¹ Wali barra Paulus papawena Allah monno pawai limmana Krittu Yesu, papa tuka tora tagu dewada ata-ata papedena Allah monno padde tuba ah bennara ahkodoge tora ah dua ² Ga,inagu ghidda kakolele kanurru dadukkana, netti patekki ullu gha,i kedde dadina baka Allah ah dadukki pungnguge boto ³ Dukkiwe rapana, Nia bana tekkiwe li,iNa naledege patekke gobana papanotto daga yuppu ghinnawe paparetana Mori, ah tagu deitodadi doku dangngada. ⁴ Nebarrai Titus, nia takkabadona nalakawa tora dewa ngara kuada ghitto. Kanurru monno maghehera wali barra Mori, Ama monno Yesu Karittu, ah tagu deitodadi doku dangngada. Torana-torana Titus bana pedezi ata paama ah ne,ena Kreta ⁵ Oroniadowe neghe baku ga,ini ne Kreta ga,inagu yemmi kubawe appawe ghukkuna papa duapo monno keketai ata pama- ata pama iya padu- iya padou , gobana patekke bagu barramu. ⁶ Nia takka pungngu na,i ata dabokal, kabade ah iyakina maghinnena, ah mangngua anana ah waige monno dapodukina orona moripa ah dapawai baka bottu. ⁷ Baka ata ah panungngana ata ah waige niapona na ata da bokala ah pakako li,ina Mori, dakeketa wekki kana dangatakana bani, inda ata enukiyi, dabeige patauna monno dabeige kagoula ngau torana pautu dangnga. ⁸ Kaballekanawe , beige baku yahe paghezzi , manawwarage appawe ah dua, ata pande, nadua, maghu ate, monno napa ghata wekke douna. ⁹ Nia nanorro pungnguge nepa tekki nepa waida ata nia lolobawe nepatekki bada ga,i nia kana ya papangada ah dua monno tekkida ghidda ah lawage. ¹⁰ takka, ah mangedadi ata bottu, beige tekki boto , monno ah boto, katutukona ghidda ghidda ah walina barra ata pasunata . ¹¹ ghinna natubabwe ba todida ngadada orona ghidda ah pangade ngarra kua ole dadida ah panungadi gobana dappa dukki bah tekkiyi, niawe ah pamaige ne pamakke dangnga. ¹² Iya ata walibarra ghidda, gobbana pawai limmada ghidda douna, bana tekkiwe, meddika ata-ata Kreta ah boto, ghinna gha,i ranga bani ah bokala, monno kagoula ah manukkana." ¹³ Nepatekkina ghinnatakkanawe. Orona ghetti, bakaighidda monno pakattoge ga,inagu ghidda dua ate wai. ¹⁴ Ammana pamattaradi neghe-neghe ata Yahudi mononno pareta ata-ata ah dabeige ne ah dua. ¹⁵ Oro ah dua, ngara kua ah dua. Takka, taguda ghidda ah dirraka monno dappa waiki, da,ipungnguki ia ah dua notokoge papangada dommo ate waida ghidda ah dirraka. ¹⁶ Ghidda ah o,oge bah pandeni Mori, takka neparawida dadeibaki Mori. Ghidda ghetti pabadiggila dangngai,dapadekuki, monno datarraki barawige ngara dua.