NI MANYURRA DANGNGU SILU MALUSA WALITI LAMMA. ¹ Kasaja nima nawara dangngu nipa mimmula pullu pia nimma walina ti Allah, kapiani yinna bai nyurrai. ² Takka hega ni mapanewi ti silu mawali ti lammana, atta napa newi amai ti rara, aitaka narangawi ti Allah maba atta oka tu malakarangi, takka nipa langina ngera nani nimaka bunni ti ngasu matua. ³ Takka, ni tua mama nyuwula napa newi ti tu rara, kapiani ba ogi tipangada, panau, danggu nawalai. ⁴ Tu ni panewi ti silu waina law ma, napa tangasa wisina, takka ni tu mamanyurra pakaddi sangnga nai kalembu tu matua. ⁵ Yawwa kumanugumi yimmi ngarandukami mapanewi ti silu malusa waliti lamma danggu napa na kaungi sini ba tunisa kalembu tu matua do oani dangngu da pamaudangai. ⁶ Baku olinguwagumi nikka ba hammiri kagaka ti yimmi dangngu kupanewi ti silu ngasu matua, panisa ni letumi, aita kupanewi kaka ti yimmi dangngu ikunggua, nilaksa, ni nyurra, pa ajara? ⁷ Dangnguwalika ni ngawu maatta o sangasu, tuddani talali, aitaka dungga mapa lusana panina, palini sama laksa kanai nitu alat pani nimma puni, talali aitaka dunggai? ⁸ Aitaka, nika trompet mapa lusai ni maata tarangu, hegaka mata sadia wikkina kuni mipa tau? ⁹ Tukada walini yimmi, mikka waimui lammamu, bai pakadi bau palusagi nipa newi mupaatta lakasa oli, palinni sama lakasagi pani mi papanewi wai? samatuni bau panewi ti ngallu. ¹⁰ Aiba, danguri ni silu ti pannu tana danggu atta malli sisa pu wali ti yinna maata wolu ruuna. ¹¹ Ba atta kulakasa kaia ni silu hai, yawa tu paata lakasawa waliti tu mapanewi dangngu yimmi, bai dadi tu pa atta lakasagui. ¹² Tukada wali yimmi, dangngu yimmi, bai usaha langsu takka tutunarikarawia walina Allah berusaha pangala kawala mangoniukari tutuni pakadi ni kalembu tu mata. ¹³ Ni kadai, ni ti masilu waina lamma basambaya dangngu mwali kana yanai nima ngari. ¹⁴ Takka, mika baku sambaya ti silu waina lammma, ni ngasu matuangu na sambayai, makka yitta nipa ngadangu amba napa sapanari. ¹⁵ Maba tunisa, panisa nipa patalakungu? Yawa kusabaya ti ngasu wikkigu, dangngu ku sabaya waina pangadangu. ¹⁶ Yawa kulodu wai ngasugu, palina kaka ni tu ma haina tiana atta mangngu kurnia, da panewi waingi “AMIN” maba bana na narang ngi ni datayamu maba atta na lakasa pungnguja nipa papanewi waimu? ¹⁷ Langngu kai sabaya padasami, takka tu sawawi atta pakadira. ¹⁸ Yawa kusabaya ti Allah, ba yawa kupanewi ti silu lamma risi wali ti yimmi. ¹⁹ Takka, ti kalembu tu matua panewi waina silu lamma panewi dangngu pangdagu yawa kapia baku ajara ku sawawi, wali sakambulurata kata ti silu waina lamma. ²⁰ Angua-angua mangumi amba dari lakawamama ti pangadamu dadi ama rawawu tidalu tima atta rassa takka mapa ngada matua! ²¹ Sama tuni nipa tuli ti bakka tawat “malini ai tu ma waina silu lewema dangngu niwiwi tu pa ata laksa yawa kupanewi ti tu dia, takka yidda atta rangngi pungngu mawa yawa, panewi nai Muri." Yesaya 28:11-12 ²² Nikadai nisiluwaina lamma tadanai, atta tuamadai tu mapa wai, takka tutuda tu maata Pawai, ni manyura tada kadai, atta tutu tu maata pawai takka tutuda tu mapawai. ²³ Ngaradukana ni kalembu tu matua bana pakatuana dabbana ti sisa panyia, ngaranduka napanewi waina lamma, baisa o tu maattalakasa,aita walika tu ma ata panewi patauna, atta da takki anai yo bakalanggu? ²⁴ Takka, nika ngaranduka bada manyurakaka, baidaka ni tu maata panewi, aitaka ni tu maata palingai ni pata rawa, yina ena patagasai wali ngaranduka dangngu da katutu dabbai. ²⁵ Nimma ona ti atina na tdungngai, dangngu na kataba dangngu na sabaya ti Allah, na akui mabai Allah oni ti sangani yimmi. ²⁶ Nidai, ni lodumi palinimisa angngu wala? Tangnga paka luami, o dabba mamurini, pajana, papa takka, silu aitaka pakatutu waido, dangngu ngara dukkanari dia pasalakuri tutuni pakadiwai. ²⁷ Nika okaka tu masilu waina lamma, ti maduara matadadi,opu sa tu ma lakasana silu ka piani bana panewi ti yidda ngara pani silu ni samani. ²⁸ Takka, ba atta okaka tu mapalali nggi ti silu, yinna kanna ndangngu ti kalembu tuma tua dangngu amma ammu nisa banna panewi nggini kalita wikkina dangngu ti muri Allah. ²⁹ Amma ammu ndarraka ba wada aita walli tiula nabi maoanewi dangngu masawawi na kadda timbai. ³⁰ Takka, milai ni papa etabawolu tutuda tu sawawi ma mandidi hai, tu mimakawungnga kanna ndangngu. ³¹ Mabba, yimmi ngara ndukka piani bu manyura stu-stu kapiani ngara ndukka kolina panjara dangngu ngara ndukka nabi. ³² Ngasu-ngasu da ngara ndukkanabi karoduka ti ngara ndukka nabi. ³³ Mabba Allah atau Allah walli timakaya wuka amma, takka ndami manjibu-nyaba, sama tuni ti dalu ngara ndukka kalembu tu matua. ³⁴ Kawinni kadda mandunga pa ndangngu ti dalu ka lembu mabba yidda atta pa yo ama ndarra kalongga badda panewi takka patambika sama tuni ni ukku tatta banna tukki mannui. ³⁵ Takka ba o’kaka pa wukka pasakola da, amma ammu ndarra ka kadda pa katana na ti lewi da ti umma mabba yinna nggo pamakaya dangngiai kawinni badda panewi tudalu kalembu tu matua. ³⁶ Appalinni nipanewi nai allah walli nitiyimi? aitawalika, damika yimmi mesani panewi nggo batoma nggi? ³⁷ Ba o’kaka ma panggadda nggi yinna batu nabi, aita walli ka tu mangasu matua, amma ammu nakka kanna tandai ba pa-pani nipatuli nggu ti you ba pa-reta nai Muri. ³⁸ Ba o’kaka tu ma atta tandai nggia, yinna atta patandamai. ³⁹ Tuni hai, oli dadi nggu, paruka langngu takka kanna wukka kau manyurata, dangngu ambau baka ammara tu papanewi ti dalu silu lamma. ⁴⁰ Takka, ngara ndukka ni kau passalakui wainggi nipatanubi dangngu ni banyarani.