NI MBUSSA. ¹ Ba piakanika yawwa baku panewi ti dalu silu-silu tu dangu ndo malalkat, takka attaku mangngu amma nggi ni mbbussa, yawwa samanika ni mamongu ma puli dangu ni mamongu dikku nimima panjakinna. ² Yawwa ba okaka karunia manyurra dangu palakkasa ni ngaran duka makka mbuni dangu ngaranduka palakkasa, dangu baku mangngu karija ni ngarandukani nippa wai yawwa atta o amma pani-pani. ³ Nikka yawwa baku ya’l ndaba karika ni ngairi nggu tutu ba yai panga ti tu milla, dangu baku yai ni kalitta nggu ba tunnu, takka atto ku mangngu kanja ni mbussa, sakuduka pongu atta o amma nggunami ti yawwa. ⁴ Ni mbussa nggo radda ati dango ndasa ati, ni mbussa atta millamai, attana wullaka wikki, dangu atta kaborangu ma. ⁵ Atta na malu ammai nimma atta piana, attana manyarra amanggi ni sanjungara wikkina, atta maddasa ma pambani, attana kira ammai ni njala tusawawi. ⁶ Attana sannang amma ti pannu ma atta pulipia, takka sannangu dangngu nggi nimma pulupia. ⁷ Nimbusa nggo taha wikkina ba ditai anduka ndabani, na pawai ti ngaranduka ndabani, na wukkui ngaranduka adabni, dangu radda ati ba dita ndabari. ⁸ Ni mbusa atta o ma kanjuppu ni. Tu ammunilsa, ba okaka manyurrata-manyurrata enga pamallasai; ba okaka silu-silu, enga dappandangu; dangu ba okaka malakasa, enga da pambutta. ⁹ Mabba, yitta ni lakkasai sakkadappu ndai dangu yitta manyorrata sakkadappu waiki ndai. ¹⁰ Tu ammunisa, nimma mbada tutu ba ndukku linni, nimma sakudukana nggo na mallasai. ¹¹ Yawwa baku alakawa, dangu baku kirawa sammatuni alakawa wa. Bana tomasa baku mattuluama, yawwa ku dunja kandi ni ngera-ngera pa allakawa ndanga. ¹² Mabba nggiana yitta panganndu ndai ti dalu kaninnu sammatuni ma pakkarambana, takka toma ngora dangngu ngora. Nggiana, yawwa tandanggui ninima sakkadappu, tamaka yawwa dukku tanda mbanni, sammatuni yawwa badda tanda mbannu wa. ¹³ Tunika hai, nggiana ni taya ngera ma engapunna, ma ni pawai, nippa wukku,dangu ni mbussa; takka nimma risi pakkalada walliti nimma kataulanna nikadai nimbussa.