¹ Pirra laddu manggamurrini, Muri Yesus Na 'bali walli ti Kapernaum rangngi'dassa Yinna ba 'o ni ti umma. ² Baisaka, dangu da tu ma pakabuana mussu ti karasa malowi a tomaka panyia. ³ 'Baisaka, mai 'dassa ti Muri Yesus bad'da karangngani ni tu ma kalikku tu ma patara ma'dita ti akkangu. ⁴ Atta da tomama pakarangngani ti karasa Nai Muri Yesus dangngu da pakissi nakka tu dangu. Da buwwasa, da pamburruni walli ti akkangu panyia pamaturruna. ⁵ Banna etaraka Muri Yesus "O ana-Nggu ni ndoku djalamu badda podisa pawarasa-Nggu sa." ⁶ Takka, mabokul-mabokula ma ma'ndiddi ma lakkasana Taurat mulai'dassa pa pangaddanggi ti ati da, ⁷ ''Kaddi ni no tu dinna panewi tunihai? No ni tu puluwainassa Muri Allah. Ma herai mapodisa pawarasai ni ndoku ni djala ba atta yinna kaddai Mori Allah?" ⁸ Ni ndewa-Nai Mori Yesus Na lakkasadara pani ni pa pangadda da ti ati da do tu yena, Mori Yesus Na panewi ti sada da do tu yena, "Kaddi dimmi pangadda tu ni haimi ti atimi? ⁹ Mbegi marisi padassa 'bakku panewi ti tu ma kalikku, ni ndoku ni djalamu badda podisa pawarrasarisa; dangngu Kutakki, kaddi da'nda ndisa latimu dangngu salaku wukka " ¹⁰ Takka, ki lakkasanggi Tu Rara o kuasa Na ti pannu tana banna podisa pawarasa ni ndoku njala. Yesus Na panewi ti tu kalikku: ¹¹ "Ka lunggu-Nggu: Kaddiwuka kau da'ndandi ni latimu dangngu kau baliwuka ti ummamu" ¹² Ni tu kalikku na kaddi banna ndengira, na tekiri ni latina dangngu na salaku ti s'baliwwu ti sagada tu dangu. Tu dangu da paosa Muri dangu da Paosa Allah Ama. Dangngu da panewi: "Atta ma kali etapu ma tu ni nggia." Lewi Makeri Muri Yesus ¹³ Muri Yesus lau 'balinasa ti karasa tamma dangudassa tu ma mai badda kajojukanni badda mai ti Muri Yesus, Muri Yesus Na ajara yidda. ¹⁴ Ba tangnga salaku Na, Na eta Lewi ana nai Alfius banna madiddi ti panyia pa baya da si katowa. Baisa, Yesus Na panewi ti Lewi: "Keriwa Yauwa." Baisaka Lewi na ndengira, dangngu na keri Muri Yesus. ¹⁵ Ba tangnga madiddi-Nai, banna nga ti umma na ni tu Lewi, dangu dai tu ma pakabuana sikatowa dangngu tu ma mangngu ndoku djalana. Dangngu banna nga karangngani Muri Yesus dangngu murid-murid hai lau dangu dai tu makeri Muri Yesus. ¹⁶ Baisaka, tu mapirra ra mabokula walli ti kelompok Parisi da etai Muri Yesus na nga dangnga ndara tu ma mangngu ndoku djalana. Dangu ma pakabuana sikatowa, tu Parisi da pakatana ti Murid Nai Muri Yesus: "Kaddi Yinna na nga karengandara ni tu pakabuana sikatowa dangngu tu mangngu ndoku djalana?" ¹⁷ Banna rangngisa Yesus, Na panewi: "Tu ni matanggasa atta na parralu ammana dotira, ni tu ni ma ana lalu, yinna ni ma parralu dotira. Yauwa Ku mai ti pannu tana, atta ku kayekamanni ni tu mapullu pia. Takka, 'bakku maiwa ti pannu tana tutu na ni tu ma mangngu ndoku djalana." Pakatananggi Ni Ngerani ni Puasa ¹⁸ Murid-murid nai Yohanisa dangngu do tu Parisi puasadai. Takka tu ma pirra ra tu ma mai pakatanai Muri, "Takka, kaddi muridMu Yo na atta da puasa?" ¹⁹ Baisa Muri Yesus Na panewi dangngadara: "Piadani do tu ma pakarangngani ni pangantin badda puasa ba tangnga 'o punni ni pangantin mani banna enga karangadara? Ni pangantin mani banna enga karangngapudaraka atta da puasa pu. ²⁰ Takka badda mai patekisa ni pangantin mani yidda didda puasa. ²¹ Atta 'o manni ni tu makka dapu ni kalambi ni ma mema badda kadapu wainggi ni karewi ma wuddi. Nikabatuni haikasa, kadapuni ni karewi ni mawuddi na tamba pakarewi ni kalambi ni ma mema dangngu ni karewi na taba pakkalada. ²² 22Dangngu a tomanni ni tu ma 'burrini anggura ma wuddi ti kantong kalitta ni ma mema. Nikabatunni haikasa ni anggura dangngu ni kantong kalitta russa dabbanarisa, risi padassa, anggura wuddi banjalai ti kantong kalitta ma wuddi." Yesus Yinna Muri Ti Laddu Masarri ²³ Dangngu banna tomassa ti laddu masarri, Muri Yesus Na tanji ti oma gandum. Takka ti dalu salaku da murid-murid nai Muri da watturini ni gandum. ²⁴ Takka tu Parisi, da panewi ti Muri Yesus, "Etara, kaddi yidda da ramma wainggini laddu 'bisa, ti laddu masarri?" ²⁵ Takka Mori Yesus Na panewi sagada yidda: " Atta bacca punggu ammai pani ni parammanai Daud dangngu tu pakarangnga na, ba atta o'ka panga da dangngu majiwu? ²⁶ Appa linnisama yinna banna tama ti umma Nai Mur Allah ba tangnga keta nai ni pareta kalada Abyatar dangngu badda nagandi ni kangutta persembahan. Takka ba etakassa da dakka ma pareta ma nga ndi ni kangutta do. Dangngu ba atta o'ka ya mangngundara ni kangutta go ti tu pakarangnga da? ²⁷ Baisaka, Muri Yesus Na panewi ti tu Parisi, "Na wolu ni laddu Masarri tutu da tu rara, atta tu rara amma ti laddu masarri. ²⁸ Takka Ana Tu Rara Yinna kadda Muri ti laddu masarri."