Naiyaata Kabani Apalangngani ne Kolam Betesda ¹ Nebaba ngarakuana ne, ghai rame loddo rame ata Yahudi monno Yesu napenne nee Yerusalemma. ² Ne Yerusalemma, ne barra Binna Gerbang Bebe ghaige neiya kolamma neba paneghe ibarani dana kowe tekkiwe Betesda, a ghaina limma serambi. ³ Ne serambi-serambi ne, ghaide mangeda ata karodduka beika: ata kaburra, ata kabeko, monno ata kalikku (ghidda paremage ne wee kolamma dana nebanabergolakkawe. ⁴ Sebab, ne rapa-rapa nawe, malaikatana Mori ba naburru ne kolamma monno napakaghoddekawe weena. Ata ullu pongngu tama ne kolamma dana nebaba bergolakkawe ne wee, ba palangngazi lakka appa karoddukawe ne papaddana). ⁵ Na nana, ghaina ata karodduka ba selama 38 douna. ⁶ Na Yesu naetaza nia bana beika ne nekke monno napaddege bahwa nia namadoi pongnguba banamenderita karodduka, Yesu namatua barrana, "Appae ghou nau bapalangngaghu?" ⁷ Ata karodduka na nawalewe, "Tuan, daiki ata a paburruga zauwa ne kolamma dana ne wee bana bergolakkawe, takka tangngara neega berusaha ata waddeka burru ba ba ulluga." ⁸ Yesu napaneghe barrana, "Dedeghu! Keketawe teppemu monnokakoghu." ⁹ Nemeghinna mema, ata na nalangngana, nia nakeketawe teppena, monno nakako. Takka, loddo ne niadowe loddo Poddu. ¹⁰ Orona ne, ata-ata Yahudi paneghe barra ata nepapalangngada ne, "Loddo ne niadowe loddo Poddu, yemmi di keketakawe teppmu." ¹¹ Ba ka, nia nawalewe, "Ata a palangngaga, Niadona a paneghe barragu, 'Keketa teppemu monno kakoghu."' ¹² Ghidda matua barrana, "Garrai na ata a tekkigo barramu, 'Keketa teppemu monno kakoghu'?" ¹³ Takka, ata na papalangngabada ne dana paddekige ba garrai Nia orona Yesu bana menyelinap ba wali ata mangeda ne paddou ne. ¹⁴ Nebaba ne,Yesu napatangadangnga dommoni ata na ne Baitta Mori monno napaneghe barrana, "Rengnge, yemmi langnga bana. Ammana parawi dommo zala gai kadana marawikawe hal a louka paburukka barramu!" ¹⁵ Ata na nakako monno natekkiwe barra ata-ata Yahudi bahwa niadona Yesu a palangngabaza nia. ¹⁶ Orona ne, ata-ata Yahudi a aniayaza Yesu orona Nia barawi ngarakuage ne loddo Poddu. ¹⁷ Ba ka, Yesu napaneghe barrada ghidda, "Ama-Gu engana paghilli dukki nemeghinna neghe, baka Zauwa kaina engapoga paghilli." ¹⁸ Nepawale ne arawidi ata-ata Yahudi louka kia berusaha dommo taguna bapamateza Yesu, indaniakiwe orona Yesu bana langgarawe loddo Poddu, melainkan kaina orona bana tekkiza Mori bania Ama douna-Na, a ghinnana banapazamage tou dou-Na monno Mori. Kuasa Mori barrai Yesu ¹⁹ Badommo, Yesu nawaelezi ghidda, ghinnage-Nia, "Ghinnatakkana, ghinnatakkana, Zauwa kupaneghe barramu, Ana dana bisaki bana paghillige neiya wali tou dou-Na, niaka Nia dana etakiza Ama papaghillina; orona appa ne papaghillina Ama, nia kaidowe papaghillina Ana. ²⁰ Sebab, Ama namanawwarani Ana monno napaetage barra Ana ngara kuanawe ne Nia douna parawina, monno Ama kaina ba napaetage barra-Na paghilli-paghilli a louka pakaladana gai yemmi kitakjubpa. ²¹ Sebab, zama ghinnana Ama pakedde ata mate yadi ghidda moripa, ghinna kaina Ana naya moripa ba garra barrana Nia pabeina. ²² Ama dana hakimiki lakka garrani, takka nayabawe ngarakua penghakimanna ne barra Ana, ²³ gai ngarakua