¹ Niakaghinna,yemmi, panungngadawe hal-hal Ne Asesuai ne papanungnga adadua. ² kabani Alebih Tua harus apattu wekina, papangakada, na kausage touna, mono adua atewai,nepamanawara,monnona atekuna. ³ Ghina kaina, maghine a lebih tua engage baboghoge dipatah adua, dateki duaki dahamba anggurki, takka engage panungnga adua. ⁴ Nenghinna kaina,ghidda apanungngana maghine abou gaika beidi laeda,manawaradi anada. ⁵ pattu wekina,adua,apaduawe umma katongana, naramah, monno paradeka wekina barra laena,gai neli'i namori kadatedekaka. ⁶ Nginakaina, panungngadi ata abou gai kapattu wekina. ⁷ Nengarakuana patudage tagu toumu neparawi adua.nepapanunga, boghoge ajujura,papaaka, ⁸ Nepaneghe adua akabola gai ghida akamugu gaika makke orona nebatekiwe nedadua barrada ghitto ⁹ Atapapatukada engage baparadeka wekina barra tuanda nengarakuana, paghillige gai kasenang monno kadatagelakage. ¹⁰ Ammana pakedu, takka boghoge bayemmi baghamigi gai nengarakuana ghida kadeikawe papanungngana mori,tagu lissu tagu koukada ghitto. ¹¹ Niado, Kanurru Mori aghiddi ne toleka nenyata ngarakua ata, ¹² Gaita paghezi batatolaka neadadua monno rakusza pounu tana supaya ghitto tamoripa pattu wekina,adeida, monno adua nebaghinna, ¹³ Tanggara remakodawe nepakabuna abonuna weemaringi, niawe banamai abonuna kemuliaan wali Mori akaladana, monno tagu lissu tagu koukada ghitto, Krittu Yesu. ¹⁴ Nia nayawe touna barrada ghitto gaikana uwa opi dadi doku zalada monno napazingirawe touna, ghida umat papiliNa arawige ne adua. ¹⁵ Panunga ngarakuage neghe. tekidawe monno bakazi monno waige padoumadiimu. kadaikana ata atekagu.