(Salam untuk Titus) ¹ Kawal tai Paulus, atanai Allah lohho Rasul nai Kristus Yesus, nyi papa lewa oro patena ata hapede-Na Allah lohho pahha ngada tutuge katena bege kamma kodo tutge morh murraha. ² Tannam yidda kada dikkige badda kolege morha aika mangdukkanna, nedo pajaji tangragge wungngage rahi gei Allah dau aika kalwe kapalleka. ³ Dikege rahige nyi kappa dikkige li-Na waige patena-Na tabaraggu dokuge papa reha nai Allah, kappa tolka mane marada yitta. ⁴ Titus lakawa katuba tatillu patena yitta badda olenni, maringmalala-motmakra loohho Yesus Kristus kappa hoilada yitta. (Tugas-Tugas Titus untuk Memilih Penatua di Kreta) ⁵ Nyiwe, oroge inne nauwa maggu ijakanni takka Reta tannam miyo nadaiwe bam beyi baaagayi papa maadpo lopo ba kaketai bai ata-bai ata ta dihha kota- dihha kota, katauna agayi redo beha naugimmi tabarammi. ⁶ Nyiyo nada'po wu ata aika mang jalana laina wu peyi ole ummana, tannam anana kappa tena walle padita ma nagge oroge morha aika kailanna lohho kawihhaka. ⁷ Oroge wu ata kappa madwe jemaat, wu dahoi ata aika mang jalana ba wudahoi paha hatenanai Allah, walle na wutogoma, walle nageha banima, walle ata enumai kahanna, walle nabaimagge patauna walle na ramamage agawe pautdangnga. ⁸ Dajjalagge, nabaidahogge tulna ole atana monno naraige agawe kadahha, maniuwola papa ngada, tijana ta morha murraha, lopo dadi dahowepahanukkuna. ⁹ Nyi nahha maddoge panewe ta hada pahatena dokuge ba agyi paha nuawai tabaranna, tannam nyiyo nappa innu paakkayi dokudi li hanuwa kamma yannana lohho haapaedagge ydda katauge gabbage. ¹⁰ Oroge aukalai ata kahha gabba, baige kapalleka, loppo matipu, tubada yidda kawal takka libbo ata kabunyi. ¹¹ Yidda hatuba tonidaddi bada oroge yidda dahamma yillayi aukalai pa olebai tomage banna panuadi ngara dukkada. Badokkagge wallena dadi mawe yidda padikki patomage pada dangngadge dihha kawukku pamakke ate dangnga. ¹² Dihha wuk wal yidda, nyina nabi dauda yidda kappanewe. Baibuge ata Kreta, ata kawohhoka ranga bani loppo japata, loppo dadara, mayaukahoki, ¹³ Inne patakki natenawe, nyiwe batauge pa apedagge yidda waige kanga-ngaha tannam yidda kadda lagaha ta latti patena. ¹⁴ 14 Illam pamatraddi panewe aika lada ata Yahudi loppo pareha ata kagabbage katena. ¹⁵ Tutge kahira, ngara dukkaddi nahirayi. Tanyiduwe, tutda yidda kaotorayi aikahatena, walle lahingmanna wu ak kamurraha oroge papa ngadda lohho ateda yidda otorawe. ¹⁶ Yidda dammangakuge tadai Allah, ta nyiduwe parayida yidda kabalkanni'i Allah. Yidda dau hamma nyarha wikdagge, walle da libawa'kma walle nadadi mauwe badda pahadawe kadahha.