ata ba paakani Ama. Ata dappa akani Ana, dana paakakini Ama a patukani-Nia. ²⁴ Ghinnatakkana Zauwa kutekkiwe barramu, ata rengngega patekki-Gu monni waige barrana Nia a patukaga Zauwa namilikage moripa kekalla, monno dana tamaki pengahakimanna dana orona nia bana dikkige wali matena nee moripa. ²⁵ Ghinnatakkana Zauwa kupaneghe barramu, rapana ba nariakawe monno nariakaba nemeghinna, na ata-ata mate ba narengngewe lii Anai Mori monno ghidda rengngewe ne ba moripa. ²⁶ Orona peikona Ama banamilikana moripa ne tou dana-Na dana, ghinna kaina Nia bayawe barra Anana moripa ne tou dana douna-Nia, ²⁷ monno Ama naya kuasa barra Anan taguna banapakakowe penghakimanna orona Nia dona Ana Atapia. ²⁸ Ammana pamangaddalage ba hal neghe orona niabawe ba riaka na ngarakua ata a neena odi dana ba rengngewe lii-Na ²⁹ monno ghidda ba louza, niaduzi ghidda a rawina dua ba nudu pakeddewe moripa. Sedangkan ghidda a rawina bokala, nudu pakeddewe penghakimanna. ³⁰ Zauwa daku paddeki parawina appa-appa wali tou dou-Gu. Zauwa kuhakimi ghinnana ne Zauwa parengnge monno penghakimanna-Gu adilla orona Zauwa daku ghewa pabei dou-Gu, melainkan paneina Nia a patuga Zauwa." ³¹ "Niaka Zauwa baku bersaksi ko tagu tou dou-Gu, kesaksianna-Gu dana duakiwe. ³² Ba ka, ghai a eka a bersakksi tagugu Zauwa, monno Zauwa kupaddege bahwa kesaksianna ne payana-Nia tagugu Zaiwa niawe dua. ³³ Yemmi mipatubani taguna Yohanesa monno nia nataba kesaksianna taguna bia. ³⁴ Ba ka, kesaksianna ne padeibagu inda walikinawe a tapia, Zauwa kutekkiwe hal neghe gai yemmi kapasalamatami. ³⁵ Yohanesa niadona pelita a wegara monno mangewala, monno yemmi beige bersukacita sesaatkido nee mangewalana. ³⁶ Ba ka, kesaksianna ne ghaina barragu Zauwa louka pakaladana wali barra kesaksianna Yohanesa. Sebab, paghilli-paghilli payana Ama barra-Gu taguna Bakupabage, niniado paghilli-paghilli a neena Parawigu nemeghinna, yawe kesaksianna tagugu Zauwa bahwa Amaza patukaga Zauwa. ³⁷ Monno, Ama patukaga Zauwa ne douna ba yawe kesaksianna tagugu Zauwa. Ba ka, yemmi di pernahki rengngegawe lii-Gu ataupun etawe rupa-Na. ³⁸ Monno, lii-Na dana dangngikiwe nee ate danamu orona yemmi di waikige barrana Nia ne papatuka-Na. ³⁹ Yemmi mietawe Zurata Bia orona yemmi bisangkawe bahwa ne Zurata Bia dana yemmi ba kolege moripa a kekalla; monno Zurata Bia ne kaina nayawe kesaksianna tagugu Zauwa, ⁴⁰ taka yemmi di nauki pa mai barra-Gu gai yemmi kimoripa. ⁴¹ Zauwa daku deibakiwe kemuliaanna wali atapia. ⁴² Takka, Zauwa kupaddemi yemmi, bahwa yemmi daikige manawwarami Mori ne tou danamu. ⁴³ Zauwa kumai atas ngrana Ama-Gu, takka yemmi di deibakiga Zauwa. Niaka ata wadde mai atas ngara ghidda douna, yemmi ba mideibawe. ⁴⁴ Peighaina yemmi bi waige, niaka yemmi mi deiba padeika wali barra iyaata ba a eka monno daghewaki padeika a mai wali Mori a Iya? ⁴⁵ Ammana pasangkawe bahwa Zauwa ba mendakwamu ne arona Ama; a dakwaghu niadona Musa, nniado ata na barrana yemmi paharapami. ⁴⁶ Sebab, niaka yemmi mi waini Musa, yemmi seharusnawe waige barra-Gu orona Musa natulisa tagugu Zauwa. ⁴⁷ Ba ka, niaka yemmi di waikoge ba appa na Musa patulisana, peighaina yemmi bi waige ne patekki-Gu?"