FIAG ASAL MOLO-MOLO ¹ Anga gelang, nua hama molo-moloba ing umagia ang ba miama ging uajar. ² Na ma amu giumur lebe jema anga ging giafak tahang, ging uada, iafak ugalek, sengse, i'i man anga gene gang ehi mo lo-molo, itomi tajajahi gomimi oli itahang udagili gomimi. ³ Agani di oli nama hial ba giumur milebe angadi, ing malekang itadili ibetul ihamolang kadulang gomi mi, ka teng ubabagang ba naga, olika anggur gamalal banaga, ibase il nanening ba nua angba miama nama uajar. ⁴ Tadili agani anga ging bisa nama hial napha ta anga gifong gene, giohi ginaming oli gifal gonong giomi miama gijahi. ⁵ gia fak ubara, aphetal hamola ng, gi'egomi gang bisa upi ling, moleng bala, ganaming gotoku, anga hise Lahatala gahur anga nama ake gahu la gamananti ganang. ⁶ Agani dise oli nama ko phol anga gonong, gifong gene anga hise, ging bisa gi diri anga ualapi. ⁷ Il rupa karanu gomimi idiri anga gene miama sonto nua anu gafagi, karajang nua gomi mi. I'nama ajar gomimi, i' te nguada horomat miama ta tubing. ⁸ Hur nua angaba tutuk ubagang miama tata dang, anga hise, iphalong ging maniang karna, ingka il phela joa ututuk oli ukara jang, ia piaphetal gomimi banaga. ⁹ Ingba malal, ing male kang i'tuang anga ging ha romat il rupa karanu gomi mi, ukarajang gene giomi anga gang sanang ake gin lafang ganang. ¹⁰ Ake il gaphuning ganang, ibase ing iafak matubing sebola ing anga nama ing parsaja il karanu gomimi. Anga hi se Lahatala salamat ga'ejel anga nama Geng tajaning. ¹¹ Sebab Lahatala ganu a hama ping phana slamat ugadu anga nama ajimi ge li tarang jema. ¹² Gang bisa ping gene ilba hamola ng banaga, nagaba ilba du nia gamau anga gatomba. Anghise ping bisa aphetal pidiri adi walapi gene molo oli hamolang, gie oras adi gomimi. ¹³ Oras adi ping gie miha pimikuat,berkat gomimi afing angba gapil jia, phenangba pi Lahatala phal balolu Gengba pisala mat, Kristus Yesus ga'adu gama gomimi, Nua hama anga ae Gengba gomimi afing jia. ¹⁴ Gang gadiri gafak phahi mapining bola mia ma pido sa pigahlang ang a, uampo miama pining, oli bola piaphetal gene hamo ang,miama gadiri gadang, miama gafal gidat gene oli miama gakarajang phal balolu anga gadang. ¹⁵ Il adi miama ging ajar sengse gifong gene Ga kuasa gomi. Nama joa ake ing uada banaga ganang, sengse ging oli idiri gene galola ng galolang ganang.