(Cara Hidup yang Benar) ¹ Haapedagge yidda kadda kangga'kka takaubbu hareha monno kuaha, hadoku monno rayige tangngage harayi kadahha, ² aikahha kulra iya dummo duyi, aikahahha barrena, kamuwu hanewe monno takkiwe katautakka-takkana maloya mawu ta aroda tangngana ata. ³ yitta ulluge da bangnga alla, walle dahha dokuma, da jallora tangngada ata, kanogo marihhakka monno harayi aika tiddanna tut pannu tana, morha takka japata monno kama'k ate, buttu ate monno habuttu wikna ate. ⁴ Tabollo, badage manawara milla atena Allah, kahha tolkadda yitta na dedowe, ⁵ Nyi kahha tolkadda yitta, walle oro dahha managge harayida, tabollo oro manawara milla ate-Na ledege dadi beru Waddi Katengna. ⁶ Halal-Nadda tabarada yitta waige banna ledeni'i Yesus Kristus kahha tolka mannemarada yitta. ⁷ Begge, kole badda tailo oro milla ate manawaran-Na, yitta madda adauge mannege morha aika mangdukkanna. ⁸ Inne hatakki katau takka-takanagge tutge inne dadi nauwa ug kama'kge miyo katau takka-takkanagge bamu mannegge tannam yidda kappa tenabe tabarai Allah kadda rehi mikku rayige ha ulla kadahha, tannam radde kamanggaukamoddi tangnganna ata. ⁹ Tabollo, dikorauge kahabaleha-baleha wikina, haburru-haburru waika, monno habarrena kabangnga tuge Ukkupareha Taurat oroge rade kataudanna walle la'kma gaudi monno lilokoyi. ¹⁰ Tutda ata kahha oro kappa hewa, ha apenagge nyiyo hibba nagge, benedoge diiko rauni nyiyo. ¹¹ Oroge, miyo bamtada dammowe nadde ata taudanna bebadda hajaolloranni monno nabanbeddi doku-jala, nyiyo kamaika daunage hoku kataudana. (Patingngogu Kahadda Murru Monno Hanaugu) ¹² Kole bag halewai Artenas nyibai Tikhikus tabaramu bammu run-hadu run'ge miyi mai tabaraggu ta Nikopolis oroge nauwa ugpohta bewe tutge neddo batangragge badage kalikka. ¹³ Waina kaluta kaulha, tulkinni Zenas, nyi kabaddamma inne ta ukpareha, monno Apolos kadana tatillu lara tannam yidda kailla daka'kmo ka rauwana langba aga hingkayi. ¹⁴ Nad'kdi dahhowe radde ata hakola dahowe yitta mikkumappahha tamma rayi haulla kadahha yidda kanna dadiwe banna tutuwe banna bannuge tanga morhadda dihha lado-dihha lado monno walle da'kdamauwe ba aida dawal wuda. ¹⁵ Tangngda ata kadana kaolega nauwa hadikkege inne salam hatagumu. Hadikgagge salamuggu tabarada yidda kammanawaragamma nami ta patena. Kanyurrunna olegim miyo tangngammi.