¹ lengkat hi Paulus ka' Timotius, gambala Yesus Kristus, tinoka himian anu maima i unonu Kristus Yesus anu i Filipi tiba totu atutuanyo nu jemaat ka' majelis ² Balakat ka kaimaan anu lengkat hi ,Tumanto ka' Tumputo Yesus Kristus mombatuki Komiu! Mongkajamaian ka doa Paulus hi Jemaat i kota Filipi. ³ Aku mongtalimakse hi Tumpu Allahku biasanyo aku monginau komiu. ⁴ Idoangku hi komiu iwi iwi,hiyau saja ahi ku doakon na kaimaan ⁵ Kalana kalaja hinga-hingat anu beneakon i unonyo nu lele maima lengkat pee i sina i imona toka uka aiya ⁶ Hiyau ka kupototuu hia na anu nontampuuni pakalajaan maima anu hikomiu,ia suele momposaanggu toka sina Yesus Kristus. ⁷ nongkakonamo de sumouka aia hi komiu, ka' komiu iwi-iwi uka i kinyonyoanku. Maumule de aku i talungku'an maupee anu montundu ka kahosonan nu Tumpu,komiu na timbali sangalungku anuiuno nu balakat nu tumpu Allah. ⁸ Allah na sakisingku,komiu iwi-iwi iuno nu libos Yesus Kristus ⁹ Aiya' Doaku Moga libosmu nupaka tuangi tiba pongsumbuan tiba mangalati ¹⁰ Dakomiu mongsumbu mompilei apa na anu maima daoko totu'u mandi maidek i sinanu Kristus; ¹¹ Ka danu pobuke nu bua'a nu kaimaan anu tinokamai hi Kristus Yesus Da kaimaan ka pongunde hi Allah. Kasansalaan Paulus montinjohakon mompoewa sisik maima . ¹² Toutu'usku aku mompai kaimai komiu. mongsumbu talu apa na anu pinoko baumo hinyau atinao naanu momboa kamajuan nu kaleba maima, ¹³ mokonyo iwi'wi anu monjagai istana tiba mian sagaat mon sumbu konyo aku aya i talungku kalana Kristus. ¹⁴ Kadaisa nannyo toutu'utus anu palesaya mompaka palesayamo hi Tumpu kalana nongtalukuomai aku aya,mompaka aha balanio na mongsisikakon pokinde nu tumpu Allah,mandio koanu okabuhukakon. ¹⁵ Talu dagi ahi komi'an anu lea mongsisikakon pokinde nu Kristus, panyo dagi koanu suele koanu maima. ¹⁶ Aha suele ko makisud maima mombau kalena molibos ka aha mongsumbu aku pinojong nu aha i aya montinjohakon kaleba maima. ¹⁷ Aha pee komakisudmo mandi maima,kalana lea mombau anu mompountung posi butong,mandi kosanang na bapikin olah mongtambah sangsala na aku pinin italungku ¹⁸ katu apana hasilnyo? anu palalu tiba mau mule pa mosia,maima kabai komakisud ba pula pula kabai komakisud maima,Kristus oleleakon,mokonyo ajo aku saja aku sanang, ¹⁹ mokonyo aku mongsumbu ola doa doamiu na montulungi santuu Kristus Yesus,apamo na anu talajadi hiyau ajomo na anu nompo salamat mai. ²⁰ Anu talalo kuinau ka ia pokakana hondo mandi ko ambang'nyo.panyo ahi da aku mohumpak kabanian da i Kristus sumouka aya anu saja ko kaimaan i uno nu butongku,maumo iuno nu tumu kabai na mate. ²¹ Ka hiyau,kantumuan ola hi Kristus ka mate atina kauntungan. ²² Panyo deaku , tumu i uno nu butong aya,balalati aku mokalaja da mongkabot buanyo.,iamo na anu kupilei,aku mandi mongsumbu. ²³ Aku nugepemo nu ohua na opilei .pongkaoho ku mompalai kantumuan aya ka hingga-hinggat i kristus, kalana lebe majoon lebe maima. ²⁴ Panyo dehikomiu ,na lebe ko gunanyo na tatap tumu iuno nu butongku . ²⁵ Kapala sayaaan aya,na aku kusumbu aku na lahi jojong tiba kamiu iwi'wi da kamajuan ka kaimaan i uno nu kapalesayaan . ²⁶ De aku minsule mule hi belemiu na timbalimo ahi kabagankumo ka mintuangmo iuno nu Yesus Krisrus kalana aku.mosaangngu ka sabole'bole kita molio ²⁷ Panyo desumo aya,na tumu ahi ka bau'unyo anu timbali ka Injil Kristus da de aku toka ka mompahakabot ka komiu,kabai de mandi toka,aku timbali mohongo ka komiu na tatap tuminjo hondo'do iuno nu saangu na roh,ka saangu na pikilan,da molio hinga'gat hi iman lengkat Injil. ²⁸ Boli opobakas komiu nu taku'kuti nu mandi mompahakona,kalana ajo balalati ko kaidekan nu aha,panyo ko kasalamatan de hiye na komiu,ka ajo suele lengkat hi Tumpu. ²⁹ Mokonyo olai Kristus komiu na anu bineanyo balakat misa ola palesaya hi Ia, panyo mule da sansala hi Ia. ³⁰ Mokonyo ajomo komiu mongahopi palasoalan-palasoalan anu pokakana sumo hi komiu tinoa aku mongahopi, ka anu uuka komiu mohongo aku dagi mongoai..