¹ O Paulus ino, una nena wo dadi ma Jou Yesus awi niniki mangale o Jou awi mau, de o Timotius nanga dodoto o ngongaku moi. ² O nyawa maloa de o lia-dodoto o ngongaku moi naga yo ise-isene ma Jou ka. O barakati deo sananga ma Jou ka de ya ino. O Paulus awi niniata de awi siloanga ³ Nako mima niata, mima silonga ma Jouka, ma Jou Yesus awi Eyaka. ⁴ Sababu mio isene nia ngongaku ma Jou Yesus ika de nia dora o nyawa yo ofi-ofika. ⁵ O ngongaku deo dora demaenaka mangale o nganganono ni dugunua kau o sorogaka, kiaka naga nio isen okau o pareta ma goungu uku, ena gena o Habari ma Loa. ⁶ Ma Habari nena ni adono kau de o dunia madea moi ma yo isenokau de wango alaika i sowoko i togu-togumua, matero de nage i dadi-dadi kau nia sidogolonaka, ma orasa kiaka naga nio isen de nio mangarati ma Jou awi barakati o diai ma deaka. ⁷ Ma baranga nena ni ma dotokokau o Eprafas ika, mia manaki o leleani moi, una gena ma Jou awi leleani de wo ise-isene. ⁸ Una no mia nako nia dora o ngamasa ma deaka. ⁹ Mangale gena, ma wange de mio isen ino, mima niata i togu-tagumua de mio gaaloko supaya ma Jou niwi kula o nanako to Una awi mauka o humati ma deaka deo nio mangarati o loa. ¹⁰ De kogeena, ngini ala nia make o wowango ma loa o Jou awi bionoka, niwi si sananga okiaka naga nia ika de nia diai, nio sowoko o karajanga ma loa ma deaka, de nio wango o Jou madeaka. ¹¹ Tanu ni sikuata deo sagala guata kiaka naga niwi kula kau awi kuasa ma humati supaya ngini nia make o bibitumu de o dongolono deo siloanga. ¹² Nima siloanga ma Jouka mangale o barakati niwi kula siadono ngini nia make o nyawa yo ofi-ofi manga pusaka. ¹³ Una wuna si supukau o wuwutu ma kuasano de wuna singali awi ngoaka ma Wolaka kiaka naga wa dora-dora. ¹⁴ O unaka o bobangu pa make, geenala o apongo ina moteke ngone. Gena dau moi-moini ka Unaka matiti. ¹⁵ Una geena ma Jou awi rupa kiaka naga pa make-makewa, moi-moini o Jou awi dulada Una geena ma didisilaka. ¹⁶ Sababu Una, moi-moini o soroga deo duniaka idadi, okia naga pa make-make de pa make-makewa, o pareta, o kuasa, o papareta, eko o nyawa yo kukuasa. Moi-moini idadi Unano de mangale Una. ¹⁷ Ma orasa moi-moini neena i dadi wasi, ena de Una kau. ¹⁸ Una geena o jamaata ma saeke. De Una uli ma didisilaka, ma didisilaka o sonenge masi dogolonano supaya Una wo dadi ma didisilaka. ¹⁹ Sababu ma Jou awi mau moi-moini iwango awi deaka ya ika. ²⁰ O Una no moin-moini o soroga ka eko o duniaka imaka sananga de Una, ma sananga geena i bola awi aun ino kiaka i wui-wuisi o gota ma dudukul ino. ²¹ Masila ngini ni umo kau, ma Jou niwi lawana nia sininga madeaka, de o diila nia diai, ²² Ma orasa neena ma Jou niwi si ampun okau to Una awi soneng oka mangale wodadi o siloanga mo loa, i perekua dei ofi ma Jou awi bion oka. ²³ Oli, kiani nio wango o ngongaku i bitu-bitumu madea ka, de isusa nia sininga i kiliolo o nganganono kiaka naga o Habari ma loa nio nio ise-isen ino, kiaka naga mio singasu kau moi-moini ma dulada o liwanga ma timi ka, sababu gena dau o ngoi de o Paulus mio dadi o leleani ma nyawa. O Paulus awi leleani o jamaat ika ²⁴ Ma orasa nena, ngoi toma siloanga ai sangisara madeaka mangale ngini karana ai loese uku ta totomo okia naga i kurang ma Jou awi sangisaraku mangale awi loese o jamaata. ²⁵ O ngoi to dai o leleani manya karana ma Jou awi pareta woi sidawongo mangale ngini supaya ngoi to si habari ma Jou awi pareta de ai sininga kama goungu. ²⁶ Nena ma rahasia wa gogono o ora-orasa moi deo wowongango moi, ma o orasa neena wosi matok okau awi nyawa i ofi-ofika. ²⁷ Ma Jou wo mau wosi matoko duru ma kaya awi rahasia nena o bangisa ma somoa masi dogolonaka, ma Jou wo ma noa nia deaka, genala o nganganono o humati no i bola. ²⁸ Ngomi mio si habari ma Jou alaika de miki talaele de miki dotoko deo humati la ona miki diai yo odumu ma Jou awi deaka. ²⁹ Mangale gena doka, ngoi to ma tiki, to ma riwo de awi kuasa kiaka naga i karajanga dema guata ai deaka.