NAMA HIALBA YESUS GOMOLING ¹ Gami iliali angmuse, Yesus jema moe abang-aba ng oli desa-desami, bola La hatala ga Injil nua hama anga ututuk ubagang. Sako la ginang karanu falung alo anga di gala topuni. ² Agani dise oli nama hial adedengba eang phela gio mimi miha oli ketang kalila ebeng gala Yesus pernah gihoning ging mona. Ging anga gijoaba Maria, biasa ga'agang bola Maria Mag dalena, geng angaba mianu setang phititoga gomimi, Yesus gahoning gamona. ³ Oli Yohana Kusa gahial geng anga Herodes gaseng papuni, Susana oli nama hi al tohing rai gala.Ging gika fasa amba galokang pake sengse miama Yesus gomo ling. KOLI TUTUK MIAMA PHING TEI MIMEGA ⁴ Nama tohing rai abang abang kakanap adu kum pul ging Yesus gola, angmu se Yesus angami koli tutuk anu miama gihahamami ubagang sebola. ⁵ "Nama anu iladagal ukara jang seng muse, gang jema iladagal anga tei. Ga il tei gomimi phing anga, joa fiag gadingkilmi mugu, nama umate oli aduang burang gomi adu kede. ⁶ Phing gajoa anga oli meke fal ka rang gomimi haru, anga ge lang phing anga piling, iba se phing anga malotil sebab jial talalu kurang. ⁷ Oli phing gajoa anga bukal magang gomimi ha ru, anga gelang bukal ma gang gala philing bukal ma gang geng tei, oli bukal ma gang geng pituk. ⁸ Oli phing gajoa anga meke ab oga gomimi philing anga gelang, gang gahi miama u sampe gatohing ratu anu. "Gang koli tutuk gaumate mi sengmuse, Yesus ubaga ng sebola, "Nama alalang angaba gafeli u, angase biarla gafeli anga miama uhalela umagia!" ⁹ Gaumatemi sengmuse ga sakola gonong angmi koli tutuk gamanggarati anga miama ugeteng. ¹⁰ Gang tutuk bola "Miama idang sorga abang garahasia anga nama mia ma iala tutuk, ibase mia na ma ebeng, Gang koli tutuk ba miama gidang anghise, "Masiking ging ae gauling jia, ibase ging ka uling geli ba naga, oli ging uhalela umagia jia, ibase gingka manggarati banaga. "Yesaya 6:9 KOLI TUTUK MIAMA PHING GADANG GAMANGGARATI ¹¹ Adiba koli tutuk anga gamanggarati, phing anga Lahatala gahur. ¹² Phing ba fiag gadingkilmi haru anga, namaba Lahatala ga hur, uhalela umagia. Agani ibase setang adu gahur anga piomi gomimi mia, agani hise giohi ake parsa ja ganang, angahise ging ake salamat ganang. ¹³ Phingba meke fal ka rang tang haru anga, nama ba Gahur umagia, ging rasa sanang, ibase gabariking ka ilmia anamang banaga. Gahur anga ging ugieling, ibase susa lala kurang ga nasing ging tang adu, ang muse ging Lahatala phe nang miama ugitajobing gene. ¹⁴ Phingba bukal maga ng gomimi mugu anga, Na maba Gahur anga uhalela, ging Lahatala gomimi aphe tal, agani ibase giaphetal fa il ugahala, angmuse, ging bi sa kafasa, oli dunia gasana ngba u'giomi, anga gelang giaphetal, gi'iman gahika mate anamang banaga. ¹⁵ Agani dise oli phing ba meke aboga mi mugu phe nangba namaba Gahur dal uhalela umagia, sengmuse tatabi miama giomi gomi mi talokul mega, gahi mia ma u'sengmuse ging pake miama giaphetal gomimi fid kakanap." ALIALI ANGA MIAMA NAMA UGALIALI ¹⁶ "Nama anu gangka la mpu tubing gang faling se ngse, utiali mega banaga, nagaba gang faling sengse miama laku dumang gami hing banaga.Gamamolose, lampu anga nama tubing se ngse, miama mana paleteng ba tang gamihing, anga hise nama e'gomi maso angase ging bisa uling galialai anga geli. ¹⁷ Sebab ilba taphuni ng tetabani di nama kuli bu ka gabalelang, oli masiking il anga rahasia tetabanidi, na ma kuli buka gene ga tarang. ¹⁸ Anga gelang ing malale kang uhalela, namaba geg u angase, nama kuli miama ma genang mitohing magala, iba se namaba, il joa ka a'e geng u'banaga, angase gadiri anga di nama kuli mia, oli il ba'ae gabung angadi nama mia." YESUS GA KELUARGA MAMOLO ¹⁹ Angmuse, Yesus gifa oli gakaku gonong adu geng ha rak ibase ging Gabung-gabu ng jadi banaga, sebab nama tohing rai talalu adu gomo ing. ²⁰ Angmuse nama angami gala tutuk bola, ifa oli akaku gonong adipo balela ng gomi mate jia, ging bola malekang Eng harak." ²¹ Agani ibase Yesus angmi giala tutuk ubagang sebola, "Nifa oli nakaku go nong phenangba, namaba suka Lahatala gahur gadal uhalela umagia, sengse oli ukarajang miama gia phetal gomimi, "YESUS GANG EANG PHAL BUANING GAHAPA ²² Fid anu gadang, Yesus oli gasakola gonong gi ala e'anu tang, Gang gasako la anga gonong giala tutuk, "Ma'e'ping jial kolang ga biba edeng goa momo mifa. "Angmuse ging mate lali gabar edeng mifa. ²³ Ging do a'e 'e tang lali jiase Yesus ta kuta. Angmuse harikang phal adu kolang anga mihera, sengse oli adu gi e' mi hera, anga gelang jial e'gomi maso e'afing-afing, e' sebola hola. ²⁴ Angmuse sakola gono ng Yesus harak ging game hal gala tutuk sebola, "Guru ping gie susa gomimi. "Ang muse Yesus angami mate se ngmuse, Gang angami eang oli kolang phenang gomi mia ma gakalila.Oras anga gomi mi, eang phenang tarus teni ng, oli kolang phenang angmi rama. ²⁵ Gang angami gia la tutuk ubagang sebola, "I'iman ae tatami?" Ginang aji mi baruati oli herang, ging angami tala tutuk ubagang bola, "Geng adi alalang? Seng hise Gang bisa eang oli jial di uparenta, anga gelang ajimi bisa gaparenta ugaluali tarus ajimi bisa tening? GERASA GAMANUSIA ANU EANG PHELA GOMI MIHA JADI MONA ²⁶ Yesus angmi gasakola gonong gala, ging jema moe Garasa gagoang gomi. ²⁷ Pas Yesus bola adung tati ta ng mida, nama amu abang anga gamanusia anu, eang phela gomimi miha, adu Ge ng harak. Nama anga ka paki ang pake banaga talalu luang jema, oli gangka e'gomimi miha banaga, gang kumbur ba tang miha, oli tangta. ²⁸ Nama anga gang uling Yesus geli angmuse gang kali li, gang tarus gahondal goami miha geng uada. Gang gama ng gene phal-phal, tutuk uba gang bula, "Eng urusan nane ning miama nadang, hai Yesus Lahatala Gafal phal balolu Nang abagang, ake neng sani kong ganang." ²⁹ Gang agani sebab Yesus Eang phela uparenta gang nama gomimi kaluar. Joase setang gang nama anga geng bariti, anga gelang nama geng pata geng rante, oli geng laking, ibase gang bisa rante angadi gahika, sengse setang anga geng phana mana takimang bagadang jema. ³⁰ Angmuse Yesus anga mi nama anga geteng, "Ane alalang?" Nama phenang angami ubagang sebola, "Legion"sebab ginang tohing ba gomimi miha. ³¹ Setang phenang gonong, angmi Yesu s gabagang giohi ake jema aminang ganaphuak anga mimugu ganang. ³² Mana angami anga, be' bakang phal anu a'e, abuka tang lamal phahi gola kede jia. Setang phenang Yesus ga bagang bola, be'tohing ba a'e lamal jia angaba, ging gomi mi maso, Yesus di ujali, ang muse ging agami be' tohing rai gomimi maso. ³³ Tarus setang phenang angmi, nama phenang gomimi kaluar, ging jema be tohing a'e abuka ta ng gomimi maso.Be'phenang ehi el gadang jema, jial kolan g mi mugu, hola tarus amina. ³⁴ Gingba be' tarang phe nang uling il garupa agani geli, angmuse gang mate ehi abang gadang jema, abangba tabung jia anga ajimi usarin ta, ³⁵ Angmuse nama tohi ngrai bola adu ilba jadi anga gauling. Ging angami Yesus gola adu, ging gieng ulingse nama ketaba fede mona phe nang a'e Yesus giaka ejelmi miha jia, pakiang pake mang kadulang, sengse gaganuku ng phenang tening jema. Il garupa agiani adiba gene manusia ajimi baruati. ³⁶ Gingba fede gieng tang uling geli, oli Gang gahoning garupa tetabani senghise, gang mona anga ging miama nama ebeng gala sarinta, ³⁷ Angmuse nama Garasa mi miha anga gonong ging Yesus gabagang gohi mana anga uhapha, sebab tatabi gi nang ajimi giphukang mali talalu. Anga gelang Yesus ba le etang mida, sengmuse ging lali moe Galelea ga'agu al gadang jema. ³⁸ Angmuse, namaba fede setang gomimi miha anga Yesus gabagang, gendi bisa Yesus galuali lamal ibase Yesus angami gohi jema, Gang gala tutuk bola, ³⁹ "Nuaba bale a'emi jema, sengse kara jang phal-phalba Lahatala ukarajang miama adang anga usarinta. "Angmuse nama phenang mate jema abang-abang kanap, neningba Yesus ukarajang miama gadang anga usarinta. YAIRUS GAFAL AMINA BALE APHETAL, OLI NAMA HIAL ANU GANG GENE MONA ⁴⁰ Yesus angmi bale Gale leami jema, nama tohing rai bola Geng tarima anga gela ng, ginang tohing rai a'e mate gapil jia. ⁴¹ Mana angami nama anu gane Yairus gola adu, Geng anga e'sambajang gakapalang. Gang adu seng muse gang Yesus giaka ejel mi gotoku Geng uada, Yairus gabagang kalo bisase, Gang gaemi adu. ⁴² Sebab gafal hial anu kakelang, gaumur tung karanu falung alo, a'e ke tang gomi mang bola amina. Gang mulai bola bale jemase, nama tohing rai teng bekeki ng bola gola adu Geng goleng Geng phalaphal. ⁴³ Oli mana angami anga di nama hial anu a'e ketang tamadi gomimi, fe' ba kaluar, galuang tung karanu falung alo jema. Kila fali anu kakela ng dika bisa gahoning gene gamona jadi banaga. ⁴⁴ Na ma hial adi adu Yesus gamo ta goami, Gajuba anga mide gi, oras anga gomi ketang fe' kaluar phenang jadi mona. ⁴⁵ Yesus angmi ubagang bola "Nama alalangba Neng degi jema? "Nama tohing bola naga, Petrus ubagang bola, "Guru nama tohing rai mate Eng goleng Eng phalaphal, oli nama tohing rai Abung mate teng hanampit, ⁴⁶ "Agani ibase Yesus giala tutuk ubagang bola, Nama anu gie Neng midegi jema sebab, Nang rasa kuasa gie Nengmi kaluar." ⁴⁷ Nama hial anga gang pikir bola gangka bisa gafak gaphuning jadi banaga ang muse, gang jajari gomimi Yes us gola adu, gang nama tohi ng gahondal goami sarinta sebola tetabani senghise gang Yesus geng degi anga. Oli tetabani senghise sarak dinagase gang mona. ⁴⁸ Angmuse Yesus angmi gala tutuk, "Hai nafal a'iman ba eng gene mona. Nuaba bale suka nafera gomimi jema." ⁴⁹ Yesus do a'e tutuk jia se, nama anu E'sambajang gakapalang aduma Yairus gala tutuk ubagang bola, "Afal hial phenang amina jema, ake Guru geng gene ta mome ganang." ⁵⁰ Huranga ging umagia angmuse Yesus angmi Yairus gala tutuk, "Ake baruati ganang, "Mang parsaja, afal anga kuli sala mat." ⁵¹ Ging jema Yairus ga e' sampe, gangka nama anu ka kelang di gala topuni maso banaga, suma Petrus Yohanis, Yakobus, fal anga gifa oli gimang. ⁵² Nama ajimi fal hial anga gako', agani ibase Yesus giala tutuk sebola, "Ake ko ganang, gangka ami na banaga, ibase gang mang ta." ⁵³ Nama tohing angmi go'agala sebab ging geli se bola, fal hial anga fanangmi amina jema. ⁵⁴ Angmuse, Yesus angami fal hial gatang agami puni sengmuse, gang angami ga' agang, "Nuaba mate nafal! ⁵⁵ "Angamuse fal ga'ekeng arak phenang bale adu, safa ka dinagase fal pheang anga mi hanunggur mate. ⁵⁶ Fal hial gifa oli gimang gibalapi, angami herang, agani ibase Yesus gihapa gohi ake il adi miama nama anu kakelang di gala tutuk ganang.