se ajaran agani anga ake miama nama ua jar ganang. Sebab ajaran ba garupa agani anga miama nama geng gene maniang. ¹² Ging angaba gianu anga nabi. Gang ubagang sebola, Kreta gamanusia anga nama leko tutuk pusi, emanghula binanta napa ha gag phela anga molo, ging rakus sengse oli malas." ¹³ Ilba nang ubagang adi tatabi, anga gelang gifo ng gene iamang anga gene phal-phal, angahi gi'iman anga gang bisa jadi mona. ¹⁴ Ake Yahudi gamanus ia ga'a'ul anga gonong ba, ifeli miama uhalela, oli na maba nua hama gatomba anga uhalela ganang. ¹⁵ Gingba aphetal molo-molo angase tatabi molo, ibase miama gingba aphe tal phela oli parsaja banaga angase, masiking mang hingkul edeng kelangba ae gidirimi dika molo anaga, mau giganukung, nagaba giomi gomimi ajimi anga karita. ¹⁶ Ging umangku bola ging Lahatala geli iba se gitadili anga Lahatala ga'ali. Aphetal karita, ka uga luali banaga, ilba gane bola nua hama, gingka anu kake langdi ukarajang banaga.