(Ajaran yang Benar) ¹ Tanyiduwe, miyo, hanuagelah hada rade kataudanna hanua katagha. ² Kabani karehi katuna na angta patti wikna, ha aka, pattiwe tauna, lohho taggaha tahatena, tamma nawara, monno tamma nono. ³ Lohho dummo rade lawai karehi katuna nahha tingngo dahogge hada katengna, walle taggu halanglira da'kma monno haatana Anggur, tabolo nahha aka dahowe kadahha. ⁴ Nyi bataudage, yidda nadadiwe hanuwaddi bauwinne tutge manarad laida, anada, ⁵ Patti wikna, tengna, orhawe til umma, rame ba, monno libawa tabara laina, tannam li Allah kailla pamkkewe. ⁶ Taudadumogge, hanuawadi baumane kanna dadiwe patti wikna. ⁷ Ta tangnga ngara hada, kanna dadi tujja kiuwe taumu lari ta harayi kadahha. Larta hanuwa, hatingngo kamadina, paha aka, ⁸ Hanewe katengna, aika otora dajjalage tangngada gabba engada makke oro aina dadiwe takwe hada aika yannana tutda yidda. ⁹ Haata-haata ka ngakka kimlah tabara marabbammi yida lari ta tangngage hada, runnugela bam ha egeyi yidda, lohho illam gabbaddi. ¹⁰ Illam keduka, hatingngo dagge inne miyo bahatenami dajjalagge tangnga ngara hada dahamma nadawe hanuwanai Allah, kappa hoiladda yitta. ¹¹ Oro, kangidewe manemara kadedo tubana tangngana ata, ¹² kanna mukka dagge yitta ha ru tangage hada aika tengna. Walle dumoka marihhaka pannu tana dajjalagge kanna dadiwe badda patti wikna yitta, matibbara, monno saleh inne batauge, ¹³ batangradd yitta badda remage waige mamanne ha bannuna kanyurru, inne ka amna kabannuna manadanai Allah Kahadda Madehta, monno Lede hoiladda yitta, Kristus Yesus. ¹⁴ Nyi na yibe tau-Na tubada yitta tutge kahkadda yitta walta tangngaddi harayi kajapata monno tutge bahamurragge tuba tau-Na, wu kangote ata hapede-Na kamma nuddu rayige harayi kadahha. ¹⁵ Hanuwagela tangngage inne. Hanuwa monno pa apegela waige tangngage kalibawa. Illadaka ata kataubawami miyo